ISAIA 50:2 - OTSAO BAIBEL (BSI)

² “Ku hwom khose ang hwom hato nguikya zuma khünaknu pongzik chitüile hünzom chem ang thai? Kue nyak pongma hwome büthüikoxle chilan? Ku ma hwom khose ang zong chitüile lehia? Kaxtom tuita makhange wüi kue tinu azop ang tsuak ilaxle ti chitüile ikha angkya nyaxbu naxzi ang shuajen a sak-hax ang achang ang tsuak,

ISAIA 50:2 ပူးပေါင်းရင်းမြစ်များ

ISAIA 59:1

Jowanpa a hünzom khosün ang onüi shonaile chichangba hünzom fonghüile nyakkya ozing atat ang chithole nabale le taxthüt!

HUAKE LAIPEX 11:23

Jowanpae lan: “Kutsak-kuzong ma thathüt tüipia? Kue akaxkya kax chichang hia changpuix nange lebama wüi lop ang kopüi!”

ISAIA 66:4

Ikhoma kue hwom hato thama apüiüi — hwom a ija thua süzakya changle — chemthüikoxle kue sepongma owaechu chilan chichangba kue chem akaxpuix ija to owaechu chiapa. Hwome ku kax ma chilaxle tüi angkya ikoxle ochax mwot mok angkya mongzangwünle tsuak.”

JIHUSUA 3:16

jenle ngokya ti thumle jongta khama afox ilaxle Zerethan zui angkya Adam tingnu alople anongle jenle dong. Omang Tinu jenle jukya tijen owüiole zop, ilaxle Jeriko zui makhange khünaknu tale le ang tho.

PONGWANG LAIPEX 18:14

Jowanpa zongto müntho lükya oli tütüikoxcha? Kue akax daokya ningle, athax makhange lyetkua aku mong ma ku tamchatle nguiüi, ipongma Sarah-e sasün tuita ngünle changüi.”

HOSIA 11:7

Hwome ku hato tok aho angkya wüi zong. Hwom khangkho ma dangzem khoma hwom akhongle sopüi, ikoxle hwom khangkho angkya ija owaechu nwonle chifaüi.

WANWÜNKAX 1:24

Kue hünzom nyakle ngokya changpu, nguihüi le hünzom sengokya changpu. Hünzome kuchi to ojao na chitha.

JUHAN 1:11

Chix a ma khünaknu hato hüi, ikoxlechu ma khünaknue chix pongle chikop.

NAHUM 1:4

Chixe Molo-Tinu ang kaxtom kox, ikoxle ija ti zople zan! Chixe shuajenbu zople zan ang tom. Bashan angkya manzai haxtok zanle pao, Karmel Haxhua khuifople achang, ilaxle Lebanon angkya maipuabu hüile pao.

HOSIA 11:2

Ikoxle kue chemtukuxle chix se-lompuix, itukuxle chixe ku hato tok aho.

DANEL 3:29

“Ikoxle athax kue kaxtom koxpu, athax makhange mixhuak, onok, jat-li tamchu makax mangaongao ma zangwünkya khünak owawae Shadrak, Meshak hia Abednego hwom Zang adix-adale zangwünkya kha jangtüi, ija khünak a cha tex chak hüt le awütüi, ilaxle hwom homkha a omüt tamting ang achangle toxüi. Chix ningle ipong chongkya okham wünnu kha tokya khünak khosün tho angkya mama baozang owachu müntüi.”

DANEL 3:15

Chichang thüiningle athax ile thuaput-waxmaibu mütle klingkingkong zing atatkya füi tomle akhuxlaxle ija chapa tong to shwomle akhuxdao. Hünzome ile münmokle angamle jangchang thüiningle hünzom a athax ile okham wünnu khato shoüi. Ile changkya zuma hünzom azün angkya baozang owawa tüi angkya changle le hünzome ajang cha?”

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

ISAIA 65:12

Alün-aloxle zi angkya a nang osho changüi, chemthüikoxle kue nyak pongma hünzome ku kax to chilan chichangba kue akax pongma chiapa. Ku kax ma chilaxle ochax mwot mok angkya mix hünzome zünle kop.

ISAIA 59:16

Afangle thomkyabu to asunle fa angkya mix chitüikya ngünlaxle chix huanuma abütle. Ikhoma hwom khosün angkya hia zan to lüt angkya hanpakma chixe chix tsak-zong twon angkya changle.

ISAIA 43:16

Kaitanto Jowanpae tinu akaile, tinu züingui tanti makhange lom tuita zing.

ISAIA 42:15

Kue haxhua hia haxnubu amütüi ilaxle hingzang hia pün-zuabu zanle zi ang tomüi. Kue shuajenbu a sak-haxsha ang achangüi ilaxle tüküibu zan ang tomüi.

LAIPAO 14:21

Mosa-e tinu ding to chix chak thüi. Ifüima Jowanpae handünchi winjep ang tinu jeple achat ang tom. Ija winjepe wüntungtale tüle zongle jep ilaxle tinu mongto haxkozan alai, ile tinu anyi ang achangle ahan.

LAIPAO 7:21

Shuakha angkya nyax zile pao. Shuakha tüle nomle changkya khoma Ijip nok owaechu ikha angkya ti chiling. Ijip nok pangnu khato wüi aji tata ajie awang.

LAIPAO 7:18

Ti kha angkya nyaxbu ziüi ilaxle Ijip noke ikha angkya ti ling ang chimüile shua-a tüle nomüi.’”

JUHAN 3:19

Ilaxle kaxfün a ija changle: Zangngai chaxwannu to hüidaoa, ikoxle khünake zangngai füi zangnak towüi sükün, chemthüikoxle hwom mwotbu a ochax chang.

MARK 4:39

Jisu ajong laxle zangwin ang thüi: “Dangün”. Chixe tichapbu angchu wüi thüi: “Taxamok”. Zangchei thwonthütle dang ifüima zingzazui le dang.

DANEL 6:20

Chemtue chixe ijakha aloppuix, chixe künsum-mongtui le nyak: “Ozün ma tüikya Zang dapa, Danel! Mailangbu chak tokya nang, nange mongbakle koxle shwomle ngokya Zang-e nang khosünle tüilaxma?”

JEREMIA 5:1

Jerusalem angkya khünaknu, hünzom tingjang lomnubu fole ziklax! Akhople hulax! Ma hanpakpak to hulax! Thalex-juatai nuibu lomlax! Sukya mwot mokle tüikya mix tamchu Zang to mongong shingmongle ngo ang azongkya mix khünak tuita ngaxchu hünzome atat ang cha? Hünzome atakle jangtsuak, Jowanpae Jerusalem thaikya alaküi.

ISAIA 51:10

Tinu khatokya ti zan ang tom ilaxle tinu afünle le angkya lom zingle koxkya nang changkya, ikhoma ozün ma tüikya pangwüi tale le ang tsuak.

ISAIA 41:28

Chemtue kua baozangbu khato hule anopuix, hwomkha angkya owaechu chemchu akax angkya chitüi; kue atüikya kax to hwom opupuechu lan ang chitho.

ISAIA 36:20

Kwom chongwangpa chak tokya baozangbu opupue ibu haxtokbu khosünle changdao? Jangchangba Jowanpae Jerusalem khosün angkya changpule hünzome chem makhange ajangle lax?”

ISAIA 19:5

Nail shuanu ma ti hixle hüiüi, ilaxle oshukma ti owüiole zople zanüi.

MÜNCHUAK-TSAI 107:33

Jowanpa shuajenbu komkaile zop ang tom ilaxle shuasa jenle jukyabu zak ang tom.

2 PUKAX-PANGAO 32:15

Ibu lailaile athax a Hezekiah ang hünzom dyenle chang ang taxtom. Chix kax to taxong! Asiria nok chongwangpa chak tokya owa baozangechu owa nokchu khosünle kop ang matho. Ija ningle ija hünzom baozangechu hünzom azün ang münthopu!”

LAIPAO 14:29

Ikoxlechu Israel khünakbu a tinu tale haxzan to ahamle le. Hwom ta pongma tinu a pangnyi chima katuk lailaile tüikya.

JEREMIA 8:6

Kue khile apale ngopu, ikoxle hünzom kaxtsing tuita chiakax. Hünzom tuitata ngaxchu hünzom chichangchizangle tüikya bama thaidaokoxale chithüi; hünzom tuitae ngaxchu ‘Kue chem thaikya mokdaopu?’, le chiatüi. Manbu zan to kaüi ningle hünzom a pangwüi malom lom to pao.

MÜNCHUAK-TSAI 106:9

Chixe Khikya Molo Tinu ang kaxtom kox, ilaxle ija jople pao; chixe chix khünaknu haxzua dingma tale le ang tom.

DANEL 6:27

Chixe khosünle tamchu kho-awale; chixe ding-hi-hax nyi bama ohünotün hia khosam fang mwotbu mokle. Chixe mailangbue sax ang chitomle Danel khosünle kople.”

JEREMIA 7:13

Hünzome ibu ochaxbu pangwüi mokle hüidaoa, ilaxle kue hünzome füi chatwüi chatle akax ngokoxchu, hünzome ija to mün-apapule angam. Kue hünzom se pongma hünzome chilan.

ISAIA 11:15

Jowanpae Suiz angkya tinu shinthuk angkya ti azopüi, ilaxle chixe Eufrat shuanu azop angkya hanpakma khamtungkya zangwin apüiüi, ikoxle muaküsa shuasa anüt wüi zop ang chitomle dantoxüi, chemthüikoxle ibu a pangnusae wüi ahamle ti ta ang tsuakle tüikoxle.

ISAIA 23:11

Jowanpae Tinu ding to chix chak thüidaoa ilaxle wangtingbu max ang tomdaoa. Chixe Foinesia nok angkya thalex nui otongbu max angkya kax koxdaoa.

ISAIA 44:27

Kaxtom tuita makhange kue molo tinu zop ang tompu.

ISAIA 54:6

Israel, nang a tui to namjukya naochasa, she kakopae awütle toxkoxle künmax-mongshanle ngokya mix ningle changpu. Ikoxlechu Jowanpae chix hato sele chatlaxle thüi:

JEREMIA 7:27

“Ikhoma, Jeremia, nang ibu zangwün ku khünaknu füi akaxüi, ikoxlechu hwome nang kax to chiapaüi; nange hwom seüi ikoxle hwome nang kax to chilanüi.

JEREMIA 14:9

Nang a owawa chabüt-lasün ang tomkya ningle büthüikoxle chang, asunle fa ang chithole süpahi tuita zongsho maxkya ningle hi? Otsing tomtata ma, Jowanpa, nang a kwom füi tüile! Kwom a nang khünaknu changle; kwom danle sütaxtox.”

JEREMIA 35:14

Jonadab su-sa hwome ju chiling angkya chix kaxtom kax ma laxle, ilaxle anyix kople hwom opupuchu ju-khan münling. Ikoxle kue chizakle hünzom füi zangwünle ngopu, ikoxle hünzome ku kax ma ojao chilax.

HABAKUK 3:8

O Jowanpa, nang mong atsikkya shuajenbu changchami? Nang mongma ang tomkya tinu shinthuk changchami? Zangfwombu kho to nang nga; zangchei füikya zangfwom nang zyen changkya, nange nang khünaknu ang zan to lüt ang tompong ma.

ISAIA 64:6

Kwom pangwüi ochaxe awangle ngo; müile mokpu lükya kwom mwot ngaxchu othai ang wüi changle nui. Chemthüikoxle kwom a kwom ochax makhange jumle dütkya pünchak zangwin to pikle paongokya ningle chang.