ISAIA 60:1 - OTSAO BAIBEL (BSI)

¹ Zolax, Jerusalem, ilaxle senuja ningle nyanlax; Jowanpa fuazang a hünzom to nyanle tüile!

ISAIA 60:1 ပူးပေါင်းရင်းမြစ်များ

EFISIA 5:14

chemthüikoxle oja tsaotha le angaipuix, ija zangngai ang achangle. Idaile ile akaxkya tüile, “Jiple ngokya mix, zolax; üntoxle zi ngoünkya zolax, üntoxle Khrista-e nang to nyanüi.”

EFISIA 5:8

Hünzom jaojaochu zangnak to ngokya, ikoxchu hünzom Zang khünaknu ang achangkya füi tomle, hünzom zangngai ma tüile. Idaile hünzome a zangngai khünakbu ningle saxmok angkya changle.

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

ISAIA 58:8

“Ile changkya zuma sedün-zangngai müikya ningle ku chingchae nang to nyanüi, ilaxle nang kak a lebama wüi müiüi. Hünzom khosün ang ku a hünzom füi jento ngoüi; ku womle ngokyae hünzom a pangnu lom ma khosünle tüiüi.

JUHAN 12:46

Ku to ongkyabu owachu zangnak to chingo angkya kuxma ku a chaxwannu zangngai ang nguipu.

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

JUHAN 1:9

Chix a zangngai tsingtsing, zangngai ojae chaxwannu hato nguilaxle khünaknusa to nyanlaxpuix.

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

MATHI 4:16

omang zangkhunge khungle thomkya, chaxwan to ngokyabu hato, zangngaie nyan angkya changle!”

ISAIA 9:2

Zangnak fangto ahamle ngokya khünaknu hwome chongkya zangngai ngündaoa. Hwom a zangnak fang chaxwan to ngokya, ikoxle athax hwom to zangngaie nyanle ngole.

JUHAN 3:19

Ilaxle kaxfün a ija changle: Zangngai chaxwannu to hüidaoa, ikoxle khünake zangngai füi zangnak towüi sükün, chemthüikoxle hwom mwotbu a ochax chang.

KAXHO MÜIKYA LUK 2:32

Mixnokbu hato nang mongtex ngai angkya, zang-ngai üntoxle nang khünaknu, Israel hato fuazang apüi angkya bama.”

MIKNGÜN-OHÜN 21:11

Ija tingnu a Zang fuazangkyae nyanle tüikya. Ija tingnu a thalix long jaspar ningle nyanle tamchu kristel lailaile tsaotha le tüikya.

MÜNCHUAK-TSAI 87:3

Apalax, Zang tingnu, nang bama chixe wünkya ohünotün mwotbu bama. Selah

MÜNCHUAK-TSAI 102:16

Chemtue Jowanpa Zaion azünle zaiüihex, chixe chix chongkya ngaile ahoüi.

ISAIA 2:5

Athaxpi, Jakop sixlibu, Jowanpae kem ang fakya zangngai ma ahamhax!

ISAIA 4:5

Ifüima Zaion Haxnu ding ma tamchu ikhama afoxle tüikya khünak pangnu thakma, Jowanpae anyixning ma zangfwom hia wünkhut ilaxle awünning ma chuale ngokya wünle, le ajoüi. Tingnu to Zang fuazangkyae awangüi ilaxle chixe ija kho-awaüi.

ISAIA 24:23

Lyetnu a nakle paoüi, ilaxle zanghane nyankya zakle maxüi, chemthüikoxle Jowanpa Khüthak Zang a wanghom ang changüi. Chixe Jerusalem ma Zaion Haxnu dingma apün-awangle changüi, ilaxle khünaknu lompabue chix fuazangkya ngün ang kopüi.

ISAIA 28:5

Jowanpa a ozün ma toxkya chix khünaknu hanpakma maipuabu makhange zingkya fuazangkya khohom ang chang angkya hanpak tuita nguile ngole.

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

ISAIA 42:6

“Ku, Jowanpae, nang nyakdaoa ilaxle tsak-zong koxdaoa ija a chaxwannu ma sukya kaxfün tsuak angkya hanpakma. Nang makhange kue khünak noknusa füi tsaotsütle; nang makhange kue chaxwannu nok hato zangngai apüiüi.

ISAIA 66:11

Naosa tuita honu tsomti thoto mongmüikya ningle, She ahak-aluakya ma hünzome mongmüi ataküi.

ISAIA 62:1

Kue Jerusalem mong achen ang zangwünüi; She khosünle machang tanto ku dangle münngoüi, Ilaxle she-e lütkya a zangnak fangto wünnyan zung ningle janüi.

ISAIA 62:2

Jerusalem, chaxwannu noke nange anaokya ngün ang kopüi! Hwom wanghombu pangnue wüi nang fuazangkya ngünüi. Nang ang mün hozün koxle changüi, Ija mün a Jowanpa chix jaoe koxkya changüi.

EZEKEL 43:4

Ija jikjepkya wünnyan a handünchi fülom makhange nyanle Zangshwom-Hom to dong.