ISAIA 51:1 - OTSAO BAIBEL (BSI)

¹ Jowanpae thüi: “Ku kax apalax, hünzom khosünse le tsukyabue, hünzom ku hato fongkya lomle nguikyabue. Nang ojong tokhange nguipuix ija longnu ajang koplax, ojong longthwot nui angkya nang thole alaipuix, ija a.

ISAIA 51:1 ပူးပေါင်းရင်းမြစ်များ

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

MÜNCHUAK-TSAI 94:15

Khwabu ma tamchatlechu sukya kaxfün atak ang kopüi, ilaxle otsao khünaknu pangnue ija to juafong.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

ROM NOK HATO ZAKYA POL LAIZA 14:19

Idaile keme othuithuima mongsom apüi ang hia tata ang zong adün ang fong angkya oli pangnu to kem mongjang tüikya changle.

ISAIA 48:12

Jowanpae thüi: “Ku kax to apalax, Israel, kue nyakle kopkya khünakbu! Ku a Zang changle, owang, oshuk, tuita wüi tüikya Zang!

2 TIMOTHI 2:22

Khüse pongma mongzok füi atsaile ngolax, ilaxle sukya, mongong, mongkün, tamchu mongsom hanpakma mong tsaokya tokhange fong angkya hanpakma Jowanpa ahyenkyabu füi tomle azonglax.

AMOS 5:6

Jowanpa hato nguilax, ikoxle hünzom ozün ma ngoüi. Hünzom ikhato chipao jangthüi: Israel khünaknu hato chix a wün lailaile zikle juüi. Bethel angkya khünaknu wünkha to zokle ashunüi, ilaxle ija wün owaechu amüt ang münthoüi.

WANWÜNKAX 21:21

Chingcha-mongkün tamchu sützia-mwotzia ma ngokox jangchangba nang tsünlole ngo ang kopüi; mixe nang to e-sele changüi tamchu müile hu-meüi.

WANWÜNKAX 15:9

Chichangchizangkya khünakbu lomtang thua Jowanpa anule, ikoxle sukya mwot mokkyabu to chixe mongkünle.

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

FILIPI 3:13

Changle, kutüi-kunaohom, kue ija koptsuak daoa le ojao münthüt; ikoxle kue mokkya mwotli tuita a: füichichi alak ilaxle thochima tüikya ha alop ang otsuaktsuak ma azong angkya changle.

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

MATHI 5:6

“Zang mongtex mwot mokse tsukyabu mohiman; Zange hwom to chingchaüi!

ISAIA 45:19

Kue huxsa ma zang chiwün chichangba ku mongtex pyenle chithom. Kue Israel khünaknu ang khünak chingokya haxtok to ku lomlaxle chithüi. Ku a Jowanpa changle, ilaxle kue kaxtsing zang wünpu; Chem supuix ija kue awanle fapu.”

MÜNCHUAK-TSAI 24:6

Zang hato ngui angkya khünakbu a iningkyabu tix changüi, hwom a Jakop Zang hato nguiüi. Selah

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

ISAIA 55:6

Jowanpa hato chatlax ilaxle chix to zangjoplax, athax chix a hoxhoxle tüile.

ISAIA 51:4

“Ku kax to apalax, ku khünakbu, kue chem akaxpuix ija to apalax: chaxwannu nok hato kue anwot-anole; ku wanlombue hwom hato zangngai apüiüi.

ROM NOK HATO ZAKYA POL LAIZA 10:3

Zange khünak füi muamüi ang lomkya olom hwome ma-awan, ilaxle hwome Zang zongma sukya lom hwom lailai to zingle lax ang azongle; ilaxle Zange khünak füi muamüi angkya olom tandaokya hato hwom hüise müntsu.

ISAIA 65:10

Hwome ku to shwomüi ilaxle hwom chun hia osu-maihubu hannopchi angkya Sharon Haxsha ma tamchu handünchi angkya Sikngün Haxsha ma fum tsüt ang tomüi.

2 PUKAX-PANGAO 15:2

ilaxle chix a wanghompa Asa füi apong ang pao. Chixe nyakle thüi: “Wanghompa Asa, tamchu Judah hia Benjamin ma ngokya khünaknu, ku kax to apahüi! Hünzom chix füi ngokya kople Jowanpa a hünzom füi tüipu. Hünzom chix lomle jangchang, chixe hünzom ang chix atak ang tomüi, ikoxlechu hünzome chix hato tok ahole jangchang chixechu hünzom hato tok ahoüi.

2 PUKAX-PANGAO 15:4

Ikoxle chemtue sikngün hüile changpuix, hwom a Jowanpa Israel nok Zang hato chat. Hwome chix lom ilaxle chix atakle lax.

ISAIA 48:1

Ija to apalax, Israel khünaknu, hünzom Judah su-sa hwom: Hünzome Jowanpa mün ma tsaosax ilaxle Israel nok Zang to shwompule akax — ikoxle hünzome akaxkya kax hünzom ojao chimok.