ISAIA 51:16 - OTSAO BAIBEL (BSI)

¹⁶ Zangdingkhobu kue pünle danpu ilaxle chaxwannu chifün zingle danpu; Kue Jerusalem ang thüipu: ‘Nang a ku khünaknu changpu! Kue nang a ku hwon-nwot koxdaoa, ilaxle nang kue ku chak füi sünle koppu.’”

ISAIA 51:16 ပူးပေါင်းရင်းမြစ်များ

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

ISAIA 49:2

Chixe ku kaxfa ang changlo füi ngaxchu anaxle zing. Chix chak makhange jao chixe ku khosünle kop. Chixe ku sanjun lailaile zingle alai, Thuile twon ang müile jao anaxle.

JUHAN 17:8

Nange ku ang akoxkox kaxho kue hwom ang koxdaoa, ilaxle hwome ija pongle kopdaoa; ilaxle ku a nang makhange hüikya changpu le hwome ongle.

TSAITONG-KAXTONG 18:18

Kue nang lailaikya ajepa tuita hwom khakha angkya wüi lai ang tomüi. Chemle akaxüihex, kue chix hama wünle koxüi, ilaxle chixe khünaknu hama ku kaxtom pangwüi apuale koxüi.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

ISAIA 66:22

“Chaxwannu hozün hia zangkangting hozün kutsak kuzong makhange chemle ngopuix, ilailaile hünzom sixli hia hünzom münbu a othuithuima ngoüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

ISAIA 50:4

Kue na-juale maxngokyabu zong adün ang chem akax angkya hex, Jowanpa Khüthak Zang-e ku hama apuadaoa, Chixe ku hama anwot-anole chang angkya apale kop angkya nopfokya to ku ang mongtsukya kox.

ISAIA 48:13

Chaxwannu chifün a ku chak makhange zingpu ilaxle zangding shale danpu. Chemtue kue ding hia nyaküihex, hwom ku hato akhangle hüile.

2 PITAR 3:13

Ikoxlechu kem a Zange tsao daokya: Hozün zangkangting hia hozün chaxwannu, ojong khato otsaobu ngoüihex, ija hanpakma tanle nuipu.

ISAIA 65:17

Jowanpae thüi: “Kue hozün chaxwannu hia hozün zangkhotingbu zingle ngole. Thochi ma changle ledaokyabu pangwüi alak angkya changpu.

IBRI 8:10

Athax ija hanpak hüikya zuma, Kue Israel khünakbu füi mok angkya Tsaotsüt tuita changle; Kue ku wanlombu, hwom mong ma shole faüi; ibu hwom kün mong ma zale faüi, Ku a hwom Zang ang; hwom a ku khünaknu ang changüi.

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

ISAIA 49:8

Jowanpae chix khünaknu ang thüi: “Chemtue nang khosün angkya hanpak nguipuix, ku nangchi ma seüi ilaxle nang sopkya to lanüi. Kue nang nyeüi ilaxle kho-awaüi ilaxle nang makhange khünaknu pangnusa füi tsaotsüt zingle. Kue nang a tamchatle otingsütle ngo ang tomüi athax kua awütle thomkya hünzom haxtok ma.

MÜNCHUAK-TSAI 92:13

Hwome a Jowanpa homkha ma küikya pünbu lailaile, pün oja Zang Zangshwom-Hom ma ahui-alyale owan müile tüipuix,

TSAITONG-KAXTONG 33:27

Zang a othuithuima hünzom ziakop mix ang ngole hüi; oshuk chitüikya chix chak a hünzom juafong ang. Hünzom nguikya füi shemle chixe zan-nokbu jwonle apao, ilaxle ibu pangwüi olithule amüt angkya nang füi akax.

LAIPAO 33:22

Chemtue ku womle tüikya zangchangjep leüihex, kue nang a long okha ma shoüi ilaxle ija akaile ku lekya matsuak-matsuakle kue ku chak füi nang to khungle thomüi.

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

ZEKARIA 8:8

Jerusalem ma ngo angkya hanpakma kue hwom handün hannop tokya chatle apüi angkya changle. Hwom a ku khünaknu ang ilaxle ku a hwom Zang ang ngoüi. Kue hwom thakma mongong-chalom hia sukya kaxfün füi apün-awangle changüi.

JEREMIA 32:38

Ifüima hwom a ku khünaknu ilaxle ku a hwom Zangle ngo angkya changle.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

MÜNCHUAK-TSAI 75:3

Ozün ma tüikya zünmok pangwüi abünle zakoxchu ilaxle chaxwan tomtata aloxle changkoxchu, kue ija chifün shingmongle thomüi. Selah

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

LAIPAO 4:15

Nange chix füi zangwünle chem akax angkya hex ija apuale fa ang tsuaküi. Zangwün angkya bama kue hünkhi pangnyi towüi asunüi. Chemle moküihex ija pangwüi hünkhi pangnyi hama apuale faüi.

MÜNCHUAK-TSAI 91:4

Chixe nang to chix kui-zang füi ole thomüi; chixe humele nang kho sünle thomüi; chialekya chix mongonge nang ziakople tamchu kho-awale thomüi.

ISAIA 57:19

Kue pangnusa ang mongsom koxpu, hoxkyabu tamchu tsailo tokyabu pangwüi to! Kue ku khünaknu kak amüiüi.

JEREMIA 1:9

Ifüima Jowanpae chix chak thüi: ku tun to lyet, ilaxle ku füi akax: “Apakoplax, kue nang ang nange chithaile akax angkya kax koxpu.

JEREMIA 24:7

Kue hwom ang ku a Jowanpa changpule awanse tsukya mongtsukya azaile koxüi. Ifüima hwom a ku khünaknu ang changüi, ilaxle ku a hwom Zang ang changüi, chemthüikoxle hwom a ku hato mongpak-fünthole chat angkya changle.