ISAIA 5:6 - OTSAO BAIBEL (BSI)

⁶ Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

ISAIA 5:6 ပူးပေါင်းရင်းမြစ်များ

JEREMIA 25:11

Ija haxtok pangkha wüi amale dantoxüi ilaxle ija a mikngün ma za-adünkya tuita changüi, ilaxle tomzi nokbue zanglao puzom-bün hanpak ang wanghompa Nebukadnezar thothale changüi,

MIKNGÜN-OHÜN 11:6

Hwome Zang kaxho apuk ngopong ma zang chiwat angkya hanpakma zangding ka hak angkya zong hwom ma tüile. Hwom mong tsukyakya ma tümik sopkya aji ang achang angkya tamchu küjo küjekya kaklak thama füi chaxwannu to chak mok angkya hwom ma zong tüile.

KAXHO MÜIKYA LUK 21:24

Üntoxle hwom züizüi chang ma maxüi; hwom züizüi kop laxle pangnu chaxwan to paoüi. Üntoxle mixnok hanpak ma-ashuk ma-ashukle Jerusalem to mixnok cha füi naküi.

AMOS 4:7

Hünzom tsaxsa-hikhae ti lomtukhae ti tsyenle tuikya a ku changpu. Kue tingnu tuita to zangwat ajo ikoxle mama tingnu to a chiajo. Haxtok tuita ma zangwat ti düt ikoxle mama haxtok a zanle zi ang tom.

HOSIA 3:4

Ija jaojaole Israel khünaknu a, wanghom hia lompabu chilax homtoxle, tö koxkya hia otsao long küikya chitüi homtoxle, chichangba o-nan to hu ang twonkya chapabu chichangba chasabu chilax homtoxle ngole hüi.

JEREMIA 45:4

“Ikoxle, Jowanpa, kue zingdaokyabu pangwüi pünle ama ngopu ilaxle kue küidaokyabu fuakle awüt ngopu. Ija kue zangfang pangnu to mok angkya changle.

JEREMIA 14:22

Owa nok chapabue chu zangwat ti ajo ang münthopu; zangdinge chix lailai to nyenti ajo ang müntho. Kwome kwom monghom nang ma thompu, O Jowanpa kwom Zang, chemthüikoxle ibu moktsuakkya a nangtix changle.

JEREMIA 14:1

Jowanpae ku hama haxzua-zangzua angkya bama akax,

ISAIA 30:23

Chemtue hünzome tsaxlibu saile changpuix, Jowanpae ibu naxtsong ang zangwat ajoüi ilaxle hünzom ang puamünle chang ang tomüi, ilaxle hünzom tsom-pombu hanpak ma fumtsütnui okhonguile tüiüi.

ISAIA 24:12

Tingnu a thama ma tüile, ilaxle ija zünkaibu a pünle amadoa.

1 WANGHOMBU 17:1

Gilid angkya Tishbe makhange ajepa Elija-e wanghompa Ahap ang thüi: “Ozün ma tüikya Jowanpa, Israel nok Zang, kue owa thothale ngopuix, chix mün ma kue nang füi akaxpu, kue tamchatle ile chang koxle mathüi tanto hüile ngokya zanglao anyi-azom bama nyen dütkya hia zangwatkya müntüiüi.”

TSAITONG-KAXTONG 29:23

Haxtokbu a khat hia hum-e awangle, oziak-opua chemchu chitüile awütle thomkya kha ang ngoüi; chemchu küi-thwomle münchangüi, ikhato hingzang ngaxchu chinyemüi. Chix mong shixle tsikpongma Jowanpae amütdaokya Admah hia Zeboiim nok, Sodom hia Gomorah tingnubu ningle changüi.

1 WANGHOMBU 8:35

“Nang khünakbue nang zongto achaxkya khoma chemtue nange zangwat abaxle thom, ikoxle hwom chemtue mong aloplaxle ija Zangshwom-Hom chito thün aho ilaxle puinaikya füi nang to zangjople changüihex,

JOB LAIPEX 31:40

wonglai hia Tsaxsa-tula lüix to ikhama, mama fum hia hingzang wüi naxnyemkox. Job zangwün a ashukdaoa.

ISAIA 7:19

Hwom a long tüikya haxsha to ilaxle ima tüikya longkunbu to othom-thom ma athütüi, ilaxle hwome hux füikya tham hia fumtsütnui pangwüi awangüi.

ISAIA 32:10

Athax hünzom a mongtex ma shale chu ngokoxlax, ikoxlechu ngaizang itu shene hünzom a khosam ma ngoüi chemthüikoxle nange athün angkya hanpakma grep ziak ojao müntüi angkya changle.

ISAIA 49:19

“Nang haxtok a amale owachu chingole changdaokya— ikoxle athax ija a hidaoküsa ang achangüi ikhato ngo ang nguingokyabu hanpakma. Ilaxle opange nang amale dantoxpuix ibu a nang füi ochu to atsaile apaoüi.

ISAIA 55:13

Athax pongma kongbüibu tüikya khato saipres pünbu nyemüi; huxpün lüi ma martul fumsabu laiüi. Tamchu chiashukle ngo angkya münwan a ija changüi, Jowanpa kue chem mokdaopuix ija texle atak angkya a.”

HOSIA 9:6

Chemtue thama hüipuix ilaxle khünaknu afale paopuix, Ijip noke hwom ta ma asoxüi: ija a Memfi ma mang akhün angkya hanpakma changüi! Hwom tuina khopjanbu hia noxta hwom hom-hax zailaxle tüikya haxtokbu ma hingzang hia hux nyemle tüiüi.

JOEL 1:7

Ibue kem grep zubu amadaoa ilaxle kem fupsa pünbu shaole akhixdaoa. Hwome pünkhwonbu thuakthuakthang le achangdaoa, okang-ozabu tsezale achangdaoa.

WANWÜNKAX 24:31

Ibu a kongbüi-zu hia hingzange alum laxle tüile. Ibu akhople zaile tüikya long katuk komkaile nguakdaoa.

MANGSOP 2:6

Kwome chix to shwomle ngokya Zangshwom-Hom thuple akhix toxdaoa; Chixe Otsao nuikya nyix hia Sabath nyix hato oshuk ahüitoxdaoa. Wanghom hwom hia nguapabue taningle chix mongtsik janzüi apong ang tomdaoa.