ISAIA 57:17 - OTSAO BAIBEL (BSI)

¹⁷ Hwom ochax hia nüfux hanpakma ku hwom füi mongmale ngokya changpu, ikhoma kue hwom to sikangünpu ilaxle e-sele chichangpu. Ikoxlechu hwom ningle-khokhe chithüikya khünakbu ilaxle hwom malomlom to paole sam.

ISAIA 57:17 ပူးပေါင်းရင်းမြစ်များ

ISAIA 56:11

Hwom a tamchu wok afwotle sax ang chikopkya nüfux füikya hi tuita ningle. Lompa ibu ma tsing-wankya chemchu müntüi. Hwome pange wüi ma mongtsutsu ma mokle ilaxle ma fünmüimüi lomle.

KOLOSI 3:5

Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

2 PITAR 2:14

Hwome chem tochu münhu ikoxle chinunchakkai angkya ziasyen to huwüi; ochax lyensale sungkya hwom mongsung mongtex ma tam münngui tox. Shonaikya khünakbu hwome tsünle amanle. Hwom kün-mongbu a osing nüfux tüi angkya bama anwot-anole thomdaoa. Hwom a Zang thuakzom fangma tüile!

1 TIMOTHI 6:9

Ikoxle ahak aluase tsukyabu thwontsing to dütüi üntoxle hwom fang to ajo angkya hia pün angkya hanpakma ongat hia amakya mongzokbu tsün ma amanle.

KAXHO MÜIKYA LUK 12:15

Üntoxle chixe noknu füi thuithuile akaxle le: “Apalax, hünzom malualua to nüfux thoto khünlax; chemthüikoxle, khünak tuita tüta tukux ahak-alualechu ngolax, chix tsün a ma ma tüikya tuinae zingle thomkya münchang.”

EZEKEL 33:31

Ikhoma nang zangwün to apa ang ku khünakbu asoxle, ikoxle nange hwom ang moklax-ole akaxkya mwot hwome münmok. Hwom tunpün makhange mongkünkaikya zangwünbu laile, ikoxlechu chizakle hwom nüfux lomnu ma wüi ahamle ngole.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

ISAIA 45:15

Israel nok Jowanpa, owae chix khünaknu khosünle koppuix, chix a azwonle ngokya Zang changpu.

ISAIA 9:13

Israel khünaknu ang künlop-monglüi matüi; Jowanpa Khüthak Zang-e hwom to ipongpongle sikngün fakoxchu, hwom a chix hato machat.

ISAIA 8:17

Jowanpae chix a khünaknu mikngün thoto khünle thomdaoa, ikoxlechu kue chix to mongongpu tamchu monghom thompu.

ISAIA 1:4

Ochax jat-li tamchu laxli chitüikya hia chichang-chizangkyabu, hünzom a müt-shua! Hünzom ochaxe hünzom bele jole! Hünzome hünzome Jowanpa, Israel nok otsao Zang pongle chikop ilaxle chix hato hünzome tok ahole changdaoa.

HWON-NWOT-JAONO 6:9

Ija a laxli chitüikya; ija a tuita zangwin achuale ngokya thatha. Tütali laxsele mongzok ngokya füi, ma ma chem tüipuix ija füi mongtexshale ngokya wüi amüikya changpu.

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

ISAIA 2:7

Hwom haxtok a hun hia khopbue awangle tüile, ilaxle hwom tuina ma oshuk-oza müntüi. Hwom haxtok a manbue awangle tüile ilaxle hwom man-kanlinbu ma oshuk-oza müntüi.

ISAIA 42:24

Tsüile pao angkya khünakbu chak to Israel nok owae dan? Ija a, owa zongto keme achax ngopuix, Jowanpa chix jaojao changle! Kem chixe chemle naxngole texpuix ija ningle chingo chichangba chixe koxkya hwom-nwot kax ma laxle chitüi.

ISAIA 64:9

idaile kwom füi zongbakle mongma taxtüiünfa chichangba kwom zongto kwom ochax kople taxthomünfa. Kwom a nang khünaknu changpu; kwom to chingchakya tüihüi.

ISAIA 66:3

“Khünaknue hwom zongma chemle müipuix ija ningle mok. Tö ang kox angkya hanpakma maihupong tuita langpuix chichangba khünak tuita langpuix hwom zongto tuitata wüi changle; hwome chun hosa tuita to koxle wüi changlax hisa tuita ngom azople wüi changlax; hwome saxziak tö koxpuix chichangba wak aji koxpuix, hwom zongto tuitata wüi; ongan müikya zo zokle changpuix chichangba chapa tuita to shwomle changpuix, hwom zongto tuitata wüi. Hwome ile dyenlale shwom-tole changkya olom hwom zongto müihule.

JEREMIA 3:14

“Mongong chitüikya khünakbu, chatlax; hünzom a ku kux changle. Kue hünzom kha angkya tingnu foto khünak tuipong, saxthom foto khünak tuipongle laxüi ilaxle hünzom a kue Zaion Haxnu to chatle apüiüi.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

JEREMIA 51:13

Ija nok ma shuajenbu hia tuinabu huanuma tüile, ikoxle ija ang hanpak kaidaoa, ilaxle ija khüzün jakzi afündaoa.

JEREMIA 8:6

Kue khile apale ngopu, ikoxle hünzom kaxtsing tuita chiakax. Hünzom tuitata ngaxchu hünzom chichangchizangle tüikya bama thaidaokoxale chithüi; hünzom tuitae ngaxchu ‘Kue chem thaikya mokdaopu?’, le chiatüi. Manbu zan to kaüi ningle hünzom a pangwüi malom lom to pao.