ISAIA 52:7 - OTSAO BAIBEL (BSI)

⁷ Ija ngün angkya chemtukuxle ohünotün changüi hex kaxhomix tuita haxnu akaile nguile ngokya mix, chixe kaxho müikya, mongsom kaxho apüi ngole! Chixe lütkya kax ngailaxle Zaion ang thüile, “Hünzom Zang a Wanghom changpu!”

ISAIA 52:7 ပူးပေါင်းရင်းမြစ်များ

NAHUM 1:15

Hulax, kaxho mix tuita, müikya kaxho füi haxnukhobu to nguile ngole! Chix a chixe lütkya bama sungdünüi khakha! Judah khünaknu, hünzome pangpwonle nüilax ilaxle hünzome otsingtsing ma chem tsaosaxle changdaopuix, ija Zang ang laxkox. Chichangchizangkya khünakbue hünzom chaxwan tamchatle tingtakle münchangtoxüi. Hwom a komkaile amüt tsuakdaoa!

MARK 16:15

Chixe hwom ang thüi: “Hünzom a chaxwannu pangnu khato paokox; khünaknüsa hama Kaxho Müikya apukkox.

EFISIA 6:15

üntoxle mongsom Kaxho Müikya apuk ang achwonkya a chisox ningle laxlaxle;

ISAIA 40:9

Jerusalem, haxnu tsuakya kho to donglax ilaxle kaxho müikya apuklax! Akhongle nyakkox, Zaion; kaxho müikya apuk-kox! Ojao taxza ikoxle apuk-kox. Judah angkya tinglongbu hama apuakox Zang nguile ngole le a!

MÜNCHUAK-TSAI 93:1

Jowanpa a wanghom changle. Chix a chongwang zapua hia janzüi nyiwun ang laxlaxle tüile. Chaxwannu a oting ma sütle shingmong tüile ilaxle ija achex ang müntho.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

ISAIA 24:23

Lyetnu a nakle paoüi, ilaxle zanghane nyankya zakle maxüi, chemthüikoxle Jowanpa Khüthak Zang a wanghom ang changüi. Chixe Jerusalem ma Zaion Haxnu dingma apün-awangle changüi, ilaxle khünaknu lompabue chix fuazangkya ngün ang kopüi.

MÜNCHUAK-TSAI 68:11

Jowanpa-e kaxtom fa, üntoxle sheko-mixnubue ija kaxho pao:

KAXHO MÜIKYA LUK 2:10

ikoxlechu kaxtaimixe hwom ang thüi: “Taxza! Ku ikha to khünaknu nok hato wüi mongmüi hüi angkya Kaxho Müikya füi nguipu.

MARK 13:10

Ikoxlechu oshuk hüiüi thoto Kaxho Müikya jat pangnu hato apuale kop angkya oli changle.

MIKNGÜN-OHÜN 14:6

Ifüima chaxwannu angkya khünaknu pangnu jat-li, homjen, kaxngao tamchu ting-nok hato ho angkya oshuk chitüikya Kaxho Müikya koplaxle tüle dingkhoza to pile ngokya kaxtaimix mama tuita kue ngün.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

TSAITAX-NGAONÜI 2:8

Kue mowünpa zing atatle. Haxnukhobu akaile chix zikle nguingole, haxhuabu akaile ku ha alop ang a.

MÜNCHUAK-TSAI 99:1

Jowanpa a chongwangpa changle; ilaxle khünaknu abünle zale. Chix a ozang füikya zünmokbu ding ma thungnui kople tüile ilaxle chaxwannu aloxle.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

MIKA 4:7

Hwom a cha-chak faile tamchu hom füi atsaile ngole, ikoxlechu atale toxkyabu füi kue jali ozün ang achangle zingüi, ilaxle hwom a chongkya jat-li tuita ang achangüi. Hetuk makhange Zaion Haxnu ma kue hwom to apün-adale changüi.”

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

MÜNCHUAK-TSAI 96:10

Pangnu jat-li hama: “Jowanpa a Chongwangpa changpu; chaxwannu a onui ma shingmongle dan thomle ilaxle ija a amok ang münthoüi; chixe sukya kaxfün füi chaxwannu kaxfün faüi”, le thüikox!

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MÜNCHUAK-TSAI 59:13

nang mongtsik füi hwom olithukox; hwom komkaile olithu ang tomkox. Ifüima Zang-e Israel thakma apünle tüikya, tamchu chixe zangfang pangnu to ole apünkya noknusa tsing ang kopüi. Selah

MÜNCHUAK-TSAI 97:1

Jowanpa a chongwangpa changle! Chaxwannu, mongmüikox! Tinu mong tokya shuazobu, hünzom ang mongmüikox!

ISAIA 41:27

ku, Jowanpa, tix changpu ija kaxho Zaion hama wünle fakya mix a; Ija kax akax ang kue Jerusalem to kaxhomix tuita akat, Hünzom khünakbu nguile ngole! Hwom a hom to nguile ngole!

ISAIA 42:11

Sak-hax hia ima tüikya tinglongbue Zang achuak kox; Kedar angkya khünakbue chix achuak kox! Sela tingnu ma ngole tüikya khünaknue haxnukhobu tokhange mongmüi to akhong kox!

MÜNCHUAK-TSAI 98:2

Jowanpa chixe lütkya tsing ang tomle; chixe chix khosün tsak-zong zangfange awan ang koxle.

MÜNCHUAK-TSAI 98:3

Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople.

NAHUM 2:1

Ninewi, nang a zansing fang ma tüile! Nang amüt angkya tsak-zong nguile tüile. Hünzom ziakop ang achwonlax! Lomtang nyele thomlax! Azan ang achwonlax! (