ISAIA 6:7 - OTSAO BAIBEL (BSI)

⁷ Chixe ija chuale ngokya wünhandix füi ku tun ma lyet ilaxle thüi: “ijae nang tunpün to lyetdaoa, athaxpi nang thaikya maxdaoa, ilaxle nang ochaxbu thailak tüidaoa.”

ISAIA 6:7 ပူးပေါင်းရင်းမြစ်များ

JEREMIA 1:9

Ifüima Jowanpae chix chak thüi: ku tun to lyet, ilaxle ku füi akax: “Apakoplax, kue nang ang nange chithaile akax angkya kax koxpu.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

DANEL 10:16

Ipongma kaxtaimix tuita, owa khünak lailaile ngünpuix, chixe chix chak thüi ilaxle ku tun to lyet. Kue chix ang thüi: “Alixachong, ija mikngün-ohüne ku a chikux ahongle müimamale ashole maxle.

MATHI 9:2

Züizüi khünake faile kakkya mix lya ma pai le chix hato apüi. Ijama Jisu-e hwom mongong ngünlaxle, faile kakkya mixsün füi akax: “Naosa, mong alüixlax, nang ochax thailak koxdaoa.”

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

ISAIA 53:5

Ikoxlechu kem ochax khoma chix to maklax, keme mokkya ochax khoma chix to chakmok. Chixe apongkya sikngün khoma tix kem kak müi, chix to chakthom topkya khoma kem kuimüi-zangmale ngo ang kop.

HUAKE LAIPEX 16:46

ilaxle Mosa-e Arun ang thüi: “Nang wündix hok-khua koplax, ikhama tö-tsap angkya wün füikya wünhandix danlax, ilaxle ija wünhan dingma ongan müikya so hidaole danlax. Ija koplaxle khünaknu hato nonokhaile hüikox ilaxle hwom otsao ang achangle zomzingkox, momlax! Jowanpa ang athukle mongtsiküna ilaxle okak-olak pwonle le chang angkya owang wangüna.”

ISAIA 40:2

Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

ISAIA 57:19

Kue pangnusa ang mongsom koxpu, hoxkyabu tamchu tsailo tokyabu pangwüi to! Kue ku khünaknu kak amüiüi.

ZEFANIA 3:9

“Ifüima kue jat-li angkya khünaknu mong alop ang tomüi, ilaxle hwome ku to jopkya boma mama baozangbu owa tochu chijop chitoüi. Hwome pangnusae ku kax ma laxle changüi.

ZEKARIA 3:4

Zangkangting to chix thotha ang ngokyabu füi ija kaxtaimixe thüi: “Ija mixsüne awunle ngokya nyitsyen sikle koxdao.” Ifüima chixe Jihusua ang thüi: “Kue nang ochax awütle fadaoa ilaxle nange awun ang ku nyizün koxüi.”