ISAIA 51:4 - OTSAO BAIBEL (BSI)

⁴ “Ku kax to apalax, ku khünakbu, kue chem akaxpuix ija to apalax: chaxwannu nok hato kue anwot-anole; ku wanlombue hwom hato zangngai apüiüi.

ISAIA 51:4 ပူးပေါင်းရင်းမြစ်များ

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

1 KORIN 9:21

Ilailaile mixnok khato mokkya zuma, mixnokbu khristan ang achang angkya kuxma, Jehudi nok wanlom fangma chichang homtoxle mixnok tuita ningle ngopu.

ISAIA 2:3

ilaxle ikhato khünakbue thüiüi, “Jowanpa haxhua to kem donghax, Israel nok Zang Zangshwom-Hom to a. Chixe chem naxmokle texpuix ija chixe kem hama apuale faüi; kem a chixe zünle kopkya lomtang ma ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe ma khünaknu füi zangwünle.”

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

ISAIA 42:6

“Ku, Jowanpae, nang nyakdaoa ilaxle tsak-zong koxdaoa ija a chaxwannu ma sukya kaxfün tsuak angkya hanpakma. Nang makhange kue khünak noknusa füi tsaotsütle; nang makhange kue chaxwannu nok hato zangngai apüiüi.

MIKA 4:2

ilaxle hwom khünakbue thüiüi, “Oman, kempi Jowanpa haxkho to donghax, Israel nok Zang Zangshwom-Hom to. Keme chem naxmokse thütpuix ija chixe kem hama anwot-anole faüi; chixe zünle kopdaokya lomtang ma kem ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe chix khünaknu füi zangwünle.”

MÜNCHUAK-TSAI 78:1

Ku khünakbu, ku hwot-nwot to apalax, ilaxle kue akaxkya to mongkoxlax.

KAXHO MÜIKYA LUK 2:32

Mixnokbu hato nang mongtex ngai angkya, zang-ngai üntoxle nang khünaknu, Israel hato fuazang apüi angkya bama.”

ISAIA 26:2

Tingnu panbu daple laxkox ilaxle mongong chialekya nok ngui ang laxkox, chem supuix ijaja mokle tüikya nok tokya khünakbu a.

WANWÜNKAX 6:23

Adangle fakya ibu a wünnyan changle; achangle fakya ibue nang chemle ngokox müiüi ija anwot-anole fa ang tsuak.

MÜNCHUAK-TSAI 147:20

Chixe mixjat-mixlibu hanpakma ile chimok; hwome chix wanlombu chitsing. Jowanpa achuak kox!

MÜNCHUAK-TSAI 106:5

Nang khünakbu ahak-aluale changkya kue ngün ang tomhüi ilaxle nang jat-li hwom mongmüi tomhanle lax ang tomhüi; nang kux ang ngokyabu ngadün füi tomle a.

MÜNCHUAK-TSAI 50:7

“Apahüi, ku khünaknu, kue akax fang; Israel, kue nang a thaidaoa, le kaxkhi koxüi. Ku a Zang, hünzom Zang changpu.

MÜNCHUAK-TSAI 33:12

Jowanpa hwom Zang ang ngole tüikya haxtok a mongmüi haxtok changle; chixe ma khünak ang kamle kopkyabu a mongmüi mixbu changle!

LAIPAO 33:13

Nange ile jangtex thüiningle, ku hama nang mongtex apuale fahüi, chemthüikoxle kue nang thothale ang mong amüile ngo angkya hanpakma. Tamchu texle atak hüi, ija khünaknu a nange ma khünaknu ang lax ang zünle kopdaokya changle.”

LAIPAO 19:6

ku hanpakma atsaole thomkya khünaknu ang changüi. Zompu-zangpabu ningle hünzome ku thothale changüi.”

TSAITONG-KAXTONG 18:18

Kue nang lailaikya ajepa tuita hwom khakha angkya wüi lai ang tomüi. Chemle akaxüihex, kue chix hama wünle koxüi, ilaxle chixe khünaknu hama ku kaxtom pangwüi apuale koxüi.

ISAIA 1:27

Jowanpa otsao changkya khoma, chixe Jerusalem tamchu ima tüikya opang ang künlop-monglüile chang ang tompuix, hwom khosünüi.

ISAIA 26:8

Kwome nang mongtex man topu ilaxle nang ma kwom monghom thompu; kwome sung-zaokya pangnu a nangtix changle.

ISAIA 33:22

Khua ibu angkya zu a laxli müntüi; ibu füi khua chei angkya nyi pün ang müntho! Zan-nok süpahibu angkya tuina keme komkaile tsuiüi, ija tuina a huanu changüi ilaxle chafaibue ngaxchu wüi hwom süntswon kopüi. Jowanpa chix jaojao kem wanghompa ang changüi; chixe kem thak ma apünüi ilaxle kem khosünle thomüi.

ISAIA 42:21

Jowanpa a khosünle kopsele mongtsukya Zang changpu, ikhoma chixe chix wanlombu hia chix hwon-nwot ding to nwonle, ilaxle chix khünaknue chix achuak-achenle namchangbae le texle.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

ISAIA 63:8

Jowanpae thüi: “Hwom a ku khünakbu changpu; hwome ku mündyenüi.” Ikhoma chixe hwom