ISAIA 61:2 - OTSAO BAIBEL (BSI)

² Chixe ku khuapu ang tsanle apao Chaxwan-zanghan tu nguikya bama Jowanpae chix khünaknu khosünüi Ilaxle hwom zanpabu to lütüi. Künmax-mongshanle ngokyabu pangnu mong asom ang chixe ku ahüipu,

ISAIA 61:2 ပူးပေါင်းရင်းမြစ်များ

MATHI 5:4

“Mongmale sopkyabu, mohiman; Zange hwom joxüi!

ISAIA 34:8

Ija a Jowanpae Zaion khosünle kopüi ilaxle she zanpabu to jannong alüile chang angkya hanpak changle.

ISAIA 57:18

“Hwome chemle mokpuix kue ngündaoa, ikoxlechu kue hwom amüiüi. Kue hwom azuiüi ilaxle hwom to asunüi, ilaxle kue mongsomle ngokyabu mong asomüi.

KAXHO MÜIKYA LUK 4:19

üntoxle Jowanpa-e chix khünaknu, khosün pongle koptu nguiüna, le apuk ang chixe ku ahyenpu.”

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!

JEREMIA 31:13

Ipongma naochabu ang mongmüiüi ilaxle pwonlatungle azüiüi, ilaxle lükabu, naosom hia mixmüi pangwüi ang pwonla dongüi. Kue hwom mong asomüi ilaxle hwom mangsop a mongmüi ang achangüi, hwom mongtsik-mongma a pwonla ang achangüi.

ISAIA 25:8

Jowanpa Khüthak Zang-e othuithui hanpak ang zikmüt-mangkho amütüi! Pangnusa mik angkya mikfi ti chixe fwotle awüt koxüi ilaxle zangfang pangnu khato chix khünaknue sikngün apongle hüikya thajao-wünhai chixe fwotle awütüi. Jowanpa chix jaoe akaxdaoa!

JEREMIA 46:10

Ija a Jowanpa, Khüthak Zang hanpak-zanghan changle: anyix chixe olüix khomüi; anyix chixe chix zanpabu to sikangünüi. Wok afwotle machang machangle hwom a chix changloe saxüi, ilaxle tilan mamüi mamüile hwom aji lingle changüi. Anyix Khüthak Zang-e chix zanpabu tö koxüi shuakuxchi ma, Eufrat zui ma a.

ISAIA 66:14

Hünzome chemtue ile changkya ngünüihex, hünzom ang mongmüiüi. Ijae nang tsak-zongle tamchu tsangtsa fan müile ngo ang tom. Ifüima, Jowanpa, kue ku kax ma laxle ngokyabu to kue fongle hüikya, ilaxle ku zanpabu hato ku mongtsik ahokya hünzome awanle hüiüi.”

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

ISAIA 35:4

Mong athole ngokya pangnusa ang thüikox, “Mong chonglax ilaxle taxza! Hünzom khose ang Zang nguingole, hünzom zanpabu to sikangün ang a.”

KAXHO MÜIKYA LUK 6:21

“Hünzom, athax woknuak ma ngokyabu mohiman; hünzom wokfwot tilan müiüi! “Hünzom, athax sople ngokyabu mohiman; hünzom nyi ang ataküi!

2 KORIN 6:2

Chemthüikoxle Zange akax: “Hünzome ku lom pongma, kue hünzom to fongpu; hünzom khosün tuk nguikya zuma, kue hünzom to asunpu.” Apalax! Zang chingcha pongle lax angkya a athax changle; khosün kop angkya hanpak a anyix changle!

ISAIA 1:24

Ikhoma athax, Jowanpa Khüthak Zang, Israel nok Zang-e ile akaxle ngokya to apalax: “Kue nang to olüix khomüi, hünzom ku zanpabu, ilaxle hünzome ku ting münatüiüi.

ISAIA 2:12

Opang zaxzangle tüipuix, opang mongngamle tamchu tsaichong-kaxbongle changpuix, ibu pangwüi, ija nyix a Jowanpae adang daoüi.

ISAIA 13:6

Kakkoxle awaolax! Jowanpa hanpak a hoxüna; ija nyix a khüthak Zang-e thama apüikya nyix ang changüi.

ISAIA 34:2

Jowanpa ang chaxwannu nok hia hwom süpahibu füi mongmale. Chixe hwom max angkya hanpakma ahaile changdaoa.

ISAIA 40:1

Zang-e akax: “Ku khünaknu mong asomkox, hwom mong asomkox!

ISAIA 58:5

Chemtue hünzome chisax-chilingle zangjoppuix, hünzome hünzom sikangünle; Lainax ningle hünzome hünzom khang akhuxle, ilaxle hünzom thung ang nyikhwon nom tamchu haxbu thokle changle. Ija ang hünzome chisax-chilingle atsaokya le nyakle? Hünzome ile changkya füi ku mongzom müiüile hünzome thütpia?

ISAIA 60:10

Jowanpae Jerusalem ang thüi: “Hünzom katukbu a mixnokbue zingüi, Ilaxle hwom wanghombue hünzom thothale changüi. Ku mongtsik ma kue hünzom to sikangünpu, Ikoxle athax a kue hünzom hato ku mongkün hia chingcha ahoüi.

MIKA 3:8

Ikoxlechu ku hanpakma, Jowanpae ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?