ISAIA 52:1 - OTSAO BAIBEL (BSI)

¹ Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

ISAIA 52:1 ပူးပေါင်းရင်းမြစ်များ

MIKNGÜN-OHÜN 21:27

Ikoxlechu chitsaokya oli chemchu ija tingnu ma nop ang müntomüi, iningle zakkop mwot mokkyabu hia atsekyabu owachu ikhato dong ang müntom. Ikoxle Chun Hosa khüzün Laipex ma opang mün zale tüilaxpuix, ibu tix dong ang tomüi.

ISAIA 51:17

Jerusalem, zolax! Nang lualua to nang laoxle zolax! Nange sikngün pe lingdaoa ija a Jowanpae chix mongtsik ma nang ang alingle; nange ija lingle jok, ilaxle ijae nang shu-shüile achangpu.

MIKNGÜN-OHÜN 21:2

Üntoxle hotuipa füi apong ang aza-apuale tüikya hotuinu tuita ningle, atha-anyem tamchu aza-apua laxle, Zang tokhange zangkangting Otsao Tingnu tuita, hozün Jerusalem juüi kue ngün.

ZEKARIA 3:4

Zangkangting to chix thotha ang ngokyabu füi ija kaxtaimixe thüi: “Ija mixsüne awunle ngokya nyitsyen sikle koxdao.” Ifüima chixe Jihusua ang thüi: “Kue nang ochax awütle fadaoa ilaxle nange awun ang ku nyizün koxüi.”

ISAIA 51:9

Zolax, Jowanpa, ilaxle kwom to asunlax! Nang tsak-zong twonlax ilaxle kwom khosünlax; kaitanto twonkya ningle nange ija twonlax. Tinu baozang Rahap hütle akhixle langkya a nang changkya

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

ISAIA 48:2

Ikoxlechu hünzome mongngam füi hünzom a otsao tingnu nokpu changpu ilaxle hünzom Israel nok Zang to mongongpu, chix mün a Jowanpa Khüthak Zang changpule akax.

ROM NOK HATO ZAKYA POL LAIZA 13:14

Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko

MATHI 4:5

Ifüima baoe chix otsao Tingnu Jerusalem to paolaxle, Zangshwom Homnu kho ma angwot

NAHUM 1:15

Hulax, kaxho mix tuita, müikya kaxho füi haxnukhobu to nguile ngole! Chix a chixe lütkya bama sungdünüi khakha! Judah khünaknu, hünzome pangpwonle nüilax ilaxle hünzome otsingtsing ma chem tsaosaxle changdaopuix, ija Zang ang laxkox. Chichangchizangkya khünakbue hünzom chaxwan tamchatle tingtakle münchangtoxüi. Hwom a komkaile amüt tsuakdaoa!

EFISIA 6:10

Oshukma, chix tsakzong chongkya makhange, Jowanpa füikya notom ma hünzom tsakzong alailax.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

ISAIA 26:2

Tingnu panbu daple laxkox ilaxle mongong chialekya nok ngui ang laxkox, chem supuix ijaja mokle tüikya nok tokya khünakbu a.

ISAIA 1:21

Amipongma kax ma laxle tüikya tingnu zanglom-saikha a ma-tsa hangkya mixcha tuita ningle! Hanpak tuita ma ija a otsao khünakbue awangle tüikya, ikoxlechu athax a mix lang mixe awangle tüile.

NEHEMIA 11:1

Jerusalem ma ngokya lompabu, ilaxle mama khünak noknue, Jerusalem to ka üntoxle ikha to ngo angkya hanpakma kako bün bama kako tuipong zün angkya hanpakma chizing tswon. Mamabu pangwüi ama tingnu hia tinglongbu to ngo.

LAIPAO 28:40

“Wünlixle tamchu osün müile lax angkya hanpakma Arun sasün hwom ang nyipong, züpak hia khohom, ibu zingle laxkox.

LAIPAO 28:2

Hüntüi Arun hanpak ang Nguakho nyiwun tüzinglaxkox, ijae chix ang achuak-achenkya tamchu osün amüikya ang naxchang kox.

MIKNGÜN-OHÜN 19:14

Man athokyabu khoma nga üntoxle jaknyidax tsaothakyabu awunlaxle zangkangting süpahibu chix füito azui.

MIKNGÜN-OHÜN 19:8

Jikjepkya jaknyi tsaothakya füi, she aza-apua ang koxdaoa.” (Nyitse a Zang khünakbue mokkya mwot müikya changpu).

EFISIA 4:24

üntoxle Zang lailaile zinglaxle otsingtsing, müikya hia otsao ma ngaile ahokya mixsün ang achanglax.

KAXHO MÜIKYA LUK 15:22

Ikoxlechu hopae dabu nyaklaxle thüi: ‘Momlax, nyiza amüimüi apüilaxle chix to awunle laxkox. Chix chakkhi ma khoptüt langle laxkox üntoxle cha ma chisox soxle laxkox.

HAGAI 2:4

Ikoxlechu athax hünzom khama owa mong chu taxhi. Mwt omok-omok mokkox, chemthüikoxle ku a hünzom füi tüile.

EZEKEL 44:9

“Jowanpa Khüthak Zang, kue ngaipu, ku Zangshwom-Hom to, Khwonzüt-Zom chizingkya mix, ku kax ma chilaxle tüikya mix, Israel khato tomle ngole tüikya mixnokbu ngaxchu, owachu nop ang müntomüi.”

ROM NOK HATO ZAKYA POL LAIZA 3:22

Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!

DANEL 10:9

Chemtue kue chix kaxzing atatpuix, jemax le ku haxkha to nguak ilaxle ku ikhato akhuple ngo.

JEREMIA 31:23

Jowanpa, Israel nok Khüthak Zang-e thüile: “Chemtue kue khünaknu ang hwom haxtok tamchatle koxüihex, hwome anaole chuwüi Judah hia ija angkya tinglongbu ma thüiüi: ‘Jowanpae Jerusalem angkya otsao haxhua to mohimanle naxchang. Chix ngole tüikya otsao nui a.’

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

ISAIA 1:26

Kaitanto tüikya ningle kue hünzom ang pünpa-chongwangbu hia nguakax-wangkhobu koxüi. Ifüima Jerusalem ang ‘otsao hia mongong tüikya tingnu’, le nyaküi.”

MÜNCHUAK-TSAI 110:3

Nange nang zanpabu füi azankya nyix, nang khünakbu a ma mongtsu to laiüi. Anopningkya nyenti ningle nang naosünbu nang hato otsao haxnukho to nguiüi.

EFISIA 5:14

chemthüikoxle oja tsaotha le angaipuix, ija zangngai ang achangle. Idaile ile akaxkya tüile, “Jiple ngokya mix, zolax; üntoxle zi ngoünkya zolax, üntoxle Khrista-e nang to nyanüi.”

MIKNGÜN-OHÜN 11:2

Ikoxlechu nya-o taxthüt ngohom, chemthüikoxle ibu a lyet punyi ali Otsao Tingnu to cha füi nak angkya Zang chitsingkya khunakbu ang koxdaokya changle.

1 PUKAX-PANGAO 16:29

Jowanpa fuazangkya mün achuak kox; tö apüikox ilaxle chix Zangshwom-Hom to nguikox. Chix ngai pongma Otsaopa tunthoma akhux kox;

ISAIA 4:3

Jerusalem ma danle toxkya pangwüi, opang Zang-e ozün ma ngo ang kamle koppuix, ibu a otsaole nyaküi.

ISAIA 49:18

Nang akhople hulax ilaxle chempang changle ngopuix ngünlax! Nang khünaknu asoxle ngole — hwom a hom to nguile ngole! Chemle ku ozün ma ngokya Zang changpuix, nang a nang khünaknu hanpakma mongngamkya tüiüi, tui to juüi mixcha tuita she likwün bama ngamkya ningle.

ISAIA 64:10

Nang otsao tingnubu a sak-hax lailaile; Jerusalem a khünak chingokya nui ang ama toxdao kha,

JOEL 3:17

Jowanpae thüi: “Izuma, Israel, ku a hünzom Zang changle le hünzome awanle laxüi. Ku a, ku otsao haxnu Zaion ma ngole. Jerusalem a otsao tingnu tuita ang changüi; mixnokbue tamchatle ija tingtakle lax ang münthoüi.

ISAIA 60:1

Zolax, Jerusalem, ilaxle senuja ningle nyanlax; Jowanpa fuazang a hünzom to nyanle tüile!