ISAIA 54:8 - OTSAO BAIBEL (BSI)

⁸ Onox ma mongtsik laxle kue tok aho, ikoxlechu kue nang hato ku mongkün jento aho ngoüi.” Ile nang khosünkya Jowanpae thüile.

ISAIA 54:8 ပူးပေါင်းရင်းမြစ်များ

JEREMIA 31:3

tsailo tokya ku hwom hato ngaipu. Israel khünaknu, kue jento hünzom to mongkünpu, ikhoma chizakle kue hünzom hato ku mongkün aho ngopu.

1 TIMOTHI 1:16

mama khünakbue hwomechu oshuk chitüikya khüzün tsün atak ang thoüi changa le awanle lax ang kox angkya kuxma sümakya ochax khünak tuita füi ngaxchu chix ipongpong adupu le pangnusa hato afua angkya hanpakma Jisu Khrista-e ku apyen ang twon angkya bama Zange ku to chingcha, ija kax a otsing tomta changle.

ISAIA 60:10

Jowanpae Jerusalem ang thüi: “Hünzom katukbu a mixnokbue zingüi, Ilaxle hwom wanghombue hünzom thothale changüi. Ku mongtsik ma kue hünzom to sikangünpu, Ikoxle athax a kue hünzom hato ku mongkün hia chingcha ahoüi.

ZEKARIA 1:15

dangjajale hia somdangle ngo angkya kopkya jat-libu füi ku ang tüle mongtsikle. Chemthüikoxle kue ku khünaknu füikya ku mongtsik abaxle thompongma, ibu khünaknue ku khünakbu sikngün sisi ziamale chang ang tom.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

ISAIA 54:10

Haxhua hia haxnubu akhixle pao angchu tsuak, ikoxlechu nang mongkün ma oshuk müntüi; Kue mongsom bama tsaosaxkya kue jento thomüi.” Idaile nang to mongkünkya Jowanpae akaxle.

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

ISAIA 48:17

Israel nok otsao Zang, Jowanpa owae nang khosünle koppuix, chixe thüile: “Ku a Jowanpa hünzom Zang, hünzom füi amüi angkya hanpakma anwot-ano sele tsukya mix ilaxle hünzom lese lom male ang lom apuale fakya mix.

ISAIA 47:6

Ku a ku khünaknu füi mongtsikle ngokya; kue hwom to ku kux chichangkya ningle hwon: kue hwom a nang tsak-zong chak to kox, ilaxle nange hwom hato chingcha ojao chiaho; zunu-zupabu to ngaxchu nange ziamale hwon.

ISAIA 8:17

Jowanpae chix a khünaknu mikngün thoto khünle thomdaoa, ikoxlechu kue chix to mongongpu tamchu monghom thompu.

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

ISAIA 45:15

Israel nok Jowanpa, owae chix khünaknu khosünle koppuix, chix a azwonle ngokya Zang changpu.

MÜNCHUAK-TSAI 103:17

Ikoxlechu opange Jowanpa chathua zale tüipuix, hwom hanpakma chix mongkün jento ngo, ilaxle chix müikya tsüntsün to ngo;

MÜNCHUAK-TSAI 13:1

Nange ku chemtukux alakle thomüi, Jowanpa? Othuithuima hia? Ku thoto nang chemtukux azwonle ngoüi?

MÜNCHUAK-TSAI 27:9

Ku thoto nang taxkhün! Nang ang ku füi mongtsikkya taxtüi; nang dapa ku anongle chat ang taxtom. Ku to nange fongle hüipu; ku danle taxtox, ku awütle taxtox, O Zang, ku khosünpa.

MÜNCHUAK-TSAI 30:5

Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

ISAIA 14:1

Jowanpae tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.

ISAIA 26:20

Hünzom ma homkhabu to dongkox, ku khünakbu, ilaxle hünzom tokfüi ma kabu hakdao. Zang mongtsik akaile hünzom onox ma azwonle ngokox.

ISAIA 40:27

Israel, jangchangba nange chem ang kaxthup-ngaotünle Jowanpae hünzom sikngün müntik chichangba olom ma chichangkya sikngün apongkya to münhule le thüipu?

ISAIA 49:10

Hwom a wokno-tilanle müntüiüi. Zanghan hia sak-haxe huakkyae hwom to mak münkoxüi, chemthüikoxle hwom a hwom to mongkünkyabue azuiüi. Chixe hwom a ti fuakle jen ngokya shuasa hato paoüi.

ISAIA 49:13

Tsai ngaokox, zangdingkhobue! Mongmüile akhong kox, chaxwannue! Haxnubu ozing alaile tsai ngaokox! Jowanpae chix khünaknu mong asomüi; sikngün ashukle ngokya chix khünakbu to chixe chingchaüi.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

ISAIA 63:7

Mong chiathokya Jowanpa mongkün mo kue wünüi; Kwom hanpakma chixe mokdaokyadu hanpak ang kue chix achuakpu. Chixe Israel nok to okhonguile mohimanle chix chingcha hia chizakkya mongkün tüikya khoma.

ISAIA 64:7

Zangjop makhange nang hato owachu chichat; nang hato fonghüiole owachu chihüi. Kwom thoto nang a thün khom ang süt ilaxle kwom a kwom ochaxbu khoma danle tox

JEREMIA 33:26

Kue ija otsing tomtata ma chemle mokpuix ilailaile Jakop hia ku dapa Dawid hokhi füikya ku tsaotsüt kue otya ma thoma angkya changpu. Abraham, Isak hia Jakop hwom su-sa hwom thakma apün angkya kue Dawid sasün hwomkha angkya tuita zünle kop angkya changle. Kue ku khünaknu to chingchale tüiüi ilaxle hwom a tamchatle ahak-aluale tüi ang tomüi.”

JEREMIA 51:5

Israel nok Otsaopa, Jowanpa Khüthak Zang ku zongto ochax lyenle changdao koxchu kue Israel hia Judah a owüiole awütle chitox.

HABAKUK 3:2

O Jowanpa, nange chem mokdaopuix, ija zing kue atatdaoa, ilaxle ku huanuma abütle. Athax chatle kwom tsün ma anaole mok-hüi nang mok-homkya chongkya mwotbu a. Nang mongtsik-mongma pongma ngaxchu chingchajajale tüihüi.

ZEKARIA 1:16

Ikhoma ku Jerusalem to ku chingcha aho ang chatle nguipu. Ku Zangshwom-Hom a chatle zaile alaiüi, ilaxle tingnu a chatle azünle zingüi.”

ZEKARIA 10:6

“Kue Judah angkya khünaknu tüle tsak-zongle chang ang tomüi; Kue Israel khünaknu kho-awale kopüi. Kue hwom to chingchajajakya tüiüi ilaxle hwom pangwüi ma haxtok to chat ang tomüi. Hwom a kue chilaxle awüt daokya ningle jao chitüile changüi. Ku a Jowanpa, hwom Zang changpu; kue hwom zangjop to lanüi.

MÜNCHUAK-TSAI 103:4

Chixe ku zuk kha tokya kople thom ilaxle mongkün hia chingcha füi ku to mohiman.

EZEKEL 39:29

Kue kue khünaknu Israel nok khangkho ma ku chasa thokle koxüi ilaxle hwom hato otuechu kue tok münaho. Jowanpa Khüthak Zang, kue ija akaxpu.”