ISAIA 57:12 - OTSAO BAIBEL (BSI)

¹² Hünzome chem mokpuix ija sukya changpule hünzome thütle, ikoxlechu hünzom zanglom kue kotok to alaiüi, ipongma hünzom chapabue hünzom asun ang chithoüi.

ISAIA 57:12 ပူးပေါင်းရင်းမြစ်များ

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MATHI 23:5

Hwome tütalichu khünake naxngün le mokle; hwome münwan sükhaokya khale kop ilaxle nyitua ma osutua ashale laxse tsule.

ISAIA 64:5

Nange hwom chemle naxngosele thütlaxpuix ija texle atakkyabu, opange sukya mwot moklaxle mongmüi atakkyabu nange pwonle lax. Nang ang kwom füi mongtsik, ikoxlechu kwom a chizakle ochax mwot mok ang sütle ngo; ile kwom füi nang mongtsik koxlechu kwome kaitokhange wüi ochax lyenle hüi.

ISAIA 29:15

Ma mwottho Jowanpa pomtho ma pyen ang azongkyabu a maxdaoa! Hwome hwom mwot huxsa ma mokle ilaxle ija hwome mokle ngokya mwot owaechu münngün chichangba müntsingle thütle.

ISAIA 58:1

Jowanpae thüi: “Tsuakkya pongle hünzom akhong kox! Ku khünaknu Israel nok hama hwom ochaxbu apuale laxkox!

ISAIA 65:7

hwom ochax hia hwom pupa hwome achaxkya ochaxbu hanpakma. Hwome songsaribu zomtong haxnukho to töbu zokle changdaoa ilaxle ku mün amale akaxdaoa. Ikhoma hwom mwote lomkya ningle kue hwom to sikangünüi.”

ISAIA 66:18

Kue hwom mongtex hia hwom mwotbu tsingle Ku nguile ngole chaxwannu nok pangwüi tomle. Chemtue hwom tomle nguiüihex, hwome ku tsak-zonge chem mokle tsuak puix ija ngünle laxüi

ISAIA 44:9

Chapa zingle alaikyabu pangwüi chilaxlibu changpu, ilaxle otha lixle hwome hangkya baozangbu a chilaxli changpu. Ibu baozangbu to shwomkyabu a miksut mixbu tamchu ongatbu changpu — ilaxle hwom a chingcha chitüile awütüi.

JEREMIA 10:11

Chaxwannu zingle chialaikya baozangbu ang amüt angkya changle le hünzom khünakbue hwom hama apua angkya wüi changpu. Hwom a chaxwantok ojongtochu ngo ang müntom.)

JEREMIA 10:14

Ija ngünle changkya zuma, khünaknu a ongat ang achangle jepa; opangsae ibu chapabu zingle changlaxpuix hwom pangwüi ongat hia kaxux ang achang, chemthüikoxle hwome zingkya baozangbu a othai tamchu khüzün chitüi.

JEREMIA 10:15

Ibu a laxli chitüikya ilaxle ajaole chang angkya oli; chemtue hwom wai ang Jowanpa nguiüihex ibu a amale awüt angkya changle.

JEREMIA 51:18

Hwom ma laxli chitüi ilaxle ajao-ahaile chang angkya wüi; hwom füi asax-amok ang Jowanpa nguikya zuma hwom a amüt angkya changle.