ISAIA 5:26 - OTSAO BAIBEL (BSI)

²⁶ Tsailo nok sele lax angkya hanpakma Jowanpae mowan koxle. Haxtua-zangnam tokhange hwom ngui angkya, hwom hanpak ang chixe pipit mütle. Ilaxle nonokhaile tamchu otsuaktsuak ma akhangle hwom nguile!

ISAIA 5:26 ပူးပေါင်းရင်းမြစ်များ

ZEKARIA 10:8

“Kue ku khünaknu nyaküi ilaxle hwom ta ma asüi ang tomüi. Kue hwom kho-awale kopüi ilaxle tüihomkya ningle hwom huanuma pu-tsale chang ang tomüi.

ISAIA 7:18

“Chemtue ija hanpak nguile hüiüihex, Nail shuakux-tsim tokya Ijip nok hwot nguikya ningle ngui angkya, tamchu Asiria nok hwom haxtok tokya nax-lang ningle ngui angkya hanpakma hwom sele Jowanpae pipit mütüi.

ISAIA 18:3

Apakoplax, zangfang ma ngokya pangnusa! Haxnukho to münwan ahole nyiluak tuita ajongle apikkya to hungalax! Nyazong mütkya zing to natha ngolax!

TSAITONG-KAXTONG 28:49

Jowanpae hünzom füi azan ang haxtua-zangnam tokya jat-li tuita apüiüi, ija a hünzome hwom kax-ngao ojao chitsingkya jat-li tuita. Hwome hünzom to olae o to shingpupule shingüi.

ISAIA 11:12

Jowanpae, chiakle tüikya chix khünaknu Israel hia Judah nokbu chaxwannu ozong ali pangnu chitokya tamchatle asox atomle chang ang tomkya mowan ahole nyiluak apiküi.

MALAKI 1:11

Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

HABAKUK 1:8

“Hwom manbu a mailangbu füi ngaxchu sümomle, howok anole ngokya shwon füi ngaxchu za-adünle. Hwom mankho ma azankya süpahi othom tsailo nok tokhange mankho ma nguile; hwom manbue haxkha nakle akhixle. Zangshop laxle olae o to shingkya ningle hwom zikle nguile.

JOEL 2:7

Hwome naomüibu zansing ma sing; süpahibu ningle hwom katuk-khobu to nga. Hwom pangnusae wüi achutle chichatle küithole single pao ilaxle hwom nong-tsax to cheichakle chichang

MANGSOP 4:19

Zangdingkho tokya lawang zangshop laxle jukya füi ngaxchu sütsexle momle hwome kwom achuale ajo. Haxnukho tokya hwom kwom mantole ju; hwome kwom to sak-hax ma allele shing.

JEREMIA 51:27

“Sing angkya mowan laxkox! Chaxwannu noke atatle nyazong mütkox! Chaxwannu nok Babilon füi azan ang achwonlax! Ararat, Minni, hia Ashkenaz wangtingbu füi sing angkya kax laxkox. Ija zansing lom azüi angkya lompa kamkox. Naxnu-naxlangbu ningle manbu apüikox.

JEREMIA 5:15

Israel khünaknu, Jowanpae tsailo nok hünzom to sing ang ahüi ngole. Ija a kai wüikya tamchu tsak-zongle tüikya, hünzome hwom zangwün chitsingkya onok tuita changle.

JEREMIA 4:13

Hulax, zanpa a zangfwombu lailaile hüile ngole. Hwom man-kanlinbu a shangflo ningle, ilaxle hwom manbu a ola füi ngaxchu süzikle. Kem a samdaoa! Kem a maxdaoa!

ISAIA 39:3

Ifüima ajepa Isaia Wanghompa Hezekiah hato ngui ilaxle atüi: “Hwom ojongkha tokya tamchu hwome chempangle akaxpu?” Hezekiah-e lan: “Hwom a tsailo tokya, Babilon nok tokya changpu.”

ISAIA 30:16

Itülüi, hünzome hünzom zanpabu chak tokya ozik tsuakkya manbu kho ma ngale paole azang angkya olom zing. Üntoxle hünzom hanpakma ija changle — paole azang angkya tix wüi hünzom mwot changkox-a! Hünzome thütle hünzom manbu a müimamale momle ziktsuakle, ikoxlechu hünzom achuale zikkyabu sisi ifüi momle zik angkya changle!

ISAIA 13:5

Hwom a tsailo nok haxtua-zangnam tokyabu nguile ngokya changle. Mongtsik ashukle Jowanpa a onok pangwüi amüt ang nguile ngole.

ISAIA 13:2

Tuita kohwon haxnukho ma azan angkya nyiluak apikkox! Süpahibu to tsale akhong kox ilaxle ija ongam tingnu panbu to sing angkya münwan aho ang nang chak ajongkox.

MÜNCHUAK-TSAI 72:8

Chix wangting a tinu makhange tinu alople tsale paoüi, Eufrat makhange haxtua-zangnam alople a.

MÜNCHUAK-TSAI 60:4

Nang achuak-achenle tüikyabu to nange kaxkhün koxle, ikoxtix hwome olithule lekya thangnak chak tokya hwom naxazang tsuaklax ang. Selah

ISAIA 10:3

Zang-e hünzom to zothuple changkya zuma hünzome chem moklaxüi? Chixe tsailo nok tokhange hünzom hato thama apüi ang tomkya zuma hünzome chem moklaxüi? Hünzom to asun angkya lomle hünzom ojong to paolaxüi? Hünzom tuinabu hünzome ojongto khomle thomlaxüi?

ISAIA 13:3

Otsao zan azanlaxle chix füi mongtsikle ngokyabu to sikangün angkya hanpakma Jowanpae mongngamle tamchu mongchongle tüikya süpahibu to nyak.

ISAIA 13:4

Haxhuabu tokya ozing to apalax — chongkya khünaknu tu asoxkya zing, jat-li hia wangtingbu asoxkya ozing a. Süpahibu Jowanpa a chix zankat othom zanhok hanpakma achwonle ngole.

ISAIA 31:9

Hwom chongwangpa a chabüt-lasünle zikle paoüi, ilaxle chix nguakax wangkhobu a hwom zankat nyiluak to apüi awütle toxle abütüi.” Jowanpae akaxdaoa — Jowanpa owa to Jerusalem ma shwompuix ilaxle töbu kox ang owa wün ikhama atsople changpuix.

EZEKEL 38:17

Kaintan towüi, ku dapa Israel nok ajebu makhange, nyixnyixta a Israel nok to sing angkya mix owawa kue apüiüi, le akaxle ngokya a nang mo wünle akax ngokya changpu.” Jowanpa Khüthak Zang-e, kue ija akaxpu.