ISAIA 52:9 - OTSAO BAIBEL (BSI)

⁹ Tüle-tüle mongmüi tungle akhong, male ngoünkya nang Jerusalem! Jowanpae chix tingnu khoseüi ilaxle chix khünaknu mong asomüi.

ISAIA 52:9 ပူးပေါင်းရင်းမြစ်များ

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

MÜNCHUAK-TSAI 98:4

Chaxwannu pangnu, Jowanpa ang mongmüi ahole tsai ngaokox; tsai füi chix achuak üntoxle mongmüile akhong kox!

ISAIA 61:4

Kaiwüi amale thomdaokya tingnu hwome zingle amüiüi.

ISAIA 55:12

“Hünzome mongmüi-pwonlale Babilon dantoxüi; hünzom a tingnu angkya mongsom ma laile pao ang tomüi. Haxhua hia haxkhobu a tsaingaole akhongüi, ilaxle pünbue mongmüi to tsai ngaoüi.

ISAIA 48:20

Babilon angkya paolax, mongtex ma paolax! Kaxho müikya mongmüile apukkox, “Jowanpae chix da Israel sündaoa!”, le pangnue tsingang laxkox.

ISAIA 44:26

Ikoxlechu chemtue ku dapae ajele changpuix, chemtue kue ku mwottho apua ang kaxhomix ahüipuix, Kue ibu mwottho zing ilaxle ajekyabu changle ngai ang tompu. Kue Jerusalem ang ikhama khünaknu tamchatle ngo angkya changle le akaxpu, ilaxle Judah ang tingnubu tamchatle azünle zingle changüi. Tingnu ibu thama ma maxdaokya chatle ajongüi.

ISAIA 44:23

Mongmüile akhong kox, hünzom zangdingkhobu! Akhongkox, haxmong to zukyabu kha! Mongmüi to akhong kox, haxnubu, ilaxle fao ma tüikya pün-zua pangwüi! Jowanpae chix chongkya ahodaoa chix khünaknu Israel nok khosünkya makhange.

ISAIA 14:7

Athax oshukma chaxwannu pangnusae nazak hia mongsom ma mongmüi, ilaxle pangnusa wüi mongmüi tungle tsai ngao.

GALATIA 4:27

Chemthüikoxle Otsao Lai-e thüile, “Mongmüilax, nang nao chitüikya mixcha! Mongmüi füi ozing alaile akhongkox, hünzom naongün wokkak matsingkyabu! hokakopa-e danle chitoxkya mixcha füi, chilaxle thomdaokya mixcha angwüi, sixli onüi tüiüi!.”

ISAIA 49:13

Tsai ngaokox, zangdingkhobue! Mongmüile akhong kox, chaxwannue! Haxnubu ozing alaile tsai ngaokox! Jowanpae chix khünaknu mong asomüi; sikngün ashukle ngokya chix khünakbu to chixe chingchaüi.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

ISAIA 40:1

Zang-e akax: “Ku khünaknu mong asomkox, hwom mong asomkox!

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

MIKA 4:10

Kwom-kwomlanle wotle, Jerusalem angkya khünakbu, mixnu tuitae nao ngünüi ninglea, chemthüikoxle athax hünzom tingnu dantoxlaxle kothofa to ngo angkya changle. Hünzom a Babilon to pao angkya changle, ikoxlechu Jowanpae ikhato zanpabu chak tokya hünzom khosünle kopüi.

MÜNCHUAK-TSAI 102:22

üntoxle chemtue jat-li hia wangtingbu tomle athütpuix ipongma Jowanpa to shwom-tole changüi.

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?