ISAIA 6:5 - OTSAO BAIBEL (BSI)

⁵ Kue akax: “Ku hanpakma monghom angkya müntüi! Ku a maxdaoa, chemthüikoxle ku le makhange laipupu kaxhuak pangwüi ochax, ilaxle opange kaxhuak pangwüi ochax zangwünle tüipuix, hwom khato ku ngole. Ikoxlechu ku mik jao füi ku Wanghompa, Khüthak Zang kue ngünle laxdaoa!”

ISAIA 6:5 ပူးပေါင်းရင်းမြစ်များ

JEREMIA 1:6

Kue lan: “Jowanpa Khüthak Zang, kue zang chemle wünüihex ngaxchu matik; ku a naosa tomtata changle.”

LAIPAO 6:30

Ikoxlechu Mosa-e lan: “Ku a tsaidong-kaxdongkya mix münchangle nange awan ngopu. Wanghompa-e ku kax to chemle apaüi?”

ISAIA 29:13

Jowanpa-e thüile: “Ibu khünake ku to shwomle le wüntüia, ikoxle hwom kaxfa ma lax angkya chemchu müntüi, ilaxle hwom kün-mong chu ojongjong towüi. Hwom zanglom a chemchu münchang ikoxle hwome mong ma kople thomkya khünake zingle alaikya wanlom hia mokle hüikya olom lanlan.

LAIPAO 4:10

Ikoxlechu Mosa-e thüi: “Münchangüi, Jowanpa, ku a sütaxakat; ku a tsaothathale tsaidong-kaxdongle tüikya mixchu münchang. Nange ku füi zangwünle chang füima ngaxchu ku iningkya mix ang chiachang. Ku a zangwün chithokya tamchu kax ma thangkya mix changle.”

EZEKEL 33:31

Ikhoma nang zangwün to apa ang ku khünakbu asoxle, ikoxle nange hwom ang moklax-ole akaxkya mwot hwome münmok. Hwom tunpün makhange mongkünkaikya zangwünbu laile, ikoxlechu chizakle hwom nüfux lomnu ma wüi ahamle ngole.

LAIPAO 6:12

Ikoxle Mosa-e lan: “Israel khünaknue ngaxchu ku kax to na müntha, wanghompa-e ning chem apa angkya? Ku a zangwün chimankya mix tuita namchang.”

KAXFÜNPA-HWOM 6:22

Ifüima Gideon-e texle atak, ami chixe ngünkya a Jowanpa kaxtaimix wüi changdao; ilaxle chixe zakya bama akaxle bang: “Khüthak Jowanpa! Kue nang kaxtaimix thün-khang asaole jao ngünle laxdaoa!”

LAIPAO 33:20

Kue nang ang ku thünza ngün ang müntom, chemthüikoxle ku ngün füima owachu ozün ma ngo ang müntho.

KAXFÜNPA-HWOM 13:22

Manoah-e chix kakonu füi akax: “Künyi a zi angkya atsingsho, chemthüikoxle künyie Zang ngünle laxdaoa!”

JEREMIA 51:57

Ija ma apün-awangkyabu to kue jutok ang tomüi— jetüi-hwonlangkya khünakbu, lompabu, ilaxle süpahibu, ibu pangwüi to. Hwom jipkya tamchatle zo ang müntom. Ku, wanghompa-e ija akaxdaoa; Ku a Jowanpa Khüthak Zang changle.

ISAIA 33:17

Tamchatle chu hünzome pangnu chito haxka khaole tüikya haxtok ma wanghom tuitae tüle zaxzangle apün-adakya ngünüi.

HABAKUK 3:16

Ijabu pangwüi kue atat, ilaxle ku zale abün; zakyae ku tunpün abün. Ku tsangtsa ma jao-jao zong chitüile chang, ilaxle ku chitong ma chikho thu. Hanpak nguile hüikya thatanle ku dangjale ngoüi kem to single hüikyabu to Zang-e sikangünle changpongma.

LAIPAO 24:10

ilaxle hwome Israel nok Zang ngün ang kop. Chix chitong ma safir makhange zingkya, lomtang lailaile ngün; ija a zangdingkho ningle hingbütle tüikya.

HUAKE LAIPEX 17:12

Israel khünaknue Mosa ang thüi: “Jangchangba ijatix changa kwom ashuk angkya!

ISAIA 59:3

Hünzom a atsekya, changnong-pünthomle tüikya, hia mix mik amütkya ma thaile tüile.

ISAIA 64:6

Kwom pangwüi ochaxe awangle ngo; müile mokpu lükya kwom mwot ngaxchu othai ang wüi changle nui. Chemthüikoxle kwom a kwom ochax makhange jumle dütkya pünchak zangwin to pikle paongokya ningle chang.

EZEKEL 12:2

“Ziün angkya khünak, nang a alün-aloxle tüikya khünakbu khato ngole. Hwom ma mik tüile, ikoxchu hwome chemchu chingün; hwom ma na zaile, ikoxchu hwome chemchu chiatat, chemthüikoxle hwom a alün-aloxle tüikyabu chang koxle.

DANEL 9:20

Kue chizakle zangjop, ku ochaxbu tamchu ku khünak Israel nok ochaxbu ngaile Jowanpa ang chix Zangshwom-Hom zingle achat angkya tsaiju-kaxju.

PONGWANG LAIPEX 32:31

Jakop Peniel dantoxlaxle achex pongma zanghan dongle changdaokya; ilaxle chix a ke adoxkya khoma faifai le aham.

LAIPAO 3:6

Zang-e akax: “Ku a hünpa hwom Zang, Abraham, Isak hia Jakop hwom Zang changle.” Ijama Mosa-e Zang thünza to hu ang za ilaxle chix thün khom.

MÜNCHUAK-TSAI 24:10

Ija fuazangkya chongwangpa a owa? Pangnusa to lüttsuakkya Jowanpa: chix a ija fuazangkya chongwangpa changle! Selah

ISAIA 24:16

Otsao jat-li, Israel nok achuakle haxtua-zangnam tokyabue tsai ngaokya keme atatüi. Ikoxlechu ku hanpakma monghom angkya müntüi! Ku a ngat-to ngohomle! Khohang mixbue chizakle khohang ngole, ilaxle hwom huxtsing-loptsang mwot ozia süma-sümale male paole.