ISAIA 51:3 - OTSAO BAIBEL (BSI)

³ “Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

ISAIA 51:3 ပူးပေါင်းရင်းမြစ်များ

ISAIA 49:13

Tsai ngaokox, zangdingkhobue! Mongmüile akhong kox, chaxwannue! Haxnubu ozing alaile tsai ngaokox! Jowanpae chix khünaknu mong asomüi; sikngün ashukle ngokya chix khünakbu to chixe chingchaüi.

ISAIA 52:9

Tüle-tüle mongmüi tungle akhong, male ngoünkya nang Jerusalem! Jowanpae chix tingnu khoseüi ilaxle chix khünaknu mong asomüi.

JOEL 2:3

Pünbu zokle ashunkya wün ningle. Hwom tunthoma haxtok a Eden Tsawatkha ningle, ikoxle hwom tokfüi ma a haxkozan tata. Hwome pangwüi olithule ama.

1 PITAR 1:8

Nang mike tümangün ikoxlechu nange chix to mongkünpu, ipongkhae nange chix chingün, ikoxlechu nange chix to mongongpu. Ikhoma nange kax ma ngai ang chitho le mongmüi ma tamchu fuazangkya füi nang ang pwonla dongpu;

JEREMIA 31:25

Zongshole maxngokyabu ang kue janzüi koxüi ilaxle woknuak-tilan ma zongsho ngokyabu ang wokfwot-tilan amüile koxüi.

PONGWANG LAIPEX 13:10

Lot-e akhople hu ikoxle Jordan haxsha Zoar alople, tie awangle, Jowanpa tsawatkha lailaile chichangba Ijip nok haxtok lailaile ngünle lax. (Ija a Jowanpae Sodom hia Gomorah tingnu nyi amütüi thoto wüi changkya.)

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

ISAIA 44:26

Ikoxlechu chemtue ku dapae ajele changpuix, chemtue kue ku mwottho apua ang kaxhomix ahüipuix, Kue ibu mwottho zing ilaxle ajekyabu changle ngai ang tompu. Kue Jerusalem ang ikhama khünaknu tamchatle ngo angkya changle le akaxpu, ilaxle Judah ang tingnubu tamchatle azünle zingle changüi. Tingnu ibu thama ma maxdaokya chatle ajongüi.

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

MÜNCHUAK-TSAI 85:8

Kue Jowanpa Zang-e chem akaxpuix ija to apa ngopu; kem amikya ongat lomtang to chatle chichat jangthüiba chix khünaknu kem ang mongsom kox ang tsaole.

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

ISAIA 35:6

Cha faikyabu fütle azüiüi, ilaxle zangwün ang chithokyabue mongmüile akhongüi. Sak-hax makhange ti chizopkya shuajenbu jenüi;

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 43:19

Kue mok angkya mwot hozün to hulax. Ija a owüi-ole changle ngole— ija hünzome athax ngün ang tsuak! Khünak chingokya faokha tokhange kue lomnu zingüi ilaxle ikhato kue tijenkya shuasa koxüi.

ISAIA 49:19

“Nang haxtok a amale owachu chingole changdaokya— ikoxle athax ija a hidaoküsa ang achangüi ikhato ngo ang nguingokyabu hanpakma. Ilaxle opange nang amale dantoxpuix ibu a nang füi ochu to atsaile apaoüi.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 65:18

Oja kue zingdaolaxpuix ija ma mongmüi-pwonlale ngolax. Hozün Jerusalem a mongmüie awangle tüiüi, ilaxle ima tüikya khünakbu a mongmüi tungle tüiüi.

EZEKEL 28:13

Nang a Zang tsawat kha, Eden ma ngokya, ilaxle thalix long jojojüikyabu nang tsangtsa awangle tüikya. Long ibu a: topaz, beril, kemelin, jaspar, safir, emarel, gamet, ibu changkya. Nang ma hun likwünbu tüihukya. Ibu a nang zingle changpongma nang hanpakma le zing.

EZEKEL 36:11

Kue ku khünaknu hia müibu pu-tsale chang ang tomüi. Hünzom a amipongma ile otuechu matüitox le tsaüi, ilaxle hünzom ang susabu huanuma tüiüi. Kue hünzom a ngohomkya ningle ikhama ngo ang tomüi, ilaxle amipongkya to kaile hünzom a ahak-alua ang tomüi. Ifüima hünzome ku a Jowanpa changpule awan ang kopüi.

EZEKEL 36:35

Noknusa ija haxtok mo wünle, tam ija a faonu ang achangle toxdaokya ikoxle athaxpi Edem tsawatkha lailaile achangdaoa, tingnubu bakle atsunle, tsuile paole, komkaile amale toxdaokya, athaxpi khünak ngo tamchu pan zailaxle ziakople tüidaoale thüiüi.