ISAIA 53:3 - OTSAO BAIBEL (BSI)

³ Kwome chix ajao ilaxle chilaxle awüt; chixe sikngünkya hia tsütle kakkya adu. Owaechu chix thün to hu ang chitho — chix chemchu chichangkya ningle keme chix ahai.

ISAIA 53:3 ပူးပေါင်းရင်းမြစ်များ

MATHI 26:67

Ifüima hwome chix thün to thuak füi thuak ilaxle fit; üntoxle chix to wyenkyabue thüi:

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

ISAIA 49:7

Israel nok otsao Zang hia khosünpae thüile zudakle mong amaxle ahai thomkya mix füi, owa to chaxwannu noke mongkünle tüipuix ilaxle owa apün-adakyabu dapa changpuix: “Hünzom dankya wanghompa-e ngünle laxüi ilaxle hwom chathua zakya aho ang ajongüi; wangchasae chu ija ngünüi, ilaxle hwom a nang tong to puile akhuxüi.” Ija a Jowanpae chix dapa zünle kopkya khoma changüi; Israel nok otsao Zang-e chix kaxtsao thomle.

MARK 14:34

Ilaxle chixe hwom ang thüi: “Kujao amüt tang le ku ang tüle mongmaxle. Hünzom ikhama ngodao, ilaxle hunga ngolax.”

ISAIA 53:4

Ikoxlechu keme kop-haxkux sikngün chixe mix adu, keme hün haxkux tsütle kakkya chixe hün. Oshuk alople keme chix sikngün to Zang-e chix ang fakya sikngünle hule alyet.

IBRI 5:7

Ija chaxwannu ma chix tsün ngotanto Jisu-e, zik chak tokya owae khosün ang thoüi hex, ija Zang hato akhongle tamchu mikfi füi zangjop üntoxle ju-lom le chang. Chix ahixkya ang achang üntoxlechu Zang to mongkoxle tüikya khoma, Zange chix zangjop atat.

ISAIA 50:6

Ku to chietkkyabu hato kue tok ahole kox. Hwome ku tha ajao pongma kue hwom chiabax, hwome ku khang mun file awüt pongma tamchu ku thün to thuak füi thuakle changpongma a.

IBRI 4:15

Chemthüikoxle kem-sho kem-naikya to chingcha chitüikya mix chichangle, kem ang, pangnu lom ma wüi kem lailaile thwontsing apong, ikoxlechu ochax chilyenkya Nguakho tuita tüipu.

KAXHO MÜIKYA LUK 9:22

Chixe ilechu wüi thüi: “Khünak Hosa sik huanuma ngün angkya jao, üntoxle mixpa tüichongbue, nguapa akhokyabue ilaxle Wanlom nwotmixbue chix chilaxle awütüi. Chix langüi ikoxlechu nyix azom lekya to chatle azangle zoüi.”

KAXHO MÜIKYA LUK 16:14

Otue farisibue ijabu kax atat, hwome Jisu ajao, chemthüikoxle hwome ngun towüi kün.

KAXHO MÜIKYA LUK 8:53

Hwom pangwüi chix chanyi, chemthüikoxle hwome she owüiole zitomtaünale awan.

MARK 15:19

Hwome chix khang ma pünthom füi fit, chix to thuak füi thuak, ilaxle ahaile chikux athong le shwom.

MARK 9:12

Chixe hwom ang thüi: “Pongwang ma Elija wüi shonghüi kop angkya changle ilaxle pangnu li azünle zingüi; ikoxlechu Otsao Lai-e: ‘Khünak Hosa huanuma sikngün angkya changle ilaxle chilaxle awütüi’, le büthüikoxle thüi?

JUHAN 11:35

Jisu sop.

JUHAN 8:48

Chix kax to lanle Jehudi khünakbue thüi: “Nang a Samaria khünak, nang ma bao tüile le kwome ami wüi mathüi dai hia?”

MATHI 27:63

Hwome thüi: “Wanghom, kwome mong ma thomle, ija khualop mixe chix mazi tanto, chix zi füima nyix azom lekya to chatle azangle zo angkya changle, le akaxkya changpu!

MIKA 5:1

Jerusalem angkya khünaknu, hünzom süpahibu asoxlax! Hwome kem ziakople changdaoa! Hwome Israel nok lompabu to single ngole!

ZEKARIA 11:8

Kue mama chunnyetmix sün azom, opange ku to miktsakle tüipuix, hwom füi adu ang chitho, ilaxle lyet tuita bama wüi kue ibu füi atsaile pao.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

KAXHO MÜIKYA LUK 19:41

Chix tingnu hato namle ngui, üntoxle chixe ija ngünkya zuma chixe ija tingnu hanpakma sople thüi:

MÜNCHUAK-TSAI 69:29

Ikoxlechu ku a luakle kakle tamchu khosam ma tüile; ku nwonhüi, O Zang, ilaxle ku khosünhüi!

MARK 10:33

Chixe thüi: “Hulax, kem a Jerusalem to dongpu; ikhato Khünak Hosa Nguakhobu hia wanlom nwotmixbu chak to fünle koxüi. Hwome chix lang angkya kax tsuakle faüi ilaxle mixnokbu chak to koxüi;

MARK 10:34

ibue chix tha ajaoüi, chix to thuak füi thuaküi, ilaxle müiüi, üntoxle chix a langüi; ikoxchu nyix azom lükya to chix chatle azangle zoüi.”

ISAIA 52:14

Chix ngünkya zuma khünaknubu huanuma abüt; chix a khünak ningle jao chingünle pope dongle tüikya.

MÜNCHUAK-TSAI 88:4

Ku chuwüi zik chwonle tüikya khünakbu lailaile; ku tsak-zong komle samdaoa.