ISAIA 57:5 - OTSAO BAIBEL (BSI)

⁵ Hünzome otsao pünle thomkya pünnu tongbu to shekobu füi jip-pom laxle sixlibu kox angkya baozangle nyakkyabu to hünzome shwom. Shuakax tokya longkunbu khato hünzome masu-masabu tö tuita ang koxle lang.

ISAIA 57:5 ပူးပေါင်းရင်းမြစ်များ

EZEKEL 16:20

“Ifüima nange ku ang puxle alaikya sheko naosom hia lüka naosombu lax ilaxle ibu a nange tö tuita ningle chapabu ang koxle awüt. Nang ma ku to mongong müntüile thüi ang mokle hüidaoküdu ngaxchu nguile ngoüna,

ISAIA 1:29

Pünzuabu hia küi-thwomle alaikya küili-wüili otsao tsawatbu mong ma tüikyabu to shwom-tole hüikya khoma nang ang mongmakya tüiüi.

JEREMIA 7:31

Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.

JEREMIA 3:13

Nang thaidaoa, Jowanpa nang Zang zongto nang zanpa ang changle hüidao ale ngaikox. Nange ku kaxtombu kax ma chilax ikoxle pünnu tong hex athüithüi ma nang mongkün a mixnok baozangbu ang koxle tüidaoa. Ija kax Jowanpae akaxdaoa, le Israel füi akax angkya kax chixe ku füi akax.

JEREMIA 2:20

Jowanpa Khüthak Zang-e thüile: “Israel, nange ku tsak-zong kaiwüi awütpu; ku kax ma münlax tamchu ku to münshwomle nang angampu. Haxnukho pangkha towüi ilaxle pünnu tong hex athüithüi to puamün baozangbu to hünzome shwompu.

2 WANGHOMBU 23:10

Wanghom Josiah-e Hinnom Haxsha angkya songsari baozang to shwomkya nui Tofeh atsunle ama, ile changkya khoma Molek baozang ang owaechu masu masabu zokle ashunle tö kox ang chitho.

LIWI 18:21

Molek zangshwom pongma lax ang nang naosom opupuchu taxkox. Ile chang koxle Jowanpa ang nang füi küntsik mongma angkya tüiüi.

MIKNGÜN-OHÜN 18:3

Zangfange she müi-hi-aji mongzok ju, tüle tsakkya tokle lingdaoa; zangfang angkya wanghombue she füi, chinunchakkai mwot mokdaoa; chaxwannu angkya thalex khünakbu, opan chitsyen she müi-hi-aji mongzok; ija füi ahak aluaüna.”

EZEKEL 20:31

Anyixchu hünzome ibu chapabu tuitata ang wüi wün ma masu masabu zokle ashunle tö koxle hinghobu koxkya makhange ma alüile chitsaokya ang achangle. Ilaxle hünzom Israel khünaknu ku hato ku mongtex bama atüi ang nguingotüi! Ku a Jowanpa ozün ma ngokya Khüthak Zang changle, idaile kue hünzom ang ku ma chemchu tiksho chang ang müntomüi.

EZEKEL 20:26

Kue hwom a, hwome koxkya töbu makhange hwom alüile chitsaokya ang chang ang tom, ilaxle hwom ang tüichongsasa tö kox ang tsan. Ija a hwom to sikangün ang tamchu ku a Jowanpa changpule aho angkya hanpakmale chang.

EZEKEL 6:13

Mangbu a chapabu tham to tamchu tö-tsapbu akhople chiaküi, haxkho tsuale tüikya pangkhato chiaküi, haxnukho pangkhato chiaküi, püntong hex athüithüi to chiaküi ilaxle zak pünnu tong to tiale chiaküi, hwom chapabu ang tö koxle changkya pangkha towüi chiaküi. Izuma tix noknusae ku a Jowanpa wüi changpule awanle laxüi.

JEREMIA 51:7

Babilon a ku chak ma hun wansa tuita ningle, zangfang pangnu to tokle ngokya dai. Chaxwannu noke ija ju ling ilaxle hwom ang khangka samle pao.

JEREMIA 50:38

Ija haxtok hato otui-onuak apüikox ilaxle ija angkya shuajenbu azopkox. Babilon a za-adünkya chapabu haxtok changle ijabu füi khünaknu ongatbu ang achangle.

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

JEREMIA 17:2

Hünzom khünakbue baozangchanu Asherah hanpak ang pünnu tong hex athüithüi ma tamchu haxkho hex athüithüi ma

JEREMIA 3:6

Josiah wanghom ang ngotanto Jowanpae ku füi akax: “Eja mongong chitüikya mixcha, Israel-e chem mokdaopuix, ija nange ngünchami? She-e ku hato tok ahodaoa, ilaxle haxnukho hex athüithüi to ilaxle pünnu tong hex athüithüi to she-e tsangtsa hangkya mwot mokdaoa.

2 PUKAX-PANGAO 28:3

ilaxle Hinnom Haxsha ma ongan müikya so zok, ilaxle Israel khünaknu nguile ngopongma ija haxtok angkya Jowanpae jwonle apaokya khünakbue mokkya nushix dongkya mwot thüi anole chapabu ang zokle tö tuita ningle chixe sasün ngaxchu wüi zokle ashunle kox.

2 WANGHOMBU 17:10

Haxhua pangnu khato wüi tamchu zangkhung atüitüi pünnu tong ma hwome long küi ilaxle baozangchanu Asherah chapabu zing.

1 WANGHOMBU 14:23

Hwome baozangbu to shwom angkya onui zaile kox, ilaxle long-thong küi laxle haxkho hia pünnu-zuanu tong to shwom angkya hanpakma Asherah chapabu zaile alai.

TSAITONG-KAXTONG 12:2

Hünzome lax angkya haxtok ma, ikha tokya khünakbue hwom baozangbu to shokya onui haxnu ma tüikyabu, haxkho ma tüikyabu tamchu pün ohing tong ma tüikyabu, ibu pangwüi pünle amadao.

HUAKE LAIPEX 25:6

Jowanpa Nyihom tunthoma hwom mang sople ngopongma, Israel nok mixsün tuitae Midi nok sheko tuita, Mosa hia Israel khünaknu noke ngünle chix pom khato anop.

LAIPAO 32:6

Ngainop ningle swomsae hwome zokle ashunle tö kox angkya müi züita anaolechu notom tusüi tö kox angkya hanpakma müi züita apüi. Khünaknu fongsax ang thung, ikoxle ija fongsüt a jutok le tamchu kokokale chinunchakkaile ashuk.

EZEKEL 20:28

Kue hwom ang koxüihex-ole tsaole thomkya haxtok to kue hwom apüi. Chemtue hwome haxkho tsuakyabu hia hingkwonkya pünbu ngünle laxpuix, ibu pangnu chitong ma hwome töbu kox. Hwome zokle tö koxkya hia tö ang ju thokle koxkya, ibu makhange hwome ku ang mong atsikle.

2 WANGHOMBU 17:7

Ijip nok wanghompa chak tokya alailaxle Ijip nok tokya khosünle apüikya Jowanpa, hwom Zang zongto Israel noke ochax lyenle changkya khoma Samaria nguak angkya hato hüi. Hwome mixnok baozangbu to shwom.