ISAIA 61:1 - OTSAO BAIBEL (BSI)

¹ Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

ISAIA 61:1 ပူးပေါင်းရင်းမြစ်များ

KAXHO MÜIKYA LUK 7:22

Chixe Juhan Mwot-tsan nyi ang thüi: “Hünkhi chatlax ilaxle hünkhie chempang ngünpuix üntoxle atatpuix ibu Juhan hama wünle laxkox: Mikduakbue ngün ang kople, chafai mix ahamle, üntoxle angwonbu amüile; naba mixe atat ang koxle, zidaokyabu azangle zole, ilaxle Kaxho Müikya zasabu hato apukle;

ISAIA 42:7

Nange mike chingünkyabu ang mik daple kox angkya changpu ilaxle zangnak fangto kun khato ngokyabu alai angkya changpu.

MATHI 11:5

Mikduakbue ngün ang kople; cha faikyabu aham ang tsuakle; angwonkyabu kak müile; naba mixe atat ang kople; zidaokyabu anaole zole; ilaxle mixshix-zasabu hato Kaxho Müikya apuk ang tomle.

MÜNCHUAK-TSAI 147:3

Chixe künmax-mongshanle ngokyabu amüile üntoxle hwom makbu to lople koxle.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

ISAIA 49:9

Kue kople thomkyabu ang thüiüi, ‘Paolax!’ ilaxlechu zangnak fang to ngokyabu füi, ‘Zangngai to lailax!’, le thüiüi. Hwom a haxhua to fumtsütle ngokya chunbu ningle changüi;

MÜNCHUAK-TSAI 34:18

Jowanpa a mong atholaxle ngokyabu hama soxle tüile; mongtex asamlaxle ngokyabu pangnu chixe sünle kople.

ISAIA 48:16

“Athax ku hato soxlax ilaxle ku kax apalax. Pongwang tokhange wüi kue ngaithole akaxdaoa, ilaxle jento ku kax changle ngai ang tomdaoa.” (Athax Jowanpa Khüthak Zang-e chix tsak-zong koxle ilaxle ku tsanle apaole.)

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

MATHI 3:16

Bapti laxle Jisu tikha tokya tangthole lai; ifüima chix ang zangding ka daple kox ilaxle Zang Chasa Osu ningle julaxle chix ma paxkya ngün.

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

MÜNCHUAK-TSAI 45:7

achangchang to nange mongkün ikoxle chichangchang thua nang anu. Ikhokhoma Zang, nang Jowan-e, nang kamle kop ilaxle mama-mama wanghombu thakto süchongchongkya mongmüi nang ang thokle kox.

MÜNCHUAK-TSAI 22:26

Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!

MÜNCHUAK-TSAI 102:20

Kun ma thomkyabu wotkya zing chixe atatle ilaxle ozik-omüt hanpak tsaitsuak-kaxtsuakle changdaokyabu chixe danle apao.

MÜNCHUAK-TSAI 51:17

O Zang, puinaikya ku chasa a ku tö changpu; puinaikya hia mong alüixkya ku künmong nange pongle chikople müntüiüi.

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

IBRI 1:9

Chem supuix ija to nange mongkün; chem chisupuix ija thua nang anu. Idaile Zang, nang Zange, nang zünle koppu; nang füikyabu ang koxkya süthak, nang ang mongsom hia chazakya fadaoa.”

2 KORIN 7:6

Ikoxlechu Tita hüikya makhange, künmax mongshanle ngokyabu mong achenle fakya Zange kwom mong machu zong adünle fa.

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

MÜNCHUAK-TSAI 69:32

Chemtue mix fangto ngokyabue ija ngünüihex, hwom ang mongmüikya tüiüi; opange Zang to shwomle tüipuix, hwom ang mong achenüi.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

MÜNCHUAK-TSAI 25:9

Puinaikyabu chixe sukya lomtang to zun, hwom hama chix mongtex anwot-anole kox.

JUHAN 1:41

Pongwang ma chixe hotüi Simon atak ilaxle chix ang thüi: “Kwome Messaiah (Khrista) atakdaoa.”

MÜNCHUAK-TSAI 149:4

Jowanpae chix khünaknu füi mongmüile; puinaile changkyabu chixe zan to lüt ang tomkya füi achuak-achenle.

WANGSHEMBU MWOT 4:27

Ilailaile Hünsa Jisu, owa nange Messaiah ang achang, chix zan to ka ang Herod hia Pontias Pilat nyi mixnokbu hia Israel khünakbu füi tomlaxle ija tingnu ma asox.

JEREMIA 34:8

Israel nok khama dahai ang thomkya mix chitüi angkya hanpakma, Ibri dahaibu, sheko hia lüka pangwüi

ISAIA 52:9

Tüle-tüle mongmüi tungle akhong, male ngoünkya nang Jerusalem! Jowanpae chix tingnu khoseüi ilaxle chix khünaknu mong asomüi.

2 KORIN 3:17

Athax: “Jowanpa”, le ija kaxzyen ma akaxkya a Chasa ang thüipu; ilaxle ojongma Jowanpa Chasa tüiüihex, ikhama mongtex pankya tüiüi.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

ISAIA 30:19

Hünzom Jerusalem ma ngokya khünaknu otuechu münsopüi. Jowanpa a chingchae awangkya changle, ilaxle chemtue hünzom chingcha jule chix hato sople akhongüihex, chixe hünzom zangjop to lanüi.

ISAIA 30:26

Lyetnu a zanghan tukux nyanle tüiüi, ilaxle zanghan a jao angkya to othom anüte nüile, nyix anüt mongma nyakkya senyan zong ta ma asüilaxle nyankya ningle nyanüi. Jowanpae chix khünakbu to maklaxle tüikya to lople amüikya zuma ija ile changüi.

ISAIA 32:7

Ongat-ongüi khünak a ochax khünak changle ilaxle ochax mwot mokle; chixe atsele zangwünkya füi chitüi-chinang khünak tha ama angkya olom zingle ilaxle ibu ang hwom süntswon kop ang chitomle tsyenle.

ISAIA 40:9

Jerusalem, haxnu tsuakya kho to donglax ilaxle kaxho müikya apuklax! Akhongle nyakkox, Zaion; kaxho müikya apuk-kox! Ojao taxza ikoxle apuk-kox. Judah angkya tinglongbu hama apuakox Zang nguile ngole le a!

ISAIA 52:7

Ija ngün angkya chemtukuxle ohünotün changüi hex kaxhomix tuita haxnu akaile nguile ngokya mix, chixe kaxho müikya, mongsom kaxho apüi ngole! Chixe lütkya kax ngailaxle Zaion ang thüile, “Hünzom Zang a Wanghom changpu!”

ISAIA 57:18

“Hwome chemle mokpuix kue ngündaoa, ikoxlechu kue hwom amüiüi. Kue hwom azuiüi ilaxle hwom to asunüi, ilaxle kue mongsomle ngokyabu mong asomüi.

MIKA 3:8

Ikoxlechu ku hanpakma, Jowanpae ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

LAIPAO 28:41

Ibu nyi-za a hüntüi Arun hia chix sasün hwom ang awunle laxkox. Ile hwome nguapabu ningle ku thotha angkya hanpakma olip münga füi pale hwom kam üntoxle atsaole laxkox.

LAIPAO 29:7

Ifüima otsao ang achang ang chix khang to müngae li.

LIWI 7:35

Jowanpae hwom zompu-zangpabu mwot mok ang koxkya nyix makhange, Jowanpa ang wün füi tö koxkya kha angkya, ija a Arun hia chix sasün hwom hanpak ang koxkya süntom changle.

MÜNCHUAK-TSAI 68:7

O Zang-e, chemtue nange nang khünaknu lomzunle changüihex, chemtue nange sak-hax akaile leüihex, Selah

JEREMIA 52:33

Ikhoma Jehoiakin ang chix kun khato ngopongma laxkya nyi-za lüi ang tom ilaxle chix tsüntsün ma wanghom tsap ma wanghompa füi tomle saxlingle ngo ang tom.