ISAIA 61:3 - OTSAO BAIBEL (BSI)

³ Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

ISAIA 61:3 ပူးပေါင်းရင်းမြစ်များ

MÜNCHUAK-TSAI 30:11

Nange ku küntsik-mongma mongmüi to shwonkya ang achangdaoa; nange ku mongma laxlaxtoxdaoa üntoxle ku akhople mongmüi apüidaoa.

JUHAN 16:20

Otsingtsingma kue hünzom ang thüipu; hünzom sopüi ilaxle mong maxüi, ikoxlechu chaxwannu a mongmüiüi; hünzom ang mongmaüi ikoxlechu hünzom mongma a mongmüi ang achangüi.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

HWON-NWOT-JAONO 9:8

Othuithuima mongmüimüile tamchu pwonla dongle ngünlax.

MÜNCHUAK-TSAI 45:7

achangchang to nange mongkün ikoxle chichangchang thua nang anu. Ikhokhoma Zang, nang Jowan-e, nang kamle kop ilaxle mama-mama wanghombu thakto süchongchongkya mongmüi nang ang thokle kox.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

MÜNCHUAK-TSAI 23:5

Ku zanpabu pangnusae ngün ang kopkya onui ma nange ku hanpakma fongsüt achwon; e-sele tüikya wünpa tuita ningle nange ku ponglekop, üntoxle ku pe a baoxle lyem ngole.

1 KORIN 6:20

chixe nang a otha koxlaxle shakdaoa. Idaile nang tsangtsa nange Zang fuazang angkya olom ma twonlax.

ZEKARIA 3:5

Chixe thothat mixbu ang, Jihusua khang ma nyi tsaokya füi khang-ngüi-nyi füi ngüile kox angkya akax. Jowanpa kaxtaimix ikhama ajongle ngopongma wüi hwome chix to nyizünbu füi awunle kox.

FILIPI 1:11

Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

ESTAR 8:15

Mordekai wanghomkha angkya laile pao. Chixe hingkya hia tsekya wanghom za-pua laxlaxle tamchu baxnat nyinu hia osün müikya hun khohom laxlaxle tüikya. Susa tingnu angkya tingjang lomnu mongmüi-pwonla tungle akhongkyae awang.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

KAXHO MÜIKYA LUK 15:22

Ikoxlechu hopae dabu nyaklaxle thüi: ‘Momlax, nyiza amüimüi apüilaxle chix to awunle laxkox. Chix chakkhi ma khoptüt langle laxkox üntoxle cha ma chisox soxle laxkox.

ESTAR 9:22

Hanpak ibibi a Judah khünakbu ma zanpabu chak tokya azangkya nyixbu changle; ija lyetkua a künmax-mongshanle ngokya mongmüi-pwonla füi alüixle laxkya lyet changle. Ija nyix fongkhale sax üntoxle tata füi fong ma alüixle tamchu mixshix-zasabu ang hingho tuita ningle osüt-oling koxle chang angkya hwom füi akax.

2 THESALONIKA 1:10

Ija a, chix khünaknu angkya fuazang kop ang üntoxle chix to ongkya chix khünakbu angkya achuak achenkya kop ang chix nguikya nyix nguiüi. Hünzom chuwüi hwom khama tüiüi, chemthüikoxle hwome akaxkya kaxho to hünzome ongdaoa.

JUHAN 15:8

Hünzom ma tüle oziak ziakkya makhange Apa fuazang ang tomle; ile hünzom a ku wangshembu ang achangle.

MÜNCHUAK-TSAI 104:15

ilaxle hwom mong amüi ang grep ziakbu alai, olip müngabu füi pwonla naxtüi ang alaile kox, ilaxle hwom janzüi naxtüi ang süt alaile kox.

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

MATHI 15:13

Ikoxchu Jisu-e lanle thüi: “Zangkangting tokya Apae chiküikya pün pangwüi file awütüi.

1 KORIN 3:9

Chemthüikoxle kukhi a Zang mwottho ma üitho changle; hünzom a Zang haxtok. Hünzom a Zang shwom Homchu changle.

IBRI 1:9

Chem supuix ija to nange mongkün; chem chisupuix ija thua nang anu. Idaile Zang, nang Zange, nang zünle koppu; nang füikyabu ang koxkya süthak, nang ang mongsom hia chazakya fadaoa.”

MÜNCHUAK-TSAI 149:4

Jowanpae chix khünaknu füi mongmüile; puinaile changkyabu chixe zan to lüt ang tomkya füi achuak-achenle.

ISAIA 26:2

Tingnu panbu daple laxkox ilaxle mongong chialekya nok ngui ang laxkox, chem supuix ijaja mokle tüikya nok tokya khünakbu a.

ISAIA 44:23

Mongmüile akhong kox, hünzom zangdingkhobu! Akhongkox, haxmong to zukyabu kha! Mongmüi to akhong kox, haxnubu, ilaxle fao ma tüikya pün-zua pangwüi! Jowanpae chix chongkya ahodaoa chix khünaknu Israel nok khosünkya makhange.

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

JEREMIA 31:13

Ipongma naochabu ang mongmüiüi ilaxle pwonlatungle azüiüi, ilaxle lükabu, naosom hia mixmüi pangwüi ang pwonla dongüi. Kue hwom mong asomüi ilaxle hwom mangsop a mongmüi ang achangüi, hwom mongtsik-mongma a pwonla ang achangüi.

EZEKEL 34:29

Kue hwom ang haxzao füikya haxtokbu koxle hwom otuechu wok anole ngo ang müntom. Otuechu mixnokbue hwom ahuxle tswonle münpaoüi.

EZEKEL 47:7

Kue ikha alopkya zuma, ikhato shuakax atale pünbu huanuma ngün.

MÜNCHUAK-TSAI 30:12

Idaile ku dang angkya münchang; kue nang achuakle tsai ngaoüi. Jowanpa, nang a ku Zang changle; kue othuithuima münchong fale ngoüi.