ISAIA 53:12 - OTSAO BAIBEL (BSI)

¹² Ikhoma kue chix ang achuak-achenkya ngwotnui koxüi, chongkya hia tsak-zong füikyabu ngokya khato a. Chixe chix tsün küntsu-mongluale kox ilaxle ochax khünakbu shoma ahanle lax. Chixe ochax khünaknu ngwotnui lax ilaxle hwom ang thailak tüi angkya hanpakma zangjop.”

ISAIA 53:12 ပူးပေါင်းရင်းမြစ်များ

KAXHO MÜIKYA LUK 22:37

Chemthüikoxle kue hünzom ang thüifang, ‘mütkopkyabu khama chixchu wüi e’, le ku bama zale thomkya Lai Kax ngai angkya changle.”

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

1 JUHAN 2:12

Kusu kusahom, Khrista mün khoma hünzom ang, ochaxbu thailak fadao koxle, kue hünzom hato laiza ngopu.

MARK 15:27

Üntoxle hwome chix füi tomle ahux mix anyichu, tuita chix tsaxchi ma ata mix a chix nongchi male tak.

IBRI 9:26

chichang thüiba chaxwannu zingpong tokhange wüi obi thomthom ma hexle chixe sikngün apongse. Itülüi, athax tsün hia hanpak oshuk hato nguile hüiponge, chix alüile tö koxkya tokhange ochax awüt ang, tamfangma tamchu nok hanpakma chix ngaile ahodaoa.

ROM NOK HATO ZAKYA POL LAIZA 8:34

Jisu Khrista zikya changpu, ikoxle anaole zolaxle athax chix Zang tsaxchi ma thungle tüile. Chixe kem hanpakma Zang ma chingcha jule ngole. Ingale kem ma owawae oma huxfe ang tsuaküi lea?

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

1 JUHAN 2:1

Kusahom, hünzom ochax chilyenle tüi angkya hanpakma kue hünzom hato ija laiza zapu; ikoxlechu owawae ochax jangmok thünba, kem mün ma Hopa ma chingcha ju angkya mix kem ang otsao khünak tuita Jisu Khrista tüipu.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

IBRI 9:24

Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

KOLOSI 2:15

Üntoxle Khrista-e pünsak ma chix lailai to chasa ma apün-awangkyabu tamchu akhokya tsakzong chak tokya dan-pan, ilaxle hünzom ochaxbu komle paokya Khrista-e pünsak ma tholünkya tokhange chaxwannu hato angaile aho.

ISAIA 53:8

Chix a kop ilaxle mik amüt angkya kaxtsuak üntoxle lang ang pao, ija chix osho hanpakma owa mong tochu chikak. Kem khünaknu ochax khoma chix mik amüt.

MÜNCHUAK-TSAI 22:14

Ku janzüi a samdaoa, chaxwan tok to ti thokkya zople paopu ninglea. Ku zapong-kapong bakle atsaile changüna; ku okhax-omong a bakle shanle paoüna.

MÜNCHUAK-TSAI 2:8

Julax, kue nang ang chaxwan pangwüi faüi; chaxwannu jaojao nangkux ang changüi.

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

KAXHO MÜIKYA LUK 23:25

Tuwuk alaikya hia mix langkya khoma kun ma shole thomkya mixsün chixe dan, ilaxle hwom mongtsutsu ma mok angkya Jisu a owüiole hwom chak to kox.

MATHI 26:42

Anaolechu othom anyi lekya chix atsaile pao ilaxle zangjop: “Ku Apa! Kue maling-lingba ija wansa chipao tsuak angkya jangchang thünchu nang mongtex ma wüi naxchang!”

DANEL 2:45

Owaechu ponole chichang khato haxkho tokya longnu hele dütle akhix paokyachu nange ngünle laxpu ilaxle ija longe, jan, long komhax, khop hia hun, ibu füi zingle tüikya chapa to thuple changkyachu nange ngünpu. Wanghompa, achongkya Zang-e athax füichi ma chemle chang angkya hex ibu nang füi zangwünkya kax changpu. Nange ngünkya wünmang chemle ngünpuix ija kue nang hama wünle koxdaoa, ilaxle ija chem hanpak-hex ijachu otsingtsing wünle fadaoa.”

ISAIA 52:15

Ikoxlechu athax a chaxwannu nokbu chix ma abütüi, ilaxle wanghombu a khosamkyae zangwün chitüile changüi. Hwome ngünüi ilaxle tsingle laxüi amiba hwome matsingkya oli a.”

ISAIA 52:13

Jowanpae thüi: “Ku dae chix mwot a tsuakle changüi; chix a huanuma achuak-achenle changüi.

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

FILIPI 2:17

Ku khüzün aji a kue Zang ang tö koxle ngokya hünzom mongong to li angchu laxtüilax. Ile namchang thünchu ku zongma mongmüimüi wüi changpu ilaxle hünzom pangnusa füi ku mongmüi atom-ahanüi.

MARK 15:28

Ile “Chixe mütkop mixbu süntswon ma wom”, le akaxkya Otsao Lai kax changle ngai ang tom.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

LAIPAO 15:9

Zanpabue thüi: ‘Kue hwom to achuaüi ilaxle kopüi; kue hwom tuina ahanüi ilaxle ku mong ma atsutsu laxüi; Kue ku changlo danüi ilaxle hwom ma atüitüi komle laxüi.’

JOB LAIPEX 30:16

Athax a ku zitu nguipu; ku-kak ku-lak dangle müikya nox chitüipu.

ISAIA 49:4

Ku thüi: “Kue mokdaoa, ikoxle ija mongong angkya jao chitüile changle! Kue ku janzüi twondaoa, ikoxlechu tsuakkya kha chemchu chitüi.” Ikoxlechu ku zangwün khose angkya hanpakma kue Jowanpa to ongpu; kue mokdaokya khoma chixe ku ang hingho koxüi.