ISAIA 57:13 - OTSAO BAIBEL (BSI)

¹³ Chemtue hünzom asun angkya lomle akhongüihex, chapa ibue hünzom khosünkya naxtüikox. Zangchei cheithoe hwom pikle paoüi! Ikoxle ku to mongong thomkya khünakbu ija haxtok ma wüi ngoüi ilaxle ku Zangshwom-Hom ma ku to shwomüi.”

ISAIA 57:13 ပူးပေါင်းရင်းမြစ်များ

MÜNCHUAK-TSAI 37:9

Opangsae Jowanpa to mongong thompuix hwome haxtok kopüi, ikoxle chichang-chizangkyabu a jwonle apaoüi.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

ISAIA 65:25

Shwon hia chun hosabue tomwüi saxlingle ngoüi; maihue saxkya ningle mailangbue tsaxsa saxüi, ilaxle pubu ma thomzün angkya chemchu chitüiüi. Zaion, ku otsao haxnu ma, thomzün angkya hia ochax chemchu müntüiüi.”

ISAIA 56:7

“Kue hünzom a ku otsao haxnu, Zaion to apüiüi ilaxle ku zangjop hom ma hünzom ang mongsom koxüi, ilaxle ku tötsap ma hünzome koxkya töbu kue pongle kopüi. Ku Zangshwom-Hom a chaxwannu nok hanpakma zangjop homle nyaküi.”

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

JOEL 3:17

Jowanpae thüi: “Izuma, Israel, ku a hünzom Zang changle le hünzome awanle laxüi. Ku a, ku otsao haxnu Zaion ma ngole. Jerusalem a otsao tingnu tuita ang changüi; mixnokbue tamchatle ija tingtakle lax ang münthoüi.

EZEKEL 20:40

Haxtok chukhato, ku otsao haxnukho ma, Israel ma atsuakya haxnukho ma, Israel khünak hünzom pangnusae ku to shwom angkya changle. Ku ang hünzom füi mongmüiüi, ilaxle hünzome ku hato sümüikya töbu, hünzom töbu amüikya hia hünzom otsao hinghobu apüile kox angkya changle le mongongkya tüiüi.

ISAIA 66:20

Hwome hünzom füikya Israel khünakbu ku hato hingho tuita ningle laxle apüiüi. Hwome ibu a Jerusalem angkya ku otsao haxnukho to apüiüi ibu a mankho ma, mantsakbu kho ma, ilaxle utbu kho ma, man-kanlin hia maihue linkya zyenbu kho ma apüiüi; ija a Israel noke zanglom ma otsao ang twonle ngokya tik-lakbu ma Zangshwom-Hom to töbu apüile koxkya ningle changüi.

ISAIA 65:9

Judah jat-li Israel nok to kue mohimanüi, ilaxle hwom su-sabue ku haxtok angkya haxnubu kopüi. Kue kamle kopkya khünaknu, owae ku thothale changpuix, ibu a ikhato ngoüi.

ISAIA 11:9

Zaion, Zang otsao Haxnukho ma, thama adün angkya oli hia ochax chemchu müntüiüi. Jowanpa tsing-wankya füi chaxwan awangle changüi tinu shinthuk ti füi awangle tüikya ningle.

MÜNCHUAK-TSAI 125:1

Jowanpa to mongong tüikyabu a otuechu chiamok tamchu apao ang chithokya Zaion haxnu ningle changpu.

KAXFÜNPA-HWOM 10:14

Hünzome zünle kopkya baozangbu hato sople nguilax. Hünzome thangnak apong pongma hwome hünzom khosünle naxchangfa.”

HOSIA 13:3

Ikhoma ibu khünaknu a anopningkya zangfwom ningle lebama wüi maxle samüi, swomsa ma wüi zuale samkya nyenti ningle a. Hwom a tsaxnak nui tokya tsaxsa zangwin to jeple paokyabu ningle changüi, fongbak angkya wünkhut samle paokya ninglea.

JEREMIA 22:22

Hünzom lompabu a zangwine pikle paodaoüi, nang üithobu a zandabu ang kople paodaoüi, hünzom tingnu a chingcha chitüile zakkop ang tomüi hünzome mokle hüikya ochaxbu khokho ma a.

JEREMIA 22:20

Jerusalem angkya khünaknu, Lebanon to paokox ilaxle akhong kox, Bashan haxtok to paokox ilaxle sopkox; Moab haxnubu makhange nyakkox, chemthüikoxle nang üitho hwom pangwüi to anaodaoa.

ISAIA 65:11

“Ikoxle hünzom opange ku chilaxle awütpuix, tamchu ku otsao haxhua, ilaxle sho amüi angkya baozangbu Gad hia Meni to shwompuix, hwom hanpakma chixlili changüi.

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 40:24

Za ngale ibu küi, za ngale thwom, müt-mütle tsaxsa tula otsing ju ang tom. Chemtue Jowanpae zangwin ahüipuix, ibu a zanle zi ilaxle tsaxfa ningle pikle pao.

WANWÜNKAX 28:25

Nüfuxe tingtui adünüi wüi. Jowanpa to mongong thomkya wüi nang zongto amüikya.

MÜNCHUAK-TSAI 84:12

Khüthak Jowanpa, nang to mongong thomkyabu chemtukux mongmüi mixbu changpuix!

MÜNCHUAK-TSAI 58:9

Hwome ija awanüi thoto wüi, hwom a hingzang zütpupule zütle awütüi; za-adünkya chix mongtsik füi Zang-e hwom mütle awütüi hwom ozün ma tüipongma wüi a.

MÜNCHUAK-TSAI 1:4

Ikoxlechu ochax khünakbua ojao ibu ningle chichang; hwom a zangwin to jeple paokya tsaxsa lailai.

JOB LAIPEX 21:18

Zangwin to tsaxsa jeple paokya ningle; chichangba haxbu ningle zangchei-e hwom pikle pao ang tomzaicha?

2 WANGHOMBU 3:13

Elisha-e Israel nok wanghompa ang thüi: “Kue nang to chem hanpak ang fongüi? Hünnu hia hünpa hwome tik-tole ngokya ajepabu hato tikshole chang ang paolax.” Joram-e lan: “Ile münchangüi! Wanghom kwom azom bibi Moab nok wanghompa chak to koxkya a Jowanpa changpu.”

MÜNCHUAK-TSAI 118:8

Khünak to mongkya füi Jowanpa to mongong thomkya wüi sümüi.

ISAIA 14:32

Filistia nok tokhange nguikya kaxhomixbu kax to keme chemle lanüi? Zaion a Jowanpae sikngün apongle ngokya chix khünakbue ima nazak kop angkya hanpakmale zingpu, le keme lanüi.

ISAIA 25:4

Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

JEREMIA 30:14

Hünzom mongkünbue hünzom alakle awütdaoa; hwome hünzom hanpakma athax humele müntüi münchang. Kue hünzom to zan to singkya ningle singpu 2 hünzom zothup tsakle wüi changkya chemthüikoxle hünzom ochaxbu a huanu chang koxle ilaxle hünzom chichang-chizangkya a chongle chang koxle.

MÜNCHUAK-TSAI 37:11

Ikoxlechu puinaikyabu haxtok kopüi ilaxle mongsom hia okop-olwot ma pwonla dongkya ngünüi.

MÜNCHUAK-TSAI 37:22

Opang to Jowanpa mohimanle changpuix, chaxwan a hwom kux ang changüi, ikoxlechu opang to thuakzomle changpuix ibu a jwonle asamüi.

MÜNCHUAK-TSAI 37:29

Otsao khünakbue haxtok kopüi ilaxle ikhama jento ngoüi.

MÜNCHUAK-TSAI 37:34

Nang monghom Jowanpa ma thomlax ilaxle chix kaxtombu kax ma laxlax; hünzom ang haxtok koxle chixe hünzom achuak-achenle changüi, üntoxle chichang-chizangkya khünakbu jwonle apaokya hünzome ngün ang kopüi.

ISAIA 45:20

Jowanpae thüi: “pangnusa asox hüi, chaxwannu nok angkya khünakbu, wangting max pongma azangle tüikyabu pangwüi; hünzom a thwonle ano ang koxlax! Khünaknu opange hwom kux pün chapabu füi tüipuix opange hwom azün ang chitho angkya baozangbu to shwomle ngopuix — khünaknu opange chemchu chitik-chiwanle tüipuix!

JEREMIA 2:28

“Hünzom hanpak ang zingle alaikya hünzom baozangbu omaün? Hünzom sikngün-tuitaile changpongma ibu ang azünhüile thüilax—hwome tsuak angkya oli jangchangba! Judah, hünzom ang tüile ngokya tingnu büta hünzom ang baozangbu tüihupu.