ISAIA 51:13 - OTSAO BAIBEL (BSI)

¹³ Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

ISAIA 51:13 ပူးပေါင်းရင်းမြစ်များ

ISAIA 45:12

Chaxwannu zingle alaikya a ku changpu ilaxle khünaknu ikhama ngo angwot ang zingkya changpu. Ku tsak-zong makhange kue zangding shapu; Kue lyetnu, zanghan, hia lyettsibu pangwüi ziakople thompu.

ISAIA 40:22

Ija a zingle alaikya mix a chaxwannu thak to zangding kai to thungle tüikya mixe zingpu; fangchi tokya khünak a tsükhi-tsiksa pongle ngün. Chixe zangdingkho a dom pünkya ningle pün, ngo angkya hanpakma zingkya nyihom ningle.

ISAIA 17:10

Israel, longnu tuita lailaile nang to tukle khosünle tamchu wintuk-hanthale ngokya Zang nange alakle asamdaoa. Itülüi, nange mixnok baozangbu to shwom angkya hanpakmale otsao tsawatbu azün.

MÜNCHUAK-TSAI 104:2

Nange nang to zangngai füi chwoplaxle tüile. Nange zangdingbu a nyihom lailaile pün,

DANEL 3:19

Ija atatlaxle Shadrak, Meshak hia Abednego hwom füi zongbakle mongtsikkyae Nebukadnezar ang thünkhi. Ikhoma chixe ija wün a takle thomkya to othom anüte nüile khamle naxchang ang ha sho angkya kaxkox.

ISAIA 48:13

Chaxwannu chifün a ku chak makhange zingpu ilaxle zangding shale danpu. Chemtue kue ding hia nyaküihex, hwom ku hato akhangle hüile.

ISAIA 44:24

“Ku a Jowanpa, hünzom khosünpa changle; hünzom zingle alaikya mix a ku changpu. Ku a Jowanpa, pangnuli zingle alaikya mix a. Zangdingkho ku tatae pünpu; kue chaxwannu zingpongma, owaechu ku to chiasun.

JOB LAIPEX 9:8

Zangding pünle akhao ang Zang to owaechu münasun; Tinu angkya müima-nyaxshix chithom-e tingle münachat.

MIKNGÜN-OHÜN 20:9

Chaxwannu pangnu khato chiakle hwom paoüi ilaxle Zang khünaknu thongnui hia chixe mongkünkya tingnu akhople kopüi. Ikoxlechu zangkangting tokya wün düt laxle hwom amütüi.

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

IBRI 11:15

Hwome danle toxdaokya chaxwan hanpakma mongto texle chingo; hwome ile texle jangngo thüikoxle, hwom ikha to chat angkya oshua müikya atakse.

1 KORIN 15:55

“Zik, nange anaokya ojong to tüi? Zik, nange thama angkya ojong to tüi?.”

1 KORIN 1:20

Je-hwon füikya mix omaün? Tsingpa-manpa omaün? Athaxpongkya tsaipu-kaxpabu omaün? Zange ija chaxwannu je-hwon a ongat changpu le ahodaoa!

DANEL 3:15

Chichang thüiningle athax ile thuaput-waxmaibu mütle klingkingkong zing atatkya füi tomle akhuxlaxle ija chapa tong to shwomle akhuxdao. Hünzome ile münmokle angamle jangchang thüiningle hünzom a athax ile okham wünnu khato shoüi. Ile changkya zuma hünzom azün angkya baozang owawa tüi angkya changle le hünzome ajang cha?”

JEREMIA 51:15

Jowanpae chaxwannu chix tsak-zong füi zing; chix je-hwon makhange haxwannu zingle alai ilaxle zangding pünle dan.

JEREMIA 2:32

Hünzom nok naocha tuitae she likwünbu alakcha, chichangba tuipa tuitae chix za-pua alakcha? Ikoxle ku khünakbuepi hanpak o-echithole ku alak-asam daoa.

ISAIA 42:5

Zang-e zangdingkho zingle alai ilaxle ija sha; chixe chaxwantok hia ima ngole tüikya pangwüi aza-apuale kox; ikhama tüikya khünaknu pangwüi ang chixe khüzün hia zakdün kox. Ilaxle athax Jowanpa Khüthak Zang-e chix dapa ang thüi:

ISAIA 16:4

Kwom hünzom haxtok ma ngo ang tomhüi. Kwom amüt ang tungle ngokyabu chak tokya kwom azünhüi.” (Zothup hia thama ashukdaoüi, ilaxle haxtok thomjole ngokyabu paole samdaoüi.

ISAIA 7:4

Chix ang mik-hingle tamchu somdangle ngo angkya ilaxle zakyae poxle chingo angkya akaxkox. Wanghom Rezin hia Siria nokbu tamchu wanghompa Pekah hwom mongtsik a hatua anyi ma azwonle laikya wünkhut thangaxchu münchang.

MÜNCHUAK-TSAI 76:10

Khünak mongtsik makhange süchongchongle mix nang achuak-achen angkya ngai; zantam angkya azangkyabue nang pangpwonbu thomüi.

JOB LAIPEX 37:18

Zangdingkho pünle akhao laxle jankhao ningle atsak ang nange Zang to asun ang tho ang chami?

ESTAR 7:10

Ikhoma Haman a chixe Mordekai lang angkya hanpakma zingkya dangzembu ma afünle lang. Ile tix wanghompa ang mongtsik dang.

ESTAR 5:14

Ikhoma chix kakonu hia hozui hwome mongkho adünle thüi: “75 fit tsuakya dangzembu büthüikoxle chizingpu? Ngainop ima Mordekai takle lang angkya tsaiju-kaxjule mwottsuak üntoxle khangkho chazangle fongsax ang paotsuaküi.” Haman-e ija a müikya olom changpule thüt üntoxle dangzembu zingle achwon.

TSAITONG-KAXTONG 32:18

Hwome hwom Zang, tsak-zong chongkya füi tüikya khosünpa alakle asam, hwom hanpakma tsün koxkya Zang a chix changkya.

WANGSHEMBU MWOT 12:23

Ifüi tomle kaxtaimixe Herod to hongle anguak, chemthüikoxle chixe Zang chathua zakya chitüi. Chix a chonge sax ilaxle zi.

ISAIA 57:11

Jowanpae thüi: “Hünzom za ang tomkya baozang ibu a owa? Owa khomale hünzom atse ilaxle ku komkaile alakle awütpu? Ku okuilole dangjale ngokya khoma hünzome ku achuakkya zakpia?

TSAITONG-KAXTONG 6:12

hünzom da ang achangle ngokya Ijip nok chak tokya hünzom khosünle apüikya Jowanpa münalak-o thüilax.

TSAITONG-KAXTONG 8:11

“Hünzome Jowanpa hünzom Zang chemtuechu taxalak; ilaxle anyix kue hünzom ang koxkya chix wanlombu kax ma chilaxle otuechu taxtüi.

ISAIA 9:4

Chemthüikoxle hwom zothuple ngokya dang nange amadaoa ilaxle hwom suakpong ma fitle ngokya jantom nange awütdaoa. Zan-nokbu to nange lütle tsuakdaoa nang khünaknu to afangle zothup ngokya zan-nokbu a, ami pongma nange Midi nok süpahibu to lütkya lailaile.

ISAIA 10:24

Zaion ma ngole tüikya chix khünaknu ang Jowanpa Khüthak Zang-e thüile: “Ijip nok lailaile hwome hünzom to zothuple tüikoxchu hünzom a Asiria nok thua taxza.

ISAIA 14:4

Chemtue chixe ija moküihex, hwome Babilon nok wanghompa ajaole ile akax angkya changle: “Müishix-mixma wanghom nguakdaoa! Chixe athax owawa tochu zothuple münchangüi!

ISAIA 40:21

Nange müntsing hexnyi? Nang hama kaiwüi mawün hexmi? Chaxwannu chemle owang wangpuix nange ma atat hexmi?

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

ISAIA 54:14

Sukya kaxfün hia süntswone nang tsak-zong ang tomüi. Hünzom a mixe adakya hia thama adünkya füi atsai ngo ang tomüi.

JEREMIA 38:19

Ikoxle wanghompa-e lan: “Ku a Babilon nok hato tok ahole paokya kem khünakbu thua zapu. Ku ibu chak to koxle apaolaxle zothup lechuwüi changtüilax.”

DANEL 3:18

Chixe kwom kho chisünle chang koxlechu, wanghompa, nange tsingle kop angkya a, kwome otuechu nang baozang to münshwom, ilaxle otuechu nange küile ajong thomkya hun chapa tuntho to münakhux.”

MÜNCHUAK-TSAI 106:13

Ikoxlechu chixe mokdaokyabu hwome lebama wüi alakle asam ilaxle chix adangle tanle chingole jansuma mokle le.

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

JEREMIA 51:19

Jakop Zang a hwom lailaikya münchang; chix a jalinusa zingpupa changle, ilaxle chixe Israel a chix khünaknu ang zünle kopdaoa. Jowanpa Khüthak Zang a chix mün changle.