ISAIA 51:5 - OTSAO BAIBEL (BSI)

⁵ Ku akhangle nguilaxle hwom khosünle kopüi; kue lüt angkya hanpak soxle tüile. Chaxwannu nok thak ma ku jaojaoe apünüi. Tsailo nokbue ku ngui angkya to hule ngo; kue hwom khosünle kopüi lükya monghom füi hwome hule ngo.

ISAIA 51:5 ပူးပေါင်းရင်းမြစ်များ

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

ISAIA 60:9

Ibu a tsailo nok tokya nguile ngokya khuabu changle, Zang khünakbu ibu ma nguile ngole. Hwom füi tomle ibue hun hia khopbu laxlaxle nguile Jowanpa mün achuak-achen angkya hanpakma, Israel nok otsao Zang a, Owae chaxwannu noke chix achuak angkya zingle tsuaklaxpuix.

ISAIA 42:4

Chix ang chahix-monghixkya müntüiüi; chixe chaxwannu ma sukya kaxfün apüiüi. Tsailo noke chix hwon-nwot bama tanle ngole.”

ROM NOK HATO ZAKYA POL LAIZA 2:16

Üntoxle kue apuk-apuakya Kaxho Müikya olom machu, Jisu Khrista makhange, khünak angkya huxsa mongjang bama Zange kaxfünkya nyixchu wanlom ma tüikya ningle mokkya mixtix sukya ang achangüi.

WANGSHEMBU MWOT 17:31

Chemthüikoxle chixe zünle kopkya khünak tuita makhange chixe chaxwannu pangnu otsingtsing kaxfün ma kaxfün angkya chixe Hanpak Nyixta tyale thomdaoa. Chixe ija otsingtsing changpule, ija mixsün chatle azangle zo ang tomkya tokhange pangnusa ang wüi angaile fadaoa.”

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MARK 16:15

Chixe hwom ang thüi: “Hünzom a chaxwannu pangnu khato paokox; khünaknüsa hama Kaxho Müikya apukkox.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

MATHI 3:2

chemthüikoxle Zang Wangting a soxle hüiüna!”

ZEFANIA 2:11

Jowanpae hwom chabüt-lasünle chang ang tomüi. Chixe ija chaxwannu angkya baozangbu chem angchu chichangle ahikle awütdaoüi, ifüima jat-li pangnusae, ma chaxwan khokho to chix to shwom-töle changüi.

JOEL 3:12

“Kaxfün haxsha to ngui angkya hanpakma, pangnu nok wüi achwon angkya oli changpu. Tomzi nokbu pangnu to kaxfün fa ang Jowanpa, ku, ikhama thung angkya changle.

ISAIA 63:5

Ku to asun ang owachu chihüikya ngünlaxle ku hu üntoxle ku abütpu. Ikoxlechu ku mongtsike ku tsak ang tompu, ilaxle ku tatae wüi anaole tsuakpu.

ISAIA 56:1

Jowanpae chix khünaknu ang thüi: “Chem supuix tamchu oja changpuix ija moklax, chemthüikoxle lebama wüi kue hünzom khosün angkya changle.

ISAIA 49:1

Ku kax to apalax, tsailo nokbu, hünzom khünak opang tsai to ngole tüipuix! Ku puxüi thoto wüi, Jowanpae ku zünle kop ilaxle ku a chix dapa ang kamle dan.

ISAIA 40:10

Jowanpa Khüthak Zang a tsak-zong füi apün ang nguingole, chixe sünle kopkya khünakbu chix füi tomle laxlaxle a.

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

MÜNCHUAK-TSAI 85:9

Chix chathua zale tüikyabu ang tütakoxlechu khosün kox angkya chix achwonle ngole, ilaxle chix khosün tsak-zong a kem haxtok ma ngoüi.

MÜNCHUAK-TSAI 67:4

Jat-libu mongmüi laxle pwonlatungle tsai naxngao, chemthüikoxle süi-chapkya chemchu chitüile nange khünaknu kaxfün ilaxle chaxwannu angkya jat-li pangwüi lomzun. Selah

1 SAMUEL 2:10

Jowanpa zanpabu a max ang tomüi; zangkhoting tokhange chixe hwom khangkho ma atsak-adung ang tomüi. Jowanpae zangfang pangwüi kaxfünüi; chixe chix wanghom ang tsak-zong koxüi, chixe zünle kopkya wanghompa ang chixe anao ang tomüi.”

TSAITONG-KAXTONG 30:14

Münchang, ija a hünzom füi ikhama tüile. Hünzome ija awan-ngopu ilaxle ija zexle tsuakpu, idaile athaxpi ija to onglax.

MÜNCHUAK-TSAI 110:6

Chixe jat-libu bama kaxfün faüi ilaxle zantam ma mangbue awangle chang ang tomüi; zangfang angkya wanghombu to chixe lütüi.

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

ISAIA 24:15

ilaxle handün chito tüikyabue chix achuaküi. Molo-Tinu ajole tüikya khünakbue Jowanpa, Israel nok Zang achuakle changüi.

ISAIA 26:4

Jento Jowanpa to mongong tüilax; chixe jento kem kho-awale thomüi.

ISAIA 33:2

Jowanpa, kwom to chingcha hüi. Kwome kwom mongong nang ma thompu. Nyixfokya to kwom kho-awale thom hüi ilaxle sikngün pongma kwom sünle kop hüi.

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

ISAIA 59:16

Afangle thomkyabu to asunle fa angkya mix chitüikya ngünlaxle chix huanuma abütle. Ikhoma hwom khosün angkya hia zan to lüt angkya hanpakma chixe chix tsak-zong twon angkya changle.

ISAIA 62:11

Jowanpae zangfang pangnu hato tsingang tomkya nax-tik ang: “Jerusalem angkya khünaknu füi akaxkox Jowanpa a hünzom khosün ang, Chixe sünle kopdaokyabu chix füi tomle laxlaxle.”