ISAIA 55:2 - OTSAO BAIBEL (BSI)

² Mongzom chimüi angkya ma ngün chem ang bakpu? Hünzome hingchak hom ilaxle woknuak ma büthüikoxle ngopu? Ku kax apalax ilaxle kue chem wünpuix ija moklax, ile jangchangba hünzome sümüikya süt saxle ngo ang kopüi.

ISAIA 55:2 ပူးပေါင်းရင်းမြစ်များ

JEREMIA 2:13

chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

MÜNCHUAK-TSAI 36:8

Okhonguikya nange fakya süt füi kwome fongkha pu; nang müikya shuanu angkya ti nange kwom ang aling.

MÜNCHUAK-TSAI 22:26

Chitüi-chinang khünakbue hwom mongzom ma müile saxüi; opang Jowanpa hato nguipuix hwome chix achuaküi. Hwom a othuithuima ahak-aluale naxtüi!

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

JEREMIA 31:14

Kue nguapabu a sütmüi-lingma füi awangIe chang ang tomüi ilaxle ku khünaknue laxsese komle koxle mongzom amüiüi. Ku, Jowanpae ija akaxdaoa.”

HABAKUK 2:13

Hünzome tingtakle kopkya jatlibue hwom hanpakma laxli chemchu chitüikya mwot to thangle zingole, üntoxle hwome zaikya hom a lajuak ang achangle shundaoüi. Jowanpa Khüthak Zang-e ija tsuakdaoa.

HOSIA 8:7

Chemtue hwome zangwin saipuix, hwom ang zangchei puamün ang kop angkya changle! Sax chiziakkya haxtoke chemtuechu khünak süt münalaifa. Ijae alaile namfabachu, mixnokbue saxdao angkya changpu.

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

MARK 7:14

Ifüimachu Jisu-e khünaknu tusox chix hato tamnyakle asox ilaxle hwom ang thüi: “Hünzom pangnusae ku kax apalax üntoxle awan koplax.

MATHI 22:4

Ija khoma mama dabu, ija kaxho füi chatle tomle apao: ‘Mixwünbu ang thüikox, athax kue fongsüt achwondaoa; ku maihupong hia hingho ang kox angkya müibu lang thomdaoa; ilaxle pangnu wüi achwonle tüile. Aju-somkya püntut to nguihüi!’

ISAIA 51:1

Jowanpae thüi: “Ku kax apalax, hünzom khosünse le tsukyabue, hünzom ku hato fongkya lomle nguikyabue. Nang ojong tokhange nguipuix ija longnu ajang koplax, ojong longthwot nui angkya nang thole alaipuix, ija a.

MÜNCHUAK-TSAI 63:5

Ku chasae fongsaxüi ilaxle mongzom müikya tüiüi, ilaxle kue nang hanpakma mongmüi tsaibu ngaoüi.

ROM NOK HATO ZAKYA POL LAIZA 9:31

Ikoxle wanlom tokya makhange Zang füi muamüi ang wanlom lomkya Israel khünakbue a ija atak ang chitho.

MATHI 15:9

Ikoxlechu ku kax ningle, khünake zingkya wanlom kax, apua koxkya khoma; hwome ku shwomkya ma, lap chemchu müntüi!’”

ISAIA 51:4

“Ku kax to apalax, ku khünakbu, kue chem akaxpuix ija to apalax: chaxwannu nok hato kue anwot-anole; ku wanlombue hwom hato zangngai apüiüi.

ISAIA 1:19

Hünzome ku kax ma laxle jangchang, hünzome ma haxtok ma alaikya müikya oli sax-laxle ngoüi.

WANWÜNKAX 9:5

“Nguihüi, ku fong saxlax ilaxle kue langkya jubu linglax.

MÜNCHUAK-TSAI 34:11

Oman, ku zuikhui tsünzün-hom, ku kax apalax; kue hünzom hama Jowanpa chathua za angkya apuale fafang.

ROM NOK HATO ZAKYA POL LAIZA 10:17

Idaile mongong a kaxho atatkya makhange hüi, ilaxle kaxho a Khrista apukkya tokhange hüile.

KAXHO MÜIKYA LUK 15:23

Ifüima maihusa anutnut tuita apüilaxle langkox, üntoxle fongkhale mongmüihax!

HOSIA 12:1

Israel khünaknue swomsa makhange zangnak kople chempangsa mokpuix pangwüi chilaxlili tamchu thama adün angkya oli changle. Mongong alekya hia changnong-pünthom mwot hwom khama sisi tsale hüi. Hwome Asiria nok füi muamüi zangwün tsuak ilaxle Ijip nok füi thalexle.”

ISAIA 46:6

Khünaknu ma nyitsong dong ilaxle hunbu thok; khopjanbu hwome tuak ma thüt. Baozang zingle alai angkya hanpakma hwome hun jao mix apüi; ifüima hwome ija tong to puile akhuxle shwom!

ISAIA 25:6

Ikha Zaion Haxnu ma Jowanpa Khüthak Zang-e chaxwannu nok hanpak ang fongsüt tuita achwon — tüle müikya süt hia sümüikya grepti-ju füia.

HWON-NWOT-JAONO 6:2

Zang-e kem ang tuina, münchong, ilaxle tingtok ibu faüi, changle, keme laxse tsukya pangwüi, ikoxlechu ibu füi kem ang mongmüi ang chitomüi. Itülüi ija füi owawa mixhing tuita ang mongmüi ang tomüi. Ija ma laxli müntüi, ilaxle ija sukya münchang.

WANWÜNKAX 8:32

“Athax, tsünzün-hom, ku kax to apalax. Kue chemle akaxpuix ile moklax, ilaxle nang mongmüile ngoüi.

TSAITONG-KAXTONG 11:13

Idaile anyix kue hünzom ang fakya kaxtombu kax ma laxle tüilax. Jowanpa hünzom Zang to hünzome ma kün-hi-mong makhange zongbakle mongkünlax tamchu chix thothale changlax.

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

ISAIA 44:20

Ija füi a wündix saxngokya ma wüi je sütüi. Chixe ongat khangkae chix itukuxle othai lom to alyetdaoa, athax chix to fong angkya olom jao müntüi. Chixe chix chak ma twonlaxle tüikya chapa a baozang münchangle akax ang müntho.

WANWÜNKAX 7:23

ojong khato chix to sanjun füi tople changüihex. Chix a ozop khato paoüi osa tuita ningle changkya: chixe chix khüzün a thama ma tüile le chitik.

WANWÜNKAX 1:33

Ikoxlechu ku kax to nathale changkyabu khangkho azangle ngoüi. Hwom kho-azangle ngoüi, za-zyenle chang angkya chemchu müntüiüi.”

MATHI 5:6

“Zang mongtex mwot mokse tsukyabu mohiman; Zange hwom to chingchaüi!

JUHAN 6:27

Male paoün angkya süt hanpakma mwot taxmok, ikoxle oshuk chitüikya tsün füi tomwüi ngo angkya süt hanpakma moklax. Ija süt a Khünak Hosae tix hünzom ang koxüi; chemthüikoxle Hopa Zange chix ma münwan shin tople fadaoa.”

ISAIA 10:27

Chemtue ija hanpak nguile hüiüihex, kue Asiria nok chak tokya khangkho zangngai ang tomüi, ilaxle hwom dang a hünzom suakto ma hünlix tuita ang münngopu.”

ISAIA 62:8

Jowanpae ojao mong chiao angkya kaxtsao saxle changdaoa, Ilaxle chix janzüi füi chixe ija mokle pao angkya wüi changpu: “Hünzom sozambu a hünzom zongto zanpabu süt ang münchangüi, Ilaxle hünzom grepti-ju mixnokbue tamchu münlingüi.

ISAIA 62:9

Ikoxlechu hünzom ija sozam küi-thwomle changkyabu Hünzome tix ija an saxüi ilaxle Jowanpa achuakle changüi. Hünzom opange grep manzai laxle ibu oziak khaile asoxpuix Hünzome tix ku khwa ma ija grepti-ju ling angkya changpu.”

ISAIA 65:23

Hwome mokkya mwottho ma tsuakle hüikya tüiüi, ilaxle hwom su-sa hwom füi thama apongkya müntüiüi. Kue othuithuima hwom tamchu hwom su-sa hwom to mohimanle ngoüi.

JEREMIA 12:13

Ku khünaknue wonglai haxtok mo, ikoxle hingzang züt ang kop; hwome azongle mwot mok, ikoxle ikhama chemchu chikop. Za-adünkya ku mongtsik khoma hwom puamün atho.”

JEREMIA 17:24

“Hwome ku kaxtombu kax ma laxle chang angkya wüile ibu khünaknu hama akaxkox. Ibu zünkaibu makhange hwome Sabath nyix chemchu hünle chiapüi angkya changpu. Hwome Sabath nyix a tuita otsao nyix changle le mwot chemchu chimokle atsaole nui angkya wüi.