ISAIA 57:11 - OTSAO BAIBEL (BSI)

¹¹ Jowanpae thüi: “Hünzom za ang tomkya baozang ibu a owa? Owa khomale hünzom atse ilaxle ku komkaile alakle awütpu? Ku okuilole dangjale ngokya khoma hünzome ku achuakkya zakpia?

ISAIA 57:11 ပူးပေါင်းရင်းမြစ်များ

WANWÜNKAX 29:25

Mixe nang bama chemle ajang üntongsi le ija bama süchongle khütkhi ngokya a tuita thomzün changpu, ikoxle nang Jowanpa to mongongle jangchang, nang to chem münthüi.

MÜNCHUAK-TSAI 50:21

Hünzome ibu pangwüi mokle tsuakpu, ikoxlechu kue chemchu chithüipu; ikhoma hünzome ku chuwüi hünzom lailaile tüipuixle thütpu. Ikoxlechu athax kue hünzom to sa-male changpu ilaxle zangwün hünzom hama ngaithole apua fapu.

JEREMIA 3:21

Haxnukho to ozing tuita atat: ija a Israel khünaknu sopkya hia chingcha jukya zing changle chemthüikoxle hwom a ochax ma ngole hüilaxle Jowanpa hwom Zang alakle changdao kox a.

JEREMIA 2:32

Hünzom nok naocha tuitae she likwünbu alakcha, chichangba tuipa tuitae chix za-pua alakcha? Ikoxle ku khünakbuepi hanpak o-echithole ku alak-asam daoa.

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

1 TIMOTHI 4:2

Ija ningkya hwon-nwot a atsele dyen-ngankyabu, opang khangka jankhik füi akhamkya ningle omang ma tüilaxpuix, hwome apuküi.

2 THESALONIKA 2:9

Ija chisumüikya mix bao zong füi nguiüi ilaxle othai ohünotün ilaxle abütkyabu mwot moküi,

WANGSHEMBU MWOT 5:3

Pitar-e chix ang thüi: “Anania, nange ma tuina hangkya ma kopkya ngun ahanle tuilaxle nang mongto bao wang ang tom ilaxle Otsao Chasa büthüikoxle dyenpu?

HOSIA 11:12

Jowanpae thüile: “Israel khünaknue dyenlale atsekya füi ku akhople ngole, ilaxle Judah angkya khünaknue athaxkople, mongong ma chialekya hia otsao Zang füi alün-aloxle ngole.

EZEKEL 13:22

“Hünzom kaxthai zangwün makhange müikya khünakbu ang hünzome mong ahik. Ibu a kue mong amase lejao chitsukya khünakbu changle. Ochax khünakbue hwom ochaxbu danle toxlaxle khosün atak angkya hünzome abaxle thom.

JEREMIA 42:20

hünzome chimokfang othai mwot mokle ngole. Hünzome ku ma kem Jowanpa to hünzom hanpakma zangjop angkya akaxpu, ilaxle chix kaxtom pangwüi kax ma laxle tüi angkya hünzome tsaosaxpu.

ISAIA 30:9

Hwome jento Zang füi alün, jento atse, othuithuima hwom Jowanpa hwon-nwot to mün-apapule angam.

ISAIA 26:10

Chichangchizangkyabu zongto nang chingchale tüikoxchu, hwome otuechu sukya mwot mok angkya awanle münlax. Ija otsao khünakbu haxtok ma ngaxchu hwome othaithai wüi mokle; hwome nang chongkya to changkox-ale thüise müntsu.

HWON-NWOT-JAONO 8:11

Chaktung-chaktung ma khünakbue mütkop mwot büthüikoxle mok? Chemthüikoxle mütkop to janpüi ma sikngün fakya chitüikoxle.

MÜNCHUAK-TSAI 78:36

Ikoxlechu hwom zangwün pangwüi othai changkya; hwome akaxkya tuita ngaxchu khütkhile laxfang chitüi.

ISAIA 42:14

Zang-e thüile: “Okuilole ku dangle ngodaoa; kue ku khünaknu kax to chilax. Ikoxlechu athax mok angkya hanpak nguile hüidaoa; Sheko mixnu nao ngün ang awao pupule ku akhongpu.

ISAIA 44:20

Ija füi a wündix saxngokya ma wüi je sütüi. Chixe ongat khangkae chix itukuxle othai lom to alyetdaoa, athax chix to fong angkya olom jao müntüi. Chixe chix chak ma twonlaxle tüikya chapa a baozang münchangle akax ang müntho.

ISAIA 47:7

Nange nang a othuithuima wangchanu ang ngoüile thüt, ilaxle ibu mongkha to zule chilax chichangba ibu oshuk chemle shuüi chiajang.

JEREMIA 38:19

Ikoxle wanghompa-e lan: “Ku a Babilon nok hato tok ahole paokya kem khünakbu thua zapu. Ku ibu chak to koxle apaolaxle zothup lechuwüi changtüilax.”

MATHI 25:25

Idaile ku a zalaxle pao üntoxle ija nang ngun hax to akhün le thompu. Hulax, ikhama nang kux a!’