ISAIA 6:3 - OTSAO BAIBEL (BSI)

³ Hwome tata nyakle akax: “Otsao, Otsao, Otsao! Jowanpa Khüthak Zang a Otsao changle! Chix fuazangkyae chaxwannu awangle.”

ISAIA 6:3 ပူးပေါင်းရင်းမြစ်များ

MÜNCHUAK-TSAI 72:19

Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!

IZRA 3:11

Hwome Jowanpa achuakle chatchatnaole ija tsai ngao: “Jowanpa a müikya changle, ilaxle Israel tokya chix mongkün ma oshuk müntüi.” Pangnusa wüi mae tsuakkyapong le akhong, Jowanpa achuak, chemthüikoxle Zangshwom-Hom zai angkya mwot owang wangle hüidaoa.

HUAKE LAIPEX 14:21

Ikoxlechu kue tsaotsütpu, ku ozün ma ngokya kople tamchu kutsak-kuzonge chaxwannu to ule ngokya kople,

LAIPAO 15:11

“Jowanpa, baozangbu khama nang lailaikya owa tüi? Otsao ma ohünotün nang lailaikya owa tüi? Nange mokkya ningle ohünotün hia khomtsikya mwotbu a owae moktho?

ZEKARIA 14:9

Ifüima Jowanpa a chaxwannu ma wanghompa ang changüi; noknusae chix a Zang changpule shwomüi ilaxle ija mün tuita mawüi chix tsingle laxdaoüi.

ISAIA 40:5

Ifüima Jowanpa fuazang ngaile ahoüi, ilaxle ija khünaknüsa noke wüi ngünüi. Ija a Jowanpa chix jaoe tsaokya kax changle.”

ISAIA 24:16

Otsao jat-li, Israel nok achuakle haxtua-zangnam tokyabue tsai ngaokya keme atatüi. Ikoxlechu ku hanpakma monghom angkya müntüi! Ku a ngat-to ngohomle! Khohang mixbue chizakle khohang ngole, ilaxle hwom huxtsing-loptsang mwot ozia süma-sümale male paole.

MÜNCHUAK-TSAI 57:11

Nang chongkya ahohüi zangding to, O Zang, ilaxlechu nang zangfang pangnu khato nang fuazangkya a.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

HABAKUK 2:14

Ikoxle chaxwannu a, tinu thün ma tie awangle tüikya lailaile, Jowanpa fuazang tsingkyae awangle tüiüi.

MÜNCHUAK-TSAI 90:16

Nang dabu, kwome chongkya nang mwotbu ngün ang tomhüi; kwom su-sa hwome nang fuazangkya tsak-zong ngünle lax ang tomkox.

MÜNCHUAK-TSAI 97:6

Zangdinge chix otsao apukle, ilaxle pangnu jat-lie chix fuazang ngünle.

MÜNCHUAK-TSAI 99:3

Pangnusae chix chongkya hia taitax mün achuaküi. Chix a Otsao changle!

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

EZEKEL 43:2

ilaxle ikhato kue handün chitokhange Israel nok Zang womle tüikya jikjepkya wünnyan nguiüi kue ngün. Zang kaxzing a tinu tichap zing ningle tüikya, ilaxle ija jikjepkya wünnyane chaxwannu fa le angai.

EZEKEL 44:4

Ifüima ija mixsüne ku a shuakuxchi fülom makhange Zangshwom-Hom tuntho to apüi. Kue huno koxle Zangshwom-Hom homkha a Jowanpa womle tüikya wünnyane awangle ngün. Kue ku thün khomle haxchi to hule akhux,

MÜNCHUAK-TSAI 8:2

ija a naosombue ngaole. Nang zanpabue chem chithüitsuak angkya khato nang ngole tüile; nang zongto tüikya mix nange abaxle.

MÜNCHUAK-TSAI 66:2

Chix mün fuazangle tsai ngaokox; achuak-achenkya fuazang chix ang laxkox!

MÜNCHUAK-TSAI 99:9

Jowanpa kem Zang achuak kox, üntoxle chix otsao haxhua ma chix to shwomkox! Jowanpa kem Zang a otsao.