ISAIA 6:1 - OTSAO BAIBEL (BSI)

¹ Wanghompa Uzziah zile paokya zanglao ma, kue Jowanpa ngün. Chix a chix tüntong ma thungle tüikya, tüle tsuale tamchu achuak-achenle, ilaxle chix nyiwune Zangshwom-Hom homnu awang.

ISAIA 6:1 ပူးပေါင်းရင်းမြစ်များ

JUHAN 12:41

Isaia-e ija kax Jisu fuazang ngünlaxle chix bama akaxpu.

MIKNGÜN-OHÜN 15:8

Ilaxle kaxtaimix anüte laxlaxle apüikya thama anüt ashukle mahüi tanto zangshwom-hom to Zang fuazang hia tsakzong wünkhute joxle thomüi.

DANEL 7:9

Chemtue kue hupuix, wanghom tüntongbu onui ma dan. Jento ozün ma ngole tüikya tüntong tuita ma thung. Chix nyi a jun büta tsele tüikya, ilaxle kho a paiput tsaotsao ningle tüikya. Ochakan füikya chix tüntong a wünle wüi khisumle tüikya,

MÜNCHUAK-TSAI 113:5

Jowanpa kem Zang lailaikya owachu müntüi. Chix a pangnusa füi tsuale thak to ngole,

MATHI 25:31

“Otue Khünak Hosa ma kaxtaimixbu füi wanghom ang achangle nguiüi hex, chix chongwang tüntong ma thungüi.

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

ISAIA 66:1

Jowanpae thüi: “Zangkangting ku ngwotnui, chaxwannu a ku chitingnui changpu. Jangchangba, nange ku hanpakma chem ningkya hom tamchu chem ningkya ku ngwotnui zingle alaiüi?

MÜNCHUAK-TSAI 108:5

Zangdingkho to nang chongkya ahohüi, O Zang, ilaxle chaxwan tokma nang fuazangkya ahohüi.

MIKNGÜN-OHÜN 4:2

Allele chasae ku awang. Zangkangting ikhato owawa thungdao le chongwang tüntong tuita tüikya.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

MÜNCHUAK-TSAI 46:10

Chixe thüi: “Azan ngokya zakün, jat-libu khama apünkya, chaxwannu thakma apünkya Zang a ku changle le awanün.”

MIKNGÜN-OHÜN 5:1

Chongwang tüntong ma thungle tüikya tsaxchi chak ma kue laitün tuita, pangnyi chima zakyae awang laxle tamchu shin anüt füi top laxle tsüile thomkya kue ngün.

1 TIMOTHI 6:16

Chizi angkya a chix tata wüi. Chix owaechu tümangüntox; owaechu tamngün ang thoüi münchang. Achuak achenkya tamchu oshuk chitüi le apün-awang angkya chix kux wüi naxchang! Amen.

1 WANGHOMBU 22:19

Mikaiah-e thuithuile akaxle thüi: “Athax Jowanpae chemle akaxpuix ija to apalax. Kue Jowanpa zangkangting to chix tüntong ma thungle ngokya ngünle. Chix kaxtaimixbu komle chix akhople ajongle tüile.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

ISAIA 1:1

Ija laipex ma Judah hia Jerusalem hato fakya kaxho tüile. Ija kaxho a Amoz sasün Isaia hato, Uzziah, Jotham, Ahaz hia Hezekiah, Judah nok wanghombu hato Zang-e ngaile ahokya kaxhobu changle.

HUAKE LAIPEX 12:8

Idaile kue chix füi thün-khang asaole tamchu tsaisong-kaxnong ma chichang homtoxle ngaithole zangwünpu; chixe kusün-kujo ngaxchu wüi ngünle laxdaoa! Ikoxle ku dapa Mosa zongto chichangle zangwün ang hünzom ang chem mongchong laxpu?”

MIKNGÜN-OHÜN 4:10

ipongma mixmüi tüichong hwom tsa ali chongwang tüntong ma thungle tüikya mix thüntho ma chikux athongle ilaxle owa oshuk tamchitüitox le ngopuix chix shwom; hwome chongwang tüntong thüntho ma hwom khohombu suk üntoxle tsai ngao:

EZEKEL 10:1

Kue ozün zünmokbu khangkho ma tüikya zangdingkho to hu ikoxle ibu khangkho ma safir makhange zingkya lailaikya tüntong tuita ngün.

EZEKEL 1:1

Zanglao tsübün achyet angkya lyetjang ali to nyix aga lükya ma, Buzi sasün, nguapa Ezekel, ku a Judah nok zanda ang kople paokyabu füi tomle Babilon angkya Kebar Shuanu zui ma ngole tüikya. Zangdingkho kadap, ilaxle kue Zang mikngün-ohün tuita ngün. (

ISAIA 12:4

Khünaknue tsaingao angkya hanpak tunu nguile ngole, “Jowanpa ang münchong fakox! Hünzom to asun angkya chix se-kox! Chixe mokdaokyabu pangnu jat-li hato apuale laxkox! Hwom hama chix chemtukux chongpuix ija apua laxkox!

MIKNGÜN-OHÜN 6:16

Hwome haxnubu hia longnubu nyakle akhong: “Chongwang thüntho ma thungkya mix hia Chun Hosa thoto kwom khom ang kwom ding to düthüi!

2 WANGHOMBU 15:7

Uzziah a zile pao, ilaxle Dawid tingnu angkya wanghom hwom zukting ma akhün, ilaxle chix sasün Jotham a chix man ma wanghom ang achang.

MIKNGÜN-OHÜN 5:7

Chun Hosa hüilaxle chongwang tüntong ma thungle tüikya tsaxchi chak angkya laitün lax.

MIKNGÜN-OHÜN 4:3

Chix thünza a thalix long Jaspar hia Karnel long lailaile nyanle tüikya. Mikngün ma tüle hat le tüikya nomlong tuitae ija chongwang ngwotnui akhop laxle tüikya.

MIKNGÜN-OHÜN 4:9

Üntoxle ozün ma tüikya müibue chongwang tüntong ma thungle tüikya mix, owa oshuk chitüitox le ngopuix, chix ang otuechu fuazangkya hia achuak achenkya tamchu münchong fale changüihex,

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

2 PUKAX-PANGAO 18:18

Mikaiah chizakle akaxle le: “Athax a Jowanpa kax to apalax! Jowanpa chix ngwotnui ma thung laxle ngokya zangkho-wangting to kue ngünle; chix akhople kaxtaimixbu ajongle tüile.

EZEKEL 10:4

Zünmokbu ding angkya Jowanpa womle tüikya wünnyan ajong ilaxle Zangshwom-Hom fülom to achex. Ipongma Zangshwom-Hom a wünkhute awang, ilaxle hom mongkha a wünzung to nyanle tüikya.

DANEL 10:17

Ku a hopupa pomtho ma ajongle ngokya dapa tuita ningle changle. Kue nang füi zang chemle wünüi? Ku ma tsak-zong chemchu müntüi, zakdün ngaxchu müntho.”

LAIPAO 24:9

Mosa, Arun, Nadap, Abihu üntoxle Israel nok lompa hwom 70 haxnukho to dong,

JOB LAIPEX 42:5

Ledaokyakya ma kue mixe ku hama wünle koxdaokya tix awanle hüipu, ikoxlechu athax kue nang ma mik füijao ngünle laxdaoa.