ISAIA 59:3 - OTSAO BAIBEL (BSI)

³ Hünzom a atsekya, changnong-pünthomle tüikya, hia mix mik amütkya ma thaile tüile.

ISAIA 59:3 ပူးပေါင်းရင်းမြစ်များ

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

EZEKEL 13:8

Ikhoma Jowanpa Khüthak Zang-e hwom füi akax: “Hünzom zangwün a othai, ilaxle hünzom mikngün a othai changle. Ku a hünzom zongto zanpa changle.

JEREMIA 2:34

Hünzom nyizabu a chem chitsingkya mixshix hia zasa hwom aji füi akhik laxle tüile, ahuxmix hwom aji füi münchang. “Ikoxlechu ibu pangnu lüi to,

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

ISAIA 1:21

Amipongma kax ma laxle tüikya tingnu zanglom-saikha a ma-tsa hangkya mixcha tuita ningle! Hanpak tuita ma ija a otsao khünakbue awangle tüikya, ikoxlechu athax a mix lang mixe awangle tüile.

MIKA 7:2

Ija haxtok ma, Zang kax ma laxle tüikya sukya khünak tuita danle müntox. Pangnusasa wüi mik amüt angkya hanpakma ziasyen thatan ngole. Noknoke wüi ma-mix zan to kale ngole.

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

HOSIA 7:13

“Hwom a maxdaoa! Hwome ku toxdaoa ilaxle ku zongto zan ang changdaoa. Hwom a amütüi. Kue hwom azünse le texhupu, ikoxlechu ku to hwome shwomkya thaile ngo.

HOSIA 4:2

Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.

EZEKEL 35:6

Ikhoma Jowanpa Khüthak Zang, kue tsaotsütle thüipu, nang a khünaknu mik amütkya ma thaile. Ilaxle kue thüipu, zikmüt mangkhoe hünzom achuale hüiüi.

EZEKEL 9:9

Zang-e lan: “Israel nok hia Judah nokbu a khompua-zadünkya ochaxbu mokle thaidaoa. Hwome chaxwantok pangkhato wüi mix-lang mix-huakkya müt kopdaoa ilaxle Jerusalem a mik-amütkyae awangdaoa. Hwome thüile, Jowanpa kue hwom haxtok danle toxdaoa idaile kue hwom münngünüi.

EZEKEL 7:23

“Pangwüi khosam ma tüile: haxtok pangwüi mix lang mix mixe awangle tamchu tingnubu a alün-aloxkyae awangle tüile.

JEREMIA 7:8

“Hulax, dyenlale tox angkya zangwünbu to hünzome mongongle.

1 TIMOTHI 4:2

Ija ningkya hwon-nwot a atsele dyen-ngankyabu, opang khangka jankhik füi akhamkya ningle omang ma tüilaxpuix, hwome apuküi.

MATHI 27:4

ilaxle chixe thüi: “Thaikya chitüikya mix khohang laxle lang ang koxkya bama kue ochax lyendaoa.” Hwome lan: “Kwome ija paktik ngo angkya chem mwot tüi? Ija a nang mwot!”

HOSIA 7:3

Jowanpae thüile: “Khünaknue hwom huxtsing-loptsang mwotlom tokhange wanghom hia chix nguakax wangkhobu dyenle chang.

EZEKEL 22:2

Chixe thüi: “Ziün angkya khünak, mütkop mixe awangle tüikya tingnu tuita ang kaxfün fa ang nang achwonle ngolax ma? She hama she-e mokdaokya zakkop mwot pangwüi tsaothale apua laxkox.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

ISAIA 6:5

Kue akax: “Ku hanpakma monghom angkya müntüi! Ku a maxdaoa, chemthüikoxle ku le makhange laipupu kaxhuak pangwüi ochax, ilaxle opange kaxhuak pangwüi ochax zangwünle tüipuix, hwom khato ku ngole. Ikoxlechu ku mik jao füi ku Wanghompa, Khüthak Zang kue ngünle laxdaoa!”

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

ISAIA 28:15

Hünzom a zikmüt-mangkho füi muamüi laxle amalum füi zangwün azutle tsuakdaoale ngamtüi. Thama hüikya tuk ma hünzom a ijae tsiakle toxüile mong chongtüi; ija a hünzome ma khangkhom man angkya bama kaxthai zangwün hia dyen-ngankya to onglaxle ngokya khoma changpu.

ISAIA 30:9

Hwome jento Zang füi alün, jento atse, othuithuima hwom Jowanpa hwon-nwot to mün-apapule angam.

ISAIA 44:20

Ija füi a wündix saxngokya ma wüi je sütüi. Chixe ongat khangkae chix itukuxle othai lom to alyetdaoa, athax chix to fong angkya olom jao müntüi. Chixe chix chak ma twonlaxle tüikya chapa a baozang münchangle akax ang müntho.

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

JEREMIA 9:2

Sak-hax to ku ang ngwotnui tuita namtüikoxba ku khünaknu füi atsaile ku ikhato ngose dai. Hwom pangwüi mongong chitüikya khünakbu, mixkho hang ang mwopkya othom.

JEREMIA 9:7

Ile changkya khoma Jowanpa Khüthak Zang-e thüile, “Kue ku khünaknu jan atsao pupule atsaoüi ilaxle hwom to thwonle anoüi. Ku khünakbue ochax mwot mokdaoa— kue hwom to chemle mok angkya tamtüi?

MIKA 3:4

Hünzome Jowanpa to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.