ISAIA 51:18 - OTSAO BAIBEL (BSI)

¹⁸ Nang zun angkya mix owachu chitüi, hünzom khünaknu khama owachu nang chak ma syetlax tox angkya mix a.

ISAIA 51:18 ပူးပေါင်းရင်းမြစ်များ

ISAIA 49:21

Ifüima hünzome ma füi alüile akaxüi: ‘Nang hanpakma ibibi su-sa hwom owae puxle alai? Kue ku naosombu amütdaoa ilaxle athax tuita chu müntüi. Ku a mixnok chaxwan to jwonle asam — owae naosom ibu tsomle atsün? Ku a ku tata sa dantox — naosom ibu ojong tokhange hüi?’”

MÜNCHUAK-TSAI 88:18

Nange, ku zuikhui shemkhaxe ngaxchu ku danle tox angkya suale, ikhoma ku üitho ang zangnaknu tix changle.

MARK 8:23

Jisu-e ija mikduak sün chak ma sietle lax, tingkhua akaile pao, ilaxle Jisu-e chix mik to thuak füi thuak. Jisu-e chix to chake twonlaxle ija mixsün ma atüi: “Nange tütali ngüncha hex?”

MATHI 15:14

Hwom bama taxaban ngo; hwom a miksut lomzun mix miksutbu changle; otue miksut tuitae ata miksut mix lomzunle changüihex, hokhi pangnyi wüi tswomkha to dütüi.”

MATHI 9:36

Khünak othomnu ngünkya zuma chixe hwom to chingchale thüt; chemthüikoxle nyet mix chitüikya chunbu ningle hwom chiakle ngo.

ISAIA 45:1

Jowanpae Sairas a wanghompa ang kam! Chixe ku a chaxwannu nok tingtak tsuak angkya hanpak ma kam; chixe chix a wanghom tsak-zong züpak da angkya hanpakma ahüi; Jowanpae chix hanpakma tingnubu pan dapüi. Jowanpae Sairas ang akaxle:

ISAIA 41:13

Ku a Jowanpa hünzom Zang changpu; kue hünzom ang janzüi koxlaxle thüipu: ‘Ojao taxza; kue hünzom to asunüi.’”

MÜNCHUAK-TSAI 142:4

Chemtue kue nong-tsax to hule anopuix, kue ku to asun angkya mix owachu chingün, ku kho-awa angkya mix owachu chitüi. Owaechu ku tuitexkya chitüi.

IBRI 8:9

Kue hwom chak ma syet üntoxle Ijip angkya lai ang koxkya nyix hwom putong hwom füi, kue Tsaotsüt tankya ningle; ija a münchang angkya changle. Kue hwom füi zingkya Tsaotsüt kax ma laxle, chitüikya khoma kue, hwom jao to mong chikox.

WANGSHEMBU MWOT 13:11

Athax ile nange Zang chak kopüi; nang ang mik aduaküi ilaxle nange onox ma anyix ningkya zangngai münngünüi.” Abütsünsün le Elimas mik to joxle apwomle hüi, ilaxle chix chak ma syetle lax angkya khünak owawa lomle akhople aham.

WANGSHEMBU MWOT 9:8

Ikha angkya Sol ajong ilaxle mikzam ikoxle chixe chemchu chingün. Idaile hwome chix chak ma syet laxle Damaska to dün.

JEREMIA 31:32

Ija tsaotsüt a, kue hwom pupa hwom chak makhange linle Ijip tokya alai pongma thomkya ozang tsaotsüt ningle münchangüi. Hwom zongto ku tuita kakopa ningle changbachu, hwome ija tsaotsüt chithom.

JOB LAIPEX 8:20

Ikoxlechu mongong khünak otuechu Zang-e danle müntox, chemtuechu chixe ochax khünakbu chak to münasamtox.

ISAIA 54:11

Jowanpae thüile: “O Jerusalem, nang sikngünle, fongle fa angkya mix chitüikya tingnu, owaechu nang mong asom fa angkya mix chitüile, kue nang chifün tamchatle thalix long füi zingüi.

JEREMIA 10:20

Kwom nyihombu amadaoa; ibu to kople thomkya zubu a afündaoa. Kwom naosom hwom pangwüi paole samdaoa; kwom nyihombu chatle ajong angkya owachu chitox; ikha angkya nyibu asha angkya owachu danle chitox.”

AMOS 5:2

Naochasa Israel a nguakdaoa, Hwom a tamchizoüi! She a chaxwan tok ma awütkya ang achangle thom, Ilaxle owaechu she azwot ang chiasun.

EZEKEL 34:6

Ikhoma ku chunbu a haxnukhobu to samle aham. Hwom a chaxwan thünthün awangle chiakle pao, ikoxle hwom lomle atakkya mix owachu chitüi.