ISAIA 51:9 - OTSAO BAIBEL (BSI)

⁹ Zolax, Jowanpa, ilaxle kwom to asunlax! Nang tsak-zong twonlax ilaxle kwom khosünlax; kaitanto twonkya ningle nange ija twonlax. Tinu baozang Rahap hütle akhixle langkya a nang changkya

ISAIA 51:9 ပူးပေါင်းရင်းမြစ်များ

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

ISAIA 27:1

Ija nyix Jowanpae chix tsak-zong hia mik amüt angkya changlo a Lewiathan, oja tüle ozik tsuakkya fwotnu, kwom-kwomlanle tüikya dragon hex, ija hia punu lang ang twon, ibu a tinu khato ngokya müibu changkya.

MÜNCHUAK-TSAI 89:10

Nange müinu-nyaxpa Rahap zutle akhixpu ilaxle ija langle awütpu; nang janzüi chongkya füi nang zanpabu anao.

ISAIA 30:7

Ijip noke asunkya ma laxli chemchu chitüi. Ikhoma kue Ijip nok ang ‘Oma chemchu chitüikya Dragon’, le mün kox.”

EZEKEL 29:3

Ija a Ijip nok wanghompa füi Jowanpae akaxkya kax changle le thüikox: Nang a shuanu khato jiple ngokya tüle za-adünkya nomwang, ku a nang zanpa changle. Nail shuanu ang nange zingkya. Nangkux changpule nange thüitüi.

ISAIA 51:17

Jerusalem, zolax! Nang lualua to nang laoxle zolax! Nange sikngün pe lingdaoa ija a Jowanpae chix mongtsik ma nang ang alingle; nange ija lingle jok, ilaxle ijae nang shu-shüile achangpu.

MÜNCHUAK-TSAI 44:1

Kwom na makhange jao kwome ija atatdaoa, O Zang: kwom pupa hwome ija bama kwom hama wünpu, hwom tsün ma nange mokkya ohünotünbu bama a, kaile pupa hwom tsün to a;

JOB LAIPEX 26:12

Tinu to lüttsuakkya a chix tsak-zong changle; Chix je makhange tinu angkya bao Rahap mik-amüt.

MÜNCHUAK-TSAI 7:6

Nang mongtsik füi ajongkox, O Jowanpa! Tüle shixkya ku zanpabu füi alünle ajongkox; nang ajongkox üntoxle ku to asunkox! Nange lomkya a sukya kaxfün changle,

HABAKUK 3:13

Nang a nang khünaknu khosün ang laile pao, nange zünle kopkya wanghompa khosün ang a. Chichangchizangle tüikya lompabu to nange hongle anguak ilaxle chix füito azüikyabu komkaile amüt.

ISAIA 62:8

Jowanpae ojao mong chiao angkya kaxtsao saxle changdaoa, Ilaxle chix janzüi füi chixe ija mokle pao angkya wüi changpu: “Hünzom sozambu a hünzom zongto zanpabu süt ang münchangüi, Ilaxle hünzom grepti-ju mixnokbue tamchu münlingüi.

MÜNCHUAK-TSAI 93:1

Jowanpa a wanghom changle. Chix a chongwang zapua hia janzüi nyiwun ang laxlaxle tüile. Chaxwannu a oting ma sütle shingmong tüile ilaxle ija achex ang müntho.

MÜNCHUAK-TSAI 87:4

“Kue Ijip hia Babilon nok chuwüi wom ang tomüi ku kax ma laxle tüikya jat-li akiakle zakopkya zuma; Filistia, Tair hia Etheopia nok angkya khünakbu a Kue Jerusalem nokpu khato akiaküi.”

MÜNCHUAK-TSAI 44:23

Zohüi, Jowanpa! Nang büthüikoxle jiple ngopu? Nang ajonglax üntoxle kwom a othuithuima awütle taxthom!

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

MIKNGÜN-OHÜN 11:17

Khüthak Jowanpa Zang, owa athaxchu tüi üntoxchu tüi angkya hex! Kwome nang mün achuakpu; nange tsakzong chongkya lax, apün ang owang wangdaokoxle!

KAXHO MÜIKYA LUK 1:51

Tsakzong füikya chak chixe thui; ngamkyabu hwom mwotthobu füi, chixe afomle chiak.

HABAKUK 2:19

Hünzom a maxdaoa! Hünzome pünfunsa füi akax: “Zolax!” chichangba longdwon tuita ang thüi: “Ajonglax!” Chapa tuitae nang ang tütali ngaile aho tho angchami? Ija to hun hia khop füi chwople chu tüingokoxlax, ikoxlechu ija ma khüzün müntüi.

ISAIA 53:1

Khünaknue lan, Athax kwome kaxwün wangkya to owae ongse dai? Ija ma Jowanpa chak owae ngünse dai?

ISAIA 51:5

Ku akhangle nguilaxle hwom khosünle kopüi; kue lüt angkya hanpak soxle tüile. Chaxwannu nok thak ma ku jaojaoe apünüi. Tsailo nokbue ku ngui angkya to hule ngo; kue hwom khosünle kopüi lükya monghom füi hwome hule ngo.

MÜNCHUAK-TSAI 78:65

Oshuk ma jiple ngokya zopupule Jowanpa zo; chix a mixtsak-naomüi tuita jutokmix ningle tüikya.

MÜNCHUAK-TSAI 21:13

Chongkya nang janzüi khoma, Jowanpa, kwome nang achuakpu! Nang tsak-zong achuakle kwome tsai ngaopu.

KAXFÜNPA-HWOM 6:13

Gideon-e chix ang thüi: “Alixachong, Jowanpa kwom füi jangtüiba anyix kwom to ile büthüikoxle chang-ngopu, le kue nang ma atüikoxle? Ijip nok tokya hwom alai pongma Jowanpae mokkya ohünotün mwotbu bama apu-apa hwome kwom hama wünle apuakya a chemningkya pang? Jowanpae kwompi awütdaoa ilaxle Midi nok chak to maxsax-ole dantoxdaoa.”

TSAITONG-KAXTONG 4:34

Jowanpa hünzom Zang-e hünzom hanpakma Ijip nok to mokkya lailaile baozang owawae mama jat-li chak tokya alailaxle khünakbu chix khünak ang zingle dan ang mongchongkya baozang tütüichahex? Hünzom mikngün ma chixe chix tsak-zong chongkya twon; chixe kaknu-laknu hia zanhok alai, ohünotün mwotbu mok, ilaxle khompua-atsikle abütkyabu ngai ang tom.

JUHAN 12:38

Ija a, Isaia ajepae ile akaxkya ija kax changle ngai angkya hanpakma chang: “Jowanpa, kwom kaxho to owae ong? Owa hato Zang tsakzong ngaile aho?”

MÜNCHUAK-TSAI 59:4

chichangba chemchem ku thaithaxle changkya khoma lechu münchang, O Jowanpa, hwome ipongpong momle ma chwon kop ang zikkya a.

LAIPAO 6:6

Ija daile Israel khünaknu ang, kue hwom ang thüile le thüikox, ‘Ku a Jowanpa changpu. Hünzom Ijip nok da ang achangle ngokya chak tokya kue danüi. Kue tüle tsak-zong füikya ku chak makhange hwom hato khomtsikya sikngün apüiüi ilaxle kue hünzom khosünüi.

JOB LAIPEX 9:13

Zang mongtsik ma ojao jan münaba. Chixe chix zanpa müima-nyaxshix Rahap, to asunkya mix chixe zutle akhix.

MÜNCHUAK-TSAI 77:5

Kue kaitox daokya hanpakbu texle ano ilaxle kaiwüikya zangpuabu texle atak.

ISAIA 52:10

Jowanpae chix otsao tsak-zong twonüi; chixe chix khünaknu khosünüi, ilaxle ija zangfang pangnusae ngünle laxüi.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.

ZEKARIA 10:11

Chemtue hwome hwom sikngün tinu akaile tsuaküihex, Jowanpa kue tichap to fitüi, ilaxle Nail jinu zukyabu zople paoüi. Tüle ngamle ngokya Asiria puinaile chang ang tomüi, ilaxle tüle zaxzangle ngokya Ijip noke ma tsak-zong amütüi.

MÜNCHUAK-TSAI 44:2

nang tatae chemle songsari khünakbu jwonle apaopuix üntoxle chemle hwom haxtok ma nang khünaknu ating-anok ang tompuix; nange jat-libu mamabu to chemle sikngün ang tompuix üntoxle nang mamixbu a ahak-aluale chang ang tompuix, ibu pangwüi a.

MÜNCHUAK-TSAI 44:24

Kwom thoto nang büthüikoxle khünle ngopu? Kwom sikngün hia tuita taxalak!

MÜNCHUAK-TSAI 89:11

Zangkangting a nang kux, chaxwannu chuwüi; chaxwannu tamchu ima atüitüi pangwüi nange zingpu.

MIKA 7:15

Kwom hanpakma ohünotün mwotbu mokle fahüi, Jowanpa, nange kwom Ijip haxtok tokya apüi pongma mokpupu lea.

WANGSHEMBU MWOT 7:7

Ikoxlechu hwom da ang achangle thomkyabu to kue kaxfünkya faüi.’ Zange thüi: ‘Ilaxle ofüima hwom ija chaxwan tokya laile paoüi üntoxle ikhama hwome ku shwomüi.’