ISAIA 52:2 - OTSAO BAIBEL (BSI)

² Jerusalem, nang mongtex ma sile aloxlax! Haxbu kha tokya ajonglax ilaxle wanghom tüntong ma thunglax! Zaion ma kople thomkya khünakbu, hünzom to khale thomkya janbüi da dao!

ISAIA 52:2 ပူးပေါင်းရင်းမြစ်များ

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

JEREMIA 51:50

Babilon ma tüikya chix khünaknu füi Jowanpae akax: “Hünzom zihaxkux azangle hüidaoa! Athaxpi paolax! Tan-nyele taxngo! Hünzom hom makhange tsailo towüi chang koxlechu, ku, hünzom Jowanpa texle ataklax ilaxle Jerusalem texle ataklax.

JEREMIA 51:45

Israel khünaknu, ikha angkya zikle paolax! Ku mongtsik chak tokya nang khang khom ang zikle paolax.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

ISAIA 51:14

Kun khato kople thomkyabu lebama wüi danle alaiüi; hwom a tsünlo-zaknuile ngoüi ilaxle hwome sax angkya sün okhonguile tüile ngoüi.

MIKNGÜN-OHÜN 18:4

Ifüima zangkangting tokya mama kaxtaimix kaxzing kue ile atat: “Laiün, ku khünakbu! She angkya laiün! She ochaxbu ma hünzome, süntswon angkya oli münchang; She sikngün hünzome, tom-han angkya oli münchang!

ZEKARIA 2:6

Jowanpa c hix khünaknu füi akax: “Kue hünzom lomkua pangwüi chito afale fan ang tompu. Ikoxle athax hünzom zanda ang ngokyabu, hünzom Babilon nok chak tokya paole azang laxle Jerusalem to chatpu.

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

ISAIA 29:4

Jerusalem a tuita haxshix chasa haxmong tokhange akax ang azongle ngokya, haxkha tokhange baozing-baozua atat ang kopkya ningle changüi.

ISAIA 3:26

Tingnu panbu a mangtsakya hia sopkyae awangle tüiüi, ilaxle tingnu jaojao sheko mixnu tuita ohua ma haxkha to thungle ngokya ningle tüiüi.

ISAIA 51:23

Kue ija a hünzom to afangle thomkyabu ang koxüi, hünzom lomnutang to nguak ang tomkyabu ilaxle haxthom to tingpupule hünzom to tingkyabu ang a.”

ISAIA 49:21

Ifüima hünzome ma füi alüile akaxüi: ‘Nang hanpakma ibibi su-sa hwom owae puxle alai? Kue ku naosombu amütdaoa ilaxle athax tuita chu müntüi. Ku a mixnok chaxwan to jwonle asam — owae naosom ibu tsomle atsün? Ku a ku tata sa dantox — naosom ibu ojong tokhange hüi?’”

JEREMIA 51:6

Babilon angkya zikle paolax! Nang khang azang ang zikle paolax! Babilon nok ochax khoma mik max ang taxtom. Athax kue olüix khomle ngopu ilaxle koxkoxle asukya sikngün kue hwom ang koxle ngopu.

ISAIA 9:4

Chemthüikoxle hwom zothuple ngokya dang nange amadaoa ilaxle hwom suakpong ma fitle ngokya jantom nange awütdaoa. Zan-nokbu to nange lütle tsuakdaoa nang khünaknu to afangle zothup ngokya zan-nokbu a, ami pongma nange Midi nok süpahibu to lütkya lailaile.

ISAIA 10:27

Chemtue ija hanpak nguile hüiüihex, kue Asiria nok chak tokya khangkho zangngai ang tomüi, ilaxle hwom dang a hünzom suakto ma hünlix tuita ang münngopu.”

ISAIA 14:25

Kue Asiria nok a ku haxtok Israel ma amütüi ilaxle ku haxnubu ma hwom to cha füi naküi. Asiria nok dang chak tokya tamchu hwome hün angkya hünlit chak tokya kue ku khünaknu danüi.

ISAIA 60:1

Zolax, Jerusalem, ilaxle senuja ningle nyanlax; Jowanpa fuazang a hünzom to nyanle tüile!

EZEKEL 34:27

Pünbue pünziak ziaküi, haxtoke saxziak puamün koxüi, ijaningle noknusa wüi ma haxtok ma za-zyen angkya chemchu chitüile ngo ang kopüi. Chemtue kue hwom to owawae da ang achangle khale thomkya janbüibu kalaxle danle changüihex, ipongma hwome ku a Jowanpa changpule tsing ang kopüi.