ISAIA 50:8 - OTSAO BAIBEL (BSI)

⁸ chemthüikoxle Zang a ozuima tüile, ilaxle chixe ku a oma chemchu chitikkya mixle ahoüi. Owawae ku ma kaxhux-fe angkya mongchong ang chami? khwalo to tsetwon ang tomle paohu hax! Chixe ku ma kaxhux fekya nax apüikox!

ISAIA 50:8 ပူးပေါင်းရင်းမြစ်များ

MIKNGÜN-OHÜN 12:10

Ifüima zangkangting to, “Athaxpi Zang khosün hüidaoa! Athaxpi Zange chix chongwangpa changpu le zong ahodoa! Athaxpi chix Messaiah-e, apün-adakya chix zong ahodaoa! Zang thüntho ma ajong laxle, kemtüi kemnao hwom ma; zangnak zangngai to, kaxhux fengokya mix; zangkangting tokya, tswonle awütdaoa.

ISAIA 41:1

Zang-e thüile: “Danglax ilaxle ku kax to apalax, hünzom tsailo nokbu! Hünzom zangwün khwa to apüi ang achwonlax; hünzom ang zangwün angkya onox koxüi. Chem supuix ija zün angkya hanpakma tomle asoxhax.

ISAIA 43:26

“Khwalo to paohax; hünzom kaxhux fekya apüihüi! Hünzom sukya aho ang hünzome tsetwon-zangwün koxhüi!

ISAIA 41:21

Jowanpa, Israel nok wanghom, chixe ija akax angkya tüile: “Hünzom mixnok baozangbu, hünzom zangwün apüilax. Hünzom ma tüikya atsi-alakya zangwün sümüikya apüihüi!

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

MATHI 5:25

“Wanlom ma thaikya bama owawae nang khwa to apüile jangchangba, lomba to tüi pongma wüi nang mütkopkya khünak füi muamüi ang azonglax; ile chichang thüiningle chixe zangwün khwa to apüilaxle nang kaxfün mix chak to danüi; kaxfün mixe nang süpahi chak to danüi; ifüima nang a kun ma hakle thom angkya laiüi.

TSAITONG-KAXTONG 19:17

hokhi pangnyi wüi zangshwomnui to sele apüiüi ilaxle ipongma onui ma asukya nguapa hia kaxfün mixbue kaxfün fa ang tomüi.

LAIPAO 22:9

“Maihu bama wüi chang koxlax, chun, mantsak, nyi-za chichangba tütali bama wüi chang koxlechu, khünak anyi tuina tuita ma atinkya jangtüi, hokhi pangnyi wüi zangshwomnui to nguiüi. Zang-e opupu ang thaile le thüipuix, chixe othom anyie nüile hozuipa ang tsangthom angkya changpu.

JOB LAIPEX 13:19

Zang, nang ku ma kaxhuxfe ang ngui angkya lehi? Nange ile jangmok, ku a dangjajale zi ang achwon tüile.

MÜNCHUAK-TSAI 119:151

Ikoxlechu nang a ku hama tüile Jowanpa, ilaxle nang kaxtombu a othuithui hanpak changle.

ISAIA 1:18

Jowanpae thüi: “Athaxpi zangwün tsuakle kop-hax. Nang a ochax füi lyetle akhik thomle, ikoxlechu kue nang paiput ningle sole atsyetüi.

ISAIA 45:25

Ku, Jowanpae, Jakop su-sa hwom pangwüi khosünüi, ilaxle hwome ku achuak-achenle changüi.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.