ISAIA 6:2 - OTSAO BAIBEL (BSI)

² Chix akhople wünchua füikya zünmokbu ajongle tüikya. Hwom pangwüi ma ozang azok pongle tüikya. Ibu zünmok pangwüie mathünthün to ozang anyipong füi khung, ilaxle ma tsangtsatsa tochu ozang anyipong füi khung, ilaxle mama ozang anyipong füi a hwom pile ngo.

ISAIA 6:2 ပူးပေါင်းရင်းမြစ်များ

MIKNGÜN-OHÜN 4:8

Ibu ozün ma tüikya müi pangnu ang wüi ozang azok pong tüikya, üntoxle ibu a, omong tochu otok tochu mik füi awang le tüikya. Zangnak zangngai hwome ija ngaokya chizak: “Otsao, otsao, Otsao, Opunu khüthak Zang; Owa tüikyahex, tuipuix, üntoxle tüi angkya hex.”

EZEKEL 1:11

Zünmok pangwüie ozang anyi pong a hozui ma tüikya mama zünmok zangza füi apongle nwonle tüikya, ilaxle mama ozang anyi pong a ma tsangtsa füi fole shople thom.

MÜNCHUAK-TSAI 104:4

Nange zangwin a nang kaxhomixbu ang twon ilaxle zangchangjep a nang dabu ang twon.

MÜNCHUAK-TSAI 103:20

Hünzom janzüi füi hia tsak-zongle tüikya kaxtaimixbue, opange chix kaxtombu kax ma laxle tüilaxpuix, chixe chem akaxpuix ibu to apale tüikya pangnusae Jowanpa achuak-achenle changkox.

ISAIA 6:6

Ifüima zünmok kha angkya tuita ku hato pile ju. Chixe, chix ma tö-tsap ding angkya khaplak anyi füi khaple laxkya khisumkya wünhandix tuita koplaxle tüikya.

MÜNCHUAK-TSAI 18:10

Ozang füikya chix zünmok ma chix pile pao; zangwin ozangtok ma chix aham.

1 WANGHOMBU 6:24

Ija nyi a otom hia olwot ma tomwüi tamchu talailaile tüikya. Okhi pangnyi ma wüi ozang anyipong tüikya, ozang tuipong a fut 7 okao pong lole tüikya, ikhoma tuita zangza makhange ata zangza alople fut 15 oba tüikya.

MIKNGÜN-OHÜN 14:6

Ifüima chaxwannu angkya khünaknu pangnu jat-li, homjen, kaxngao tamchu ting-nok hato ho angkya oshuk chitüikya Kaxho Müikya koplaxle tüle dingkhoza to pile ngokya kaxtaimix mama tuita kue ngün.

MIKNGÜN-OHÜN 8:13

Ifüima kue hu, ikoxle dingkho to pile ngokya ola tuita akhongle ile akaxkya kue atat: “Mama kaxtaimix azome nyazongbu mütkya zuma, chaxwannu ma opang tüilaxpuix, hwom hanpakma, Maxsax! Maxsax!”

MIKNGÜN-OHÜN 7:11

Kaxtaimixbu pangwüi, ozün ma tüikya müi ali hia tüichong mixmüibuchu wüi, chongwang tüntong akhople ajong. Ifüima chongwang tüntong thüntho ma haxchi to hule hwom akhux ilaxle Zang shwomle,

DANEL 7:10

ilaxle ija makhange wün shua jenle tüikya. Ikhoma chix thotha angkya khünakbu a hajat-hajat tüikya ilaxle chix tunthoma khünaknu a o-e chithole ajongle tüikya. Kaxfün angkya khwa ka mwotwang, ilaxle laipexbu dap.

EZEKEL 10:21

Hwom pangwüi ma othün ali pong tüikya, ozang ali pong tüikya, ilaxle ozang nam ma tyale khünak chak lailaile chak tuipong tüikya.

EZEKEL 1:24

Ibu pikya zangzing kue atat; ibue pi pongma tinu-tichap ningle ozing alai, süpahibu othom mwopkya ningle azing, Khüthak Zang zangwün zingma azing. Pikya zakkya zuma hwome baozangbu shwom,

EZEKEL 1:9

Zünmok tuipong to ozang anyi pong pünle, tata füi zangza apongle tüikya, ijae hwom zongzongzüile tüikya. Chemtue hwom amokpuix, hwom othom ma tata tsangtsa to chipole tomwüi amok.

EZEKEL 1:6

ikoxle hwom pangwüi ma okhang ali pong ilaxle ozang ali pongle tüikya.

JOB LAIPEX 15:15

Büthüikoxle, Zang-e kaxtaimixbu to ngaxchu mongong chitüipu; chix miksho ma hwom ngaxchu tsaothale chitüipu.

JOB LAIPEX 1:6

Chemtue ozün ma tüikya ding tokyabu Jowanpa tunthoma asox angkya nyix nguile hüipuix, hwom khama Bao womle tüikya.

1 WANGHOMBU 22:19

Mikaiah-e thuithuile akaxle thüi: “Athax Jowanpae chemle akaxpuix ija to apalax. Kue Jowanpa zangkangting to chix tüntong ma thungle ngokya ngünle. Chix kaxtaimixbu komle chix akhople ajongle tüile.

1 WANGHOMBU 8:7

Okhi ozang pünkyae Suak hia ija paikya dang to o.

1 WANGHOMBU 6:27

Ija nyi a Ataxkya Otsao Nui ma atale apüt, ikhoma hokhi ozang pünkya zangza nui tanti wama apongle tüikya, ilaxle mama ozang anyi füi a katuk to lyetle tüikya.

LAIPAO 37:9

Ija ozang füikya zünmok anyie chingcha ngwotnui okhochi ma tata füi asaole thüne hule dan ilaxle ija to ozang pünkyae o-le chang.

LAIPAO 25:20

Cherubim nyie tata hato thün ahole changüi ilaxle hokhi zang pünle changkyae chingcha ngwotnui to ole chang angkya oli.

MÜNCHUAK-TSAI 89:7

Otsao nguawangbu tusox ma nang thua zapu; hwome pangwüi nang ngünlaxle abütle ajongpu.

JOB LAIPEX 4:18

Zang-e zangkho tokya chix dabu to ngaxchu mün-ong; kaxtaimixbu ma ngaxchu chixe thaikya atakle.

1 WANGHOMBU 19:13

Chemtue Elija-e ija atat ang koppuix, chixe ma nyi füi thün to khung üntoxle paolaxle longkun fülom ma ajong. Ija kaxzinge chix füi akax: “Elija, nang ikhato chem mokle ngohompu?”

LAIPAO 3:6

Zang-e akax: “Ku a hünpa hwom Zang, Abraham, Isak hia Jakop hwom Zang changle.” Ijama Mosa-e Zang thünza to hu ang za ilaxle chix thün khom.

PONGWANG LAIPEX 17:3

Abram-e chix thün hax to lyetle akhux, ilaxle Zang-e akax,

IBRI 1:7

Ikoxle kaxtaimixbu hama Zange thüi: “Zange chix kaxtaimixbu zangwin ang, üntoxle chix dabu wünle ang zing.”

KAXHO MÜIKYA LUK 1:10

Ile chixe ongan müikya so zokle zangshwom ngotan ma khünaknu othome homtho to zangjople tan ngo.

ZEKARIA 3:4

Zangkangting to chix thotha ang ngokyabu füi ija kaxtaimixe thüi: “Ija mixsüne awunle ngokya nyitsyen sikle koxdao.” Ifüima chixe Jihusua ang thüi: “Kue nang ochax awütle fadaoa ilaxle nange awun ang ku nyizün koxüi.”

DANEL 9:21

Kue zangjople ngopongma, Gabriel, owa kue othopongkya mikngün-ohün ma ngünle laxkya hex, chix a ku ngokya nui to pile ju. Ija a hansong ma tö koxle changkya tukha changkya.

EZEKEL 10:16

ilaxle ahamle changpuix, ochabu a hwom füi tomle pao. Chemtue hwome pi angle baozangbu pünle changpuix, ochabu chuwüi hwom füi tomwüile pao.

EZEKEL 1:4

Kue angakle hu ikoxle shuakux chitokhange zangchei-cheinu tuita hüile ngokya ngünle lax. Chongkya zangfwom tokhange zangchang ajeple nyan, ilaxle ija akhople zangdingkho jik-jeple tüikya. Ija zangchang ajeple tüikya khama, khop-jan ningkya tütalie nyan.

NEHEMIA 9:6

Ifüima Israel khünaknue ija zangjop jop: “nang a Jowanpa changpu, Jowanpa a nang tata wüi; zangdingkho hia ibu ma tüikya lyettsi-lyetsa pangnu nange zingpu. Nange chaxwan zangfang zing ilaxle ikhama atüitüi pangwüi nange zingpu; ibu pangnusa ang khüzün-zakdün nange fapu. Zangkho tokya tsak-zongbue nang tong to akhuxle shwomle.