ISAIA 54:4 - OTSAO BAIBEL (BSI)

⁴ Hünzom taxza — hünzom a tamchatle münawüt; hünzom a thajao-wünhaile münchang. Tuito jukya chazünsa ningle hünzome hünzom mongong chitüikya, ilaxlechu thanu tuita ningle ma tata alakdao angkya changle.

ISAIA 54:4 ပူးပေါင်းရင်းမြစ်များ

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

1 PITAR 2:6

Chemthüikoxle Otsao Lai-e akaxle, “Kue thalix long tuita zünle koppu; ija kue Zaion ma homkom-longnu ang dan; opange chix to onglaxüi hex, mong athokya müntüiüi.”

JEREMIA 31:19

Kwome nang hato tok ahopu, ikoxlechu kwom chwonle wüi chat-se tsule. Nange kwom to sikangünle chang füima, kwome kwom khangkho asam thompu. Kwome zakkop ilaxle thajao-wünhai atak chemthüikoxle kwom naosün ma tüitanto kwome ochax lyen.’

ISAIA 61:7

Hünzom thünzak hia chie-chisekya pangwüi ashuküi. Hünzom a ma haxtok ma ngo ang kopüi, Ilaxle hünzom tuinabu a othom anyie nuile changüi; Hünzom mongmüi ma oshuk müntüitoxüi.

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

EZEKEL 16:43

Nang naosom tanto kue nang to chemle humele changdaopuix, ibu nange alakdaoa, ilaxle nange mokkya mwotli pangnu makhange nange ku a mong atsikle. Ikhoma kue nang a ibu pangnu bama tsangthom ang tompu. Nange mokle ngokya nushix dongkya mwotbu khato chinunchakkaikya mwot ngaxchu omalax ang athütlaxpu?” Ija kax Jowanpa Khüthak Zang-e akaxdaoa.

EZEKEL 16:22

Nange ma tsangtsa hangle nushix dongkya mwot mokle ngopongma nang naosom pongkya tsün onox tuita ma ngaxchu thütle chiatak: nang ma aji to wotle tomlomle ohua ma ngopongkya a.”

ISAIA 4:1

Chemtue ija hanpak nguile hüipuix, mixcha anüte mixsün tuita to künle kopüi ilaxle: “kwom a kwom lualua to saxlaxle ngoüihex, ikoxle chingchalaxle kwom a nang kako changpule akax ang tomhüi, ile changkox tix kwom a tui to ju ang chikople zakyabu changpule chanyi-wanjai angkya zakkop tokya kwom azang ang thoüile thüi.”

ISAIA 25:8

Jowanpa Khüthak Zang-e othuithui hanpak ang zikmüt-mangkho amütüi! Pangnusa mik angkya mikfi ti chixe fwotle awüt koxüi ilaxle zangfang pangnu khato chix khünaknue sikngün apongle hüikya thajao-wünhai chixe fwotle awütüi. Jowanpa chix jaoe akaxdaoa!

ISAIA 29:22

Idaile Jowanpa, Israel nok Zang, owae thamabu chak tokya Abraham khosünle koppuix, chixe thüile: “Ku khünaknu, chingchingchichale athaxpi hünzom awütle münthomüi, ilaxle athaxpi hünzom thünza zakkop laxle huishole ngo ang müntom

ISAIA 50:7

Ikoxlechu hwome ajao-adakyae ku to chipo chemthüikoxle Jowanpa Khüthak Zang-e ku to fong. Kue ibu pangwüi adu ang azong. Kue thünzak münkopüile kue awanle,

ISAIA 54:14

Sukya kaxfün hia süntswone nang tsak-zong ang tomüi. Hünzom a mixe adakya hia thama adünkya füi atsai ngo ang tomüi.

MANGSOP 1:1

Hanpak tuita ma khünake awangle tüikya Jerusalem, chemle wandangjale tüipuix! Hanpak tuita ma zangfange chathua zale tüikya, athax she a thanu ang changdaoa; Tingnubu khama sümüipupa a da tuita ang changdaoa.

EZEKEL 36:15

Haxtoke she tha ajaole ngokya onok kax ma laxle chang angkya chichangba ija angkya khünaknue tsuile paokya ngün angkya oli chemchu müntüi. Haxtoke she ma tüikya khünak sasün hwom pale paokya müntüiüi. Ija kax, Jowanpa Khüthak Zang, kue akaxdaoa.”

JOEL 2:21

Jowanpae hünzom hanpakma mokkya pangnusa khoma Haxtokbu, hünzom taxza, ikoxle pwonla dongle mongmüikox

ZEFANIA 3:11

Ipongma hünzom, ku khünakbu, hünzome ku zan to kale changdaokya bama azak angkya mwot müntüi. Ngamkya hia mix to asongle hukya khünakbu kue apaoüi, ifüima hünzome tamchatle ku otsao haxnu ma ku zan to kale münchangüi.

ZEKARIA 10:6

“Kue Judah angkya khünaknu tüle tsak-zongle chang ang tomüi; Kue Israel khünaknu kho-awale kopüi. Kue hwom to chingchajajakya tüiüi ilaxle hwom pangwüi ma haxtok to chat ang tomüi. Hwom a kue chilaxle awüt daokya ningle jao chitüile changüi. Ku a Jowanpa, hwom Zang changpu; kue hwom zangjop to lanüi.

JOB LAIPEX 11:16

Ifüima nange chialak tsuakse sikngün pangnu alaküi, ija a lekya füima alakle asamkya tichen lailaile changüi.

ISAIA 65:16

Haxtok angkya khünak owae mohiman jule changüihex, chixe Mongong ma chialekya Zang ma ju angkya changpu. Owae tsaotsütle changüihex, chixe Mongong ma chialekya Zang mün ma chitsüt angkya changpu. Ledaokya sikngün a kaitoxdaoüi ilaxle alak angkya changle.”