ISAIA 51:12 - OTSAO BAIBEL (BSI)

¹² Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

ISAIA 51:12 ပူးပေါင်းရင်းမြစ်များ

MÜNCHUAK-TSAI 118:6

Jowanpa ku füi tüile, ku chemthua chu münza; ku to owae chemthüithoüi?

1 PITAR 1:24

Otsao Lai-e akaxle, “Khünaknüsa nok wüi fum-sui ningle; hwom fuazang bakle fao maipuabu ningle. Fumsui zile pao, üntoxle maipuabu dütle sam;

ISAIA 2:22

Ziün angkya khünak to mongong taxthom. Ibue chem thathap angkya tüi?

JUHAN 14:18

“Otue ku paoüi hex, kue hünzom tata danle müntox; ku hünzom hato tamchatle nguiüi.

ISAIA 66:13

Honu tuitae masa mong asomkya ningle, Jerusalem ma kue hünzom mong amüiüi.

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

WANWÜNKAX 29:26

Apün-adakya mix füi müisele noknusae texpu, ikoxlechu nange sukya kaxfün a Jowanpa tokhange tix kop ang tsuaküi.

MÜNCHUAK-TSAI 146:4

Chemtue hwom ziüihex, hwom a haxbu hato wüi chatle; ija nyix hwom mongjang ashukkya ang changle.

MÜNCHUAK-TSAI 92:7

chichang-chizangkya hingzang ningle tsongle chu tüikoxlax, thaikya mwot mokle ngokyabu ahak-aluale chu tüikoxlax; ikoxlechu hwom a komkaile amütdaoa angkya changle,

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

1 SAMUEL 15:24

Sol-e lan: “Changle, kue ochax lyenle changdaoa. Kue Jowanpa kaxtom hia nange adangle fakya kax ma chilaxle tüidaoa. Ku a, ku khünaknu thua zalaxle hwome chemle thüipuix ile mokle ledaokoxa.

2 WANGHOMBU 1:15

Ifüima Jowanpa kaxtaimixe Elija ang thüi: “Chix füi tomle jukox. Chix thua zale taxngo.” Ifüima Elija achexle wanghompa hato ju.

ISAIA 40:1

Zang-e akax: “Ku khünaknu mong asomkox, hwom mong asomkox!

ISAIA 49:13

Tsai ngaokox, zangdingkhobue! Mongmüile akhong kox, chaxwannue! Haxnubu ozing alaile tsai ngaokox! Jowanpae chix khünaknu mong asomüi; sikngün ashukle ngokya chix khünakbu to chixe chingchaüi.

ISAIA 57:11

Jowanpae thüi: “Hünzom za ang tomkya baozang ibu a owa? Owa khomale hünzom atse ilaxle ku komkaile alakle awütpu? Ku okuilole dangjale ngokya khoma hünzome ku achuakkya zakpia?

JEREMIA 38:19

Ikoxle wanghompa-e lan: “Ku a Babilon nok hato tok ahole paokya kem khünakbu thua zapu. Ku ibu chak to koxle apaolaxle zothup lechuwüi changtüilax.”

EZEKEL 2:6

“Ikoxlechu, ziün angkya khünak nang, hwome tütale wüi akaxkoxle chu hwom thua za angkya oli münchang. Hwome nang ajao-ahaile changüi; ija a tuita twonsi zyem khato ozün ma ngokya ningle changüi. Ikoxlechu, alün-aloxle tüikya khünak ibu thua tamchu hwom zangwün thoto nang za-ngo angkya oli münchang.

1 SAMUEL 17:11

Chemtue Sol hia chix khünakbue ija kaxzing atatle changpuix, hwom a zale abüt-aban.

1 SAMUEL 21:13

Ikhoma, chemtue Dawid a hwom zui ma tüikya hex, ibue chix kop ang hüipongma chix a tuita kax chimankya mix angapa ningle achangle shu-shüile aho; chix a tinglong pan to shikle, kaxmai mun to thuakka waiwaile aho.

ISAIA 8:12

“Khünaknu zangwün khato hakle taxkop ilaxle chemthua hwom zapuix ija thua nang taxza.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

ISAIA 52:9

Tüle-tüle mongmüi tungle akhong, male ngoünkya nang Jerusalem! Jowanpae chix tingnu khoseüi ilaxle chix khünaknu mong asomüi.

ISAIA 61:2

Chixe ku khuapu ang tsanle apao Chaxwan-zanghan tu nguikya bama Jowanpae chix khünaknu khosünüi Ilaxle hwom zanpabu to lütüi. Künmax-mongshanle ngokyabu pangnu mong asom ang chixe ku ahüipu,