ISAIA 5:25 - OTSAO BAIBEL (BSI)

²⁵ Chix khünaknu füi Jowanpa ang mongmale, ilaxle hwom to sikangün angkya hanpakma chixe chak thüidaoa. Haxnubu sile aloxüi, ilaxle opang zile paolax puix ibu mang a tingjang lomnu to oma-oshix awütkya ningle ngoüi. Ile changkox-ngaxchu Jowanpa mongtsik münbak, ikhoma sikngün fa ang chix chak thüile wüi ngoüi.

ISAIA 5:25 ပူးပေါင်းရင်းမြစ်များ

ISAIA 10:4

Hünzom a zanhok ma lang ang tomüi chichangba zandabu ang linle pao ang tomüi. Ile changkox-ngaxchu Jowanpa mongtsik a münbaktox; sikngün fa angkya hanpakma chix chak a ajong lüwüi ngoüi.

ISAIA 9:21

Manasseh hia Efraim khünakbue tata to single changüi, ilaxle hokhi athütlaxle Judah to singüi. Itukuxle changkox-ngaxchu Jowanpa mongtsik münbaktox; athaxchu chix chak a hwom to sikangün ang ajong lüwüi tüile.

ISAIA 9:17

Idaile Zang-e tsünzün hwom opupuchu paole azang ang münkox, ilaxle chixe zomnu hia khaxsa hwom opupu tochu chingcha ahokya müntüiüi, chemthüikoxle khünaknu pangwüi zang chilax homtoxle ngokyakya tamchu chichangchizangle tüikyakya wüi. Itukuxle changkox-ngaxchu Jowanpa mongtsik münbaktoxüi, ikoxle chix chak a athaxchu hwom to sikangün ang ajong lüwüi ngoüi.

2 WANGHOMBU 9:37

She mang ota-otuabu müidixbu ningle chiaküi, ikhoma owaechu müifun ibu a ijongkha müifun changle le awanle lax ang münthoüi.’”

DANEL 9:16

Ledaokya ma nange kwom kho awale thompu, ikhoma athaxpi Jerusalem füi nang ang mongmakya taxtüiünfa. Ija a nang tingnu changle, nang otsao haxnu changle. Kwome mokkya ochaxbu hia pupa hwom chichangchizangle tüidaokya khoma tomzi nok pangwüie Jerusalem to ilaxle nang khünaknu to ajaole hule.

JEREMIA 4:24

Kue haxnubu to hu—ibu a sile aloxle ngo, ilaxle haxhuabu a paotox chattoxle aloxle ngo.

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!

NAHUM 1:5

Jowanpa miksho ma haxnubu file pao; chix pomtho ma haxhuabu chule pao. Jowanpa ngaipongma chaxwannu alox sile alox; chaxwannu hia ima tüikya khünaknu abün.

JEREMIA 16:4

Hwome khompua-zadünkya kaknu-laknu ma zile paoüi, ilaxle owaechu hwom mang münsop chichangba münakhün. Hwom mangbu a haxkha to haxzao thokle athünkya ningle thomüi. Hwom a zan ma maxüi chichangba woknuak ma maxüi, ilaxle hwom mangbu a osabu hia faomüibu süt ang changüi.

MÜNCHUAK-TSAI 18:7

Ifüima haxwan sile achen üntoxle alox; haxnu chifünbu kang üntoxle atsun, chemthüikoxle Zang ang mongtsik dong.

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

ZEFANIA 1:17

Jowanpae thüile: “Ile khünak pangnusa wüi miksutbu lailaile akhwomle aham angkya thama khünaknüsa hato apüile koxüi. Hwome ku zongto ochax lyenle changdaoa, ilaxle athax a hwom ajibu a tijenkya ningle thokle awütüi, ilaxle hwom mangbu a kothofa to shanle za-ngoüi.”

HABAKUK 3:10

Chemtue haxhuabue nang ngünpuix, hwom abünle za; zangding tokhange ti thokle ajen. Chaxwan mong tokya tibu fuakle lai, ilaxle ibu tichap ding to dong.

MIKA 1:4

Ifüima chix chitong ma haxnubu chule paoüi wün zui ma müizao chukya ningle; ijabu haxnuchabu to thokle ajenüi haxkho tokhange ti thokle ajenkya ningle.

HOSIA 14:4

Jowanpae thüi: “Kue ku khünaknu tamchatle ku hato apüiüi. Kue hwom to mong makhange zongbakle mongkünüi; athax ku ang hwom füi mongtsikkya müntüiüi.

MANGSOP 5:22

Chichangba nange kwom othuithuima awütdaopia? Nang mongtsik ma othüt müntüi hia büle?

JEREMIA 15:3

Hwom to khompua-zadünkya thama oli ali ibibi chang angkya bama ku, Jowanpae mongzangwünle tsuakdaoa: hwom a zanhok ma langüi; hwom mangbu a hibue linle paoüi; osabue ibu saxüi, ilaxle ota danle toxkyabu a faomüibue jokle lingüi.

JEREMIA 9:22

Mangbu a pangnukha to chiakle tüile, haxtok ma haxzao thokle athünpupule a, saxzüt mixbue zütle athop füima tokfüi to toxpu saxziak ningle, owaechu chitswonle saxtsang chiakle toxpupule a. Jowanpae ku ang akax ang tomkya zangwün changle.

JEREMIA 8:2

Ibu afoxlaxle akhünle changse lüito, hwom za-tuabu a chaxwantok ma shale haxzao ang changüi. Hwom za-tuabu a, ibu khünakbue mongkünle tamchu shwom-tole tamchu tsaitik-kaxshole ngokya zanghannu, lyetnu hia lyettsibu tuntho to chiakle changüi.

JEREMIA 4:8

Ikhoma nyikhwon aponglax, ilaxle awaole soplax chemthüikoxle Jowanpa mongtsik zadünkya Judah hatokya machat.

MÜNCHUAK-TSAI 114:7

Jowanpa nguikya to chaxwannu alox, Jakop Zang nguile tüikya thoto.

MÜNCHUAK-TSAI 106:40

Ikhoma Jowanpa ang chix khünaknu füi huanuma mongma; chix a hwom füi nushix dongkya ang chang.

MÜNCHUAK-TSAI 83:10

Endor ma nange hwom to anao, ilaxle hwom mangbu kothofa to shanle pao ang tom.

MÜNCHUAK-TSAI 78:38

Ikoxle Zang-e chix khünaknu to chingchajaja. Chixe hwom ochax thailak tüi ilaxle hwom amüt ang chitom. Obithomthom ma hexle chixe hwom füikya chix mongtsik abaxle tüi ilaxle mongtsik adule hüi.

MÜNCHUAK-TSAI 77:18

Nang zangtsak zangdung atuile apao, ilaxle zangchangjepe fale chaxwan angai; chaxwannu a za üntoxle alox.

MÜNCHUAK-TSAI 68:8

ipongma chaxwannu kangle pao, üntoxle Sinai haxnu Zang nguikya, Israel nok Zang nguikya khoma zangdinge zangwat thokle ajo.

2 WANGHOMBU 13:3

Ikhoma Israel nok füi Jowanpa ang mongma, ikhoma Siria nok wanghompa Hazael hia chix sasün Benhadad nyie Israel nok to chat-chat-naole lüt ang tom.

1 WANGHOMBU 21:24

Nang homkha angkya khünak owa tingnu zile changüihex, chix a hie saxüi. Iningle kotho to owa zilaxüi hex, chix mang a okun-olae saxüi.” (

1 WANGHOMBU 16:4

Nang homkha angkya khünak owawa tingnu mong ma zile jangchang, chix mang a hibue saxüi, ilaxle kotho to owa zilaxüihex, chix mang a okun-olabue saxüi.”

1 WANGHOMBU 14:11

Nang homkha angkya owawa tingmong ma zile jangchang, chix man a hie saxüi, ilaxle owawa kotho to zile jangchang, chix mang a okun-olae saxüi. Ija, Jowanpa kue akaxdaoa.”

TSAITONG-KAXTONG 31:17

Chemtue ija changle hüiüihex, ku hwom füi mongtsiküi; kue hwom danle toxüi ilaxle hwom a max ang tomüi. Tüle za-adünkya thamabu hwom hato hüiüi. Ifüimatix ibue ku hwom Zang hwom füi womle chitüikya khoma ibu ile changpule tsingle awan ang kopüi.

LAIPAO 7:19

Jowanpae Mosa ang thüi: “Ija kiathox lax üntoxle Ijip nok ma tüikya shuajen, tilom tamchu tüküi ibu pangnu thakma nwonkox. Ti pangwüi aji ang achangüi. Chaxwan pangnu khatokya tize hia tikkuxbu ngaxchu pangwüi ajie awangle changüi.”

ISAIA 10:6

Zang chilax homtoxle ngokya jat-li to sing angkya hanpakma kue Asiria nok apaopu, ku mongtsik ang tomkya khünakbu to a. Kue hwom tuinabu tsui angkya tamchu ahux angkya ilaxlechu khünaknu to tingjang tokya haxbu to nakpupule nakle tox angkya hanpakma kue hwom apaopu.”

ISAIA 14:19

ikoxle nang ang zukting tüchitüi, ilaxle nang mang a tswonle awütle ashan. Zantam ningle ija to süpahibu mange chwoplaxle tüi, hwom füi tomle longzakzyen to tswonle awüt, ilaxle cha füi nak ang tom.

ISAIA 23:11

Jowanpae Tinu ding to chix chak thüidaoa ilaxle wangtingbu max ang tomdaoa. Chixe Foinesia nok angkya thalex nui otongbu max angkya kax koxdaoa.

ISAIA 25:11

Akhai üima tinkya lailaile hwome chak tinüi, ikoxlechu hwom a Zang-e hwom a fangto süjuju ang tomüi, ilaxle hwom chak a juafong ang chimüile shaüi.

ISAIA 42:25

Ikhoma chixe kem to chix mongtsik po ang tom ilaxle azankya ma ziama lejao sikngün ang tom. Israel pangnu khato chix mongtsik a wün lailaile chua, ikoxle chempang changngopuix keme otuechu chiawan; ija makhange keme chemchu tsingle chikop.

ISAIA 51:20

Lomnu nuk pangkha towüi nang khünakbu a hona-ojuae nguakle haxmax-zangsam; hwom a müikhisa tai ma mankya thatha ang achang. Hwom to Zang mongtsik janzüie po.

ISAIA 64:3

Kwome ojao texle chingokya ohünotün mwot mokle kwom abüt ang tomkya hanpak tuita tüikya; haxnubue nang ngün ilaxle abüt-abanle za.

ISAIA 66:15

Jowanpa a wün füi hüiüi. Chix a zangchei ozang ma piüi ilaxle chix ang mongtsikkyabu to sikangünüi.

ISAIA 66:24

Hwom pao ang laikya zuma, ku zan to kale changkya khünakbu mang hwome ngünle laxüi. Hwom mang saxkya chongbu tamchizile ngoüi, ilaxle hwom to zokle ashun ngokya wün a tam chimaxle ngoüi. Khünaknüsa mikngün ma hwom a chisumüikyabu ang ngünüi le Jowanpae akaxle.”

JEREMIA 17:4

Kue hünzom ang koxkya haxtok hünzome dantox angkya wüi ilaxle hünzome awanle chingokya mixnok chaxwan to kue hünzom ang zan-nokbu thotha-manzaile ngo ang tomüi, chemthüikoxle ku mongtsik a wün ningle changpu, ilaxle ijae jento zokle ngoüi.”

EZEKEL 6:14

Changpu, kue ku chak thüiüi ilaxle hünzom chaxwan amütüi. Shuathongchi sak-hax makhange shuakuxchi ma Riblah tingnu alople kue oziak chidünkya haxtok ang achangüi, ile Israel nok ngole tüikya ojongkhachu danle müntox. Ifüimatix ku a Jowanpa jao changpule noknusae awanle lax ang kopüi.”

EZEKEL 30:25

Changle, kue chix a shonai le chang ang tomüi ikoxle Babilon nok wanghompa tsak-zongle chang ang tomüi. Chemtue kue chix ang koxkya ku changlo füi chixe Ijip nok chito hile changüihex, ipongma pangnusae ku a Jowanpa changpule awan ang kopüi.

AMOS 8:8

Ikhoma chaxwan sile aloxüi, ilaxle haxtok ma tüikya pangnusa khosam ashukle changüi. Onok chaxwan bakle sile aloxüi, ija a Nail Shuanu tichap ningle dongtox jutox le changüi.

TSAITONG-KAXTONG 31:18

Ipongma kue hwom to münfongpule angamüi, chemthüikoxle hwome mixnok baozangbu to shwomlaxle ochax lyenle changdao koxle.

JOB LAIPEX 9:13

Zang mongtsik ma ojao jan münaba. Chixe chix zanpa müima-nyaxshix Rahap, to asunkya mix chixe zutle akhix.

ISAIA 9:11

Jowanpae hwom zanpabu mwop ang tomdaoa hwom to sing angkya hanpakma.

ISAIA 9:16

Ibu khünak lom azuikyabue hwom othai to zunle pao ilaxle hwom komkaile khosam ma dantox.

ISAIA 9:20

Chaxwan pangnu khato wüi khünakbue hwom atak tsuakpupu pa-lole saxüi, ikoxlechu hwom wokfwot tam münmüitoxüi. Ibue masu-masa hwom ngaxchu sax angkya changle!

ISAIA 29:2

ifüima “Zang tö-tsap”, le nyakkya tingnu hato Zang-e thama naxapüikox. Ikhato sopkya hia mangsopkya tüiüi, ilaxle tingnu abakle wünkhut füi joxle tuita tö-tsap lailaile changüi.

JEREMIA 6:12

Hwom hom-haxbu, hwom haxtok hia kakonubu chuwüi mix ang koxdaoüi. Ija haxtok angkya khünaknu to kue sikangün angkya changle.

EZEKEL 15:6

Athax Jowanpa Khüthak Zang-e akaxle ngokya a ija changle: “Chemle zu tuita faokha tokya apüilaxle wün to zokle ashunpuix, ikhoma Jerusalem ma ngole tüikya khünakbu a kue ija thatha ma laxüi.