ISAIA 56:2 - OTSAO BAIBEL (BSI)

² Nazak nyix atsaole nui ilaxle ija ahaile chichangkyabu to kue mohiman angkya changpu. Ochax chemchu chimokle tüikyabu to kue mohiman angkya changle.”

ISAIA 56:2 ပူးပေါင်းရင်းမြစ်များ

ISAIA 58:13

Jowanpae thüi: “Hünzome nazakle nuikya nyix a otsao-nyix le jangtwon ilaxle ija nyix nang mongtex mwot chimok; nang ija otsao nyix achuakle thom ilaxle aham-atüile chichang, mwot chimok, chichangba ija nyix chisumüikya zang chiwün,

EZEKEL 20:12

Kwom ba angkya tsaotsüt tuita ningle tamchu hwom otsao ang achangle fakya a Jowanpa ku changpule texle ngo angkya hanpakmale kue hwom ang Sabath nyi nui angkya kox.

MÜNCHUAK-TSAI 112:1

Jowanpa achuak kox!

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

EZEKEL 20:20

Sabath nyix a otsao nyix ang achang kox, ikoxtix wüi ija a kem bama tsaotsüt tüikya manwan tuita ang changüi, ilaxle ijae ku a hünzom zongto Jowanpa hünzom Zang changpule texle atak ang tomüi.

LAIPAO 20:10

Ikoxle hanpak nyix anüt lükya a ku hanpakma nazakle atsao nui angkya nyix changpu. Ija nyix a owaechu mwot chimoküi: hünzomechu, hünzom susabuechu, hünzom dabuechu, hünzom müibuechu ilaxle hünzom chaxwan ma ngole tüikya püntüibuechu chimok angkya oli.

JUHAN 13:17

Athax hünzome ija otsingtsing bama awandaoa ilaxle ija mwot ang achangle twonkya zuma hünzom ang mong otukux müiüihex!

MÜNCHUAK-TSAI 106:3

Chix kaxtombu kax ma laxle tüikyabu mohiman changpu, othuithuima sukya mwot mokkyabu mohiman.

WANWÜNKAX 16:17

Müikya khünakbu a ochax tsiakle toxkya lomtang ma ahamle; idaile nang ochito lepuix ija to müile hukoplax: ija ma nang azang ang tsuak.

WANWÜNKAX 16:6

Kax ma laxle tamchu mongong-chalomle tüile, jangchangba Zang-e nang ochax thailak tüiüi. Jowanpa kax ma laxle tüilax, chichang-chizangkya nang füi chemchu münapong.

WANWÜNKAX 14:16

Jetüi-hwonlangkya khünakbu a sikngün füi atsaile ngo angkya bama mik-hingle, ikoxle ongatbu a chem aju-ajangkya chitüile thüile mokle awütle.

WANWÜNKAX 4:27

Ochax a tsiakle toxlax ikoxle thochito küithole lelax

WANWÜNKAX 4:13

Nange awanle kopdaokyabu jento texle ataklax. Tsingwankya a nang khüzün changpu: ija to müile nyethomlax.

MÜNCHUAK-TSAI 119:101

Kue chimüikya zanglom-saikha pangwüi tsiaktox daoa, chemthüikoxle kue nang kax ma laxsele tsu koxle.

LIWI 19:30

Sabath nyix atsaole thomlax, ilaxle ku shwomkya ma achuaklax. Ku a Jowanpa hünzom Zang changle.

LAIPAO 20:8

“Sabath nyix nuilax ilaxle ija atsaole thomlax.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

KAXHO MÜIKYA LUK 12:43

Opunu nguikya thoma chixe ile mokle jangnui thüiba mong otukux müiüi hex!

ISAIA 56:6

Chix khünaknu ang achangle hüilaxle chix to mongkün tamchu chix thotha ilaxle nazak nyix atsaole nui üntoxle chiale le chix kaxtombu thomle tüikya mixnokbu füi Jowanpae akax:

MÜNCHUAK-TSAI 128:1

Jowanpa kax ma laxle tüikyabu mohiman, chix kaxtombu ningle ngotsuakkyabu a.

MÜNCHUAK-TSAI 37:27

Ochax füi atsai laxle müikya mwot moklax, jangchangba nang sixlibu haxtok ma othuithuima ngoüi;

MÜNCHUAK-TSAI 34:14

Ochax hato tok aholaxle müikya mwot moklax; nang mongtsang makhange zongbakle tumüi-mongsom hanpakma azong-afale changkox.

NEHEMIA 13:17

Kue Judah nok lompabu to sa ilaxle hwom ang thüi: “Hünzome mokle ngokya ochax to hulax! Hünzome Sabath a tuita chitsaokya ang achangdaoa.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

ISAIA 56:4

Jowanpae iningkyabu füi akaxle: “Hünzome Nazak nyix nuikya füi ku achuak tamchu ku zongto chem müipuix ija oli mokle üntoxle mongong füi ku kaxtombu thomle jangchang,

HWON-NWOT-JAONO 7:18

Pangnyi ma wüi hapkaile taxchang. Nang ma Zang chathua zale jangtüi, ojongtochu nange tsuakkya tüiüi.