ISAIA 61:10 - OTSAO BAIBEL (BSI)

¹⁰ Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 61:10 ပူးပေါင်းရင်းမြစ်များ

FILIPI 3:9

Wanlom to pongma atakkya ningkya chasa otsao athaxpi kuma müntüi. Athaxpi kuma Khrista to mongongkya makhange kopkya Otsao Chasa tüile, oja Chasa Otsao Zang tokhange hüikya hex üntoxle mongong chifün ang laxlaxle tüipuix.

MÜNCHUAK-TSAI 132:9

Nang zompu-zangpabu a otsaoe awunlaxle naxngo, nang otsao khünaknu mongmüi to nax-akhong.

ROM NOK HATO ZAKYA POL LAIZA 14:17

Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

ROM NOK HATO ZAKYA POL LAIZA 5:11

Chatlechu ibu to bole; kem Zang füi zuikhui ang achangkya Jowanpa Jisu Khrista ma Zange kem ang mong amüile.

MÜNCHUAK-TSAI 132:16

She zompu-zangpabu to kue khosün füi mohimanüi, ilaxle she ma tüikya nang otsao khünakbu mongmüi to akhongüi.

MIKNGÜN-OHÜN 21:2

Üntoxle hotuipa füi apong ang aza-apuale tüikya hotuinu tuita ningle, atha-anyem tamchu aza-apua laxle, Zang tokhange zangkangting Otsao Tingnu tuita, hozün Jerusalem juüi kue ngün.

ISAIA 49:18

Nang akhople hulax ilaxle chempang changle ngopuix ngünlax! Nang khünaknu asoxle ngole — hwom a hom to nguile ngole! Chemle ku ozün ma ngokya Zang changpuix, nang a nang khünaknu hanpakma mongngamkya tüiüi, tui to juüi mixcha tuita she likwün bama ngamkya ningle.

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

GALATIA 3:27

Khrista füikya notom ma hünzom bapti daoa, ilaxle athax hünzom a nyie, thüikoxle Khrista chix khüzüne awunlaxle tüile.

KAXHO MÜIKYA LUK 15:22

Ikoxlechu hopae dabu nyaklaxle thüi: ‘Momlax, nyiza amüimüi apüilaxle chix to awunle laxkox. Chix chakkhi ma khoptüt langle laxkox üntoxle cha ma chisox soxle laxkox.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

ISAIA 51:11

Nange opang khosünle koppuix hwome mongmüi-pwonlale Jerusalem alopüi, ilaxle mongmüi atungle tsaingaole akhongüi. Hwom a othuithuima mongmüi-pwonlale ngoüi, othuithuima mongtsik hia mongma füi atsai laxle a.

2 PUKAX-PANGAO 6:41

Athax, ajonghüi, Jowan Zang, Tsaotsüt Suak oja nang janzüi münwan hex, ija füi tomle Zangshwom-Hom ma nguilax, ilaxle ikhama othuithuima ngolax. Nang zompu-zangpabue mokkya mwot pangwüi to mohimanhüi ilaxle hwom zongto nang tüle müikya khoma nang khünaknu pwonla tungle ngo ang tomkox.

1 PITAR 1:8

Nang mike tümangün ikoxlechu nange chix to mongkünpu, ipongkhae nange chix chingün, ikoxlechu nange chix to mongongpu. Ikhoma nange kax ma ngai ang chitho le mongmüi ma tamchu fuazangkya füi nang ang pwonla dongpu;

ROM NOK HATO ZAKYA POL LAIZA 13:14

Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko

ROM NOK HATO ZAKYA POL LAIZA 3:22

Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!

HABAKUK 3:18

Ikoxlechu ku a mongmüi atungle ngoüi, chemthüikoxle Jowan Zang chix a ku khosünpa changle.

1 SAMUEL 2:1

Hanah-e zangjop: “Jowanpae ku ang mong amüile fa; chixe ku to mokle fakya mwot bama ku ang mong huanuma müipu! Kue zanpabu füi nyi ang koppu; Jowanpae ku to fongle changdaokya khoma ku ang mongmüipu!

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

FILIPI 4:4

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

ISAIA 35:10

Hwome Jerusalem mongmüi atungle alopüi, pwonla dongle tsai ngaole akhongle-a. Hwom a jento mongmüi-pwonlale ngoüi, othuithui hanpak ang künthang-mongdang füi atsaile a.

MIKNGÜN-OHÜN 21:9

Kaxtaimix anüt kha angkya owa ma oshuk lükya thama anüte awang le tüikya pe tüikya hex, chix ku hato hüilaxle thüi: “Ikhato oman, kue nang hama tui to juüi naocha, thüikoxle Chun Hosa kakonu ahofang.”

MÜNCHUAK-TSAI 28:7

Jowanpae kho-awa üntoxle wintuk-hanthale chang; kue chix to mongong thompu. Chixe ku to fong üntoxle ku ang mong amüi; Mongmüi tsaibu füi kue chix achuakpu.

ZEKARIA 10:7

Israel angkya khünaknu a süpahibu lailaile tsak-zong füi tüiüi, grepti-ju lingdaokyabu ningle hwom ang mongmüiüi. Hwom su-sabue ija zan to lütkya jento texle ataküi ilaxle Jowanpae chem mokdaopuix ija khoma hwom ang mongmüikya tüiüi.

JEREMIA 2:32

Hünzom nok naocha tuitae she likwünbu alakcha, chichangba tuipa tuitae chix za-pua alakcha? Ikoxle ku khünakbuepi hanpak o-echithole ku alak-asam daoa.

NEHEMIA 8:10

Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”

PONGWANG LAIPEX 24:53

Ifüima hwome nyi-za, khop hia hun likwünbu alai, ilaxle ibu Rebika ang kox. Chixe chu she hotüi hia honu hwom ang othalixkya hinghobu kox.

MIKNGÜN-OHÜN 4:4

Ija chongwang tüntong akhople mama tüntongbuchu wüi tsa ali tüikya. Ibu ma tsa ali tüichong mixmüibu nyitse awunlaxle hun khohom asünsün le thungle tüikya.

JOB LAIPEX 29:14

Kue jento masüi-mixlüi chitüile sukyakya mok.

MÜNCHUAK-TSAI 35:9

Ipongma, Jowanpa khoma ku ang mongmüiüi; chixe ku khosünle kopkoxle ku ang mongmüiüi.

TSAITAX-NGAONÜI 1:10

Nang namya makhange thalix likwünbu ningle dingkux akaile ashai jukya nang kho sünmüi wüi.

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

ISAIA 17:10

Israel, longnu tuita lailaile nang to tukle khosünle tamchu wintuk-hanthale ngokya Zang nange alakle asamdaoa. Itülüi, nange mixnok baozangbu to shwom angkya hanpakmale otsao tsawatbu azün.

ISAIA 25:1

Jowanpa, nang a ku Zang changle; kue nang chathua za ilaxle nang mün achuak-achenle changüi. Nange khosamle abütkya mwotbu mokdaoa; nange mongong athokya chitüile nange kaiwüi ajukkya mwotbu mokle changdaoa.

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 48:18

“Hünzome ku kaxtombu kax ma laxle jangchang! Hünzom hanpakma mohiman a thokle-thokle jense chemtuechu chizopkya shuasa jajen ningle a! Hünzome zan to lütkya tüise tinu kax to tichap hüikya ningle a.

ISAIA 49:4

Ku thüi: “Kue mokdaoa, ikoxle ija mongong angkya jao chitüile changle! Kue ku janzüi twondaoa, ikoxlechu tsuakkya kha chemchu chitüi.” Ikoxlechu ku zangwün khose angkya hanpakma kue Jowanpa to ongpu; kue mokdaokya khoma chixe ku ang hingho koxüi.

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

ISAIA 56:7

“Kue hünzom a ku otsao haxnu, Zaion to apüiüi ilaxle ku zangjop hom ma hünzom ang mongsom koxüi, ilaxle ku tötsap ma hünzome koxkya töbu kue pongle kopüi. Ku Zangshwom-Hom a chaxwannu nok hanpakma zangjop homle nyaküi.”

ISAIA 58:14

ile jangchang nange ku thothakya ma kopse mongmüi kopüi. Chaxwannu pangnu thüntho to kue nang achuak-achenle changüi, ilaxle kue hünzom putong Jakop ang koxkya haxtok ma hünzom mongmüi-pwonlale ngoüi. Ija, Jowanpa, kue akaxdaoa.”

ISAIA 65:18

Oja kue zingdaolaxpuix ija ma mongmüi-pwonlale ngolax. Hozün Jerusalem a mongmüie awangle tüiüi, ilaxle ima tüikya khünakbu a mongmüi tungle tüiüi.

EZEKEL 42:14

Chemtue Zangshwom-Hom ma ngole tüikya nguapabue homtho lopsha to laise tsupuix, hwome Jowanpa thothale ngopongma laxkya hwom nyi-za nui ibu ma danle tox angkya wüi changle. Khünaknu asoxle tüikya nuito laipongma hwome mama zangjang nyi-zalaxle kop angkya changle.”

ZEKARIA 3:5

Chixe thothat mixbu ang, Jihusua khang ma nyi tsaokya füi khang-ngüi-nyi füi ngüile kox angkya akax. Jowanpa kaxtaimix ikhama ajongle ngopongma wüi hwome chix to nyizünbu füi awunle kox.