ISAIA 5:20 - OTSAO BAIBEL (BSI)

²⁰ Hünzom a maxdaoa! Hünzome ochax ang otsaole ilaxle otsao ang ochaxle nyakle. Hünzome zangnak a zangngai ang achangle awüt ilaxle zangngai a zangnak ang achangle awüt. Chem sipuix ija hünzome tikya ang achang ilaxle oja tipuix ija a sikya ang achang.

ISAIA 5:20 ပူးပေါင်းရင်းမြစ်များ

WANWÜNKAX 17:15

Sukya mix chisukya ang ahai chichangba chichang-chizangkya khünak azangle pao ang tom: ile changkya pangnyi thua wüi Jowanpa anule.

KAXHO MÜIKYA LUK 16:15

Jisu-e hwom ang thüi: Hünzome hünzom alüile khünak thüntho ma hünzom chithai kya ang achangle, ibachu Zange hünzom kün-mong awanle; chemthüikoxle khünak zong to thanu-juapa le ekya bwot Zang zongma tüta ziakhochu münngui.

MALAKI 2:17

Hünzome hünzom zangwün füi Jowanpa ang mongngwom ang tom. Ikoxlechu hünzome atüi: “Kwome chemle chix mongngwom ang tomle? Jowanpae ochax mwot mokle tüikya khünakbu pangwüi mixmüi changle chichangba chixe hwom to mongkünle le thüikya ma hia chichangba sukya mwot moksepa Zang omaün le atüikya ma?”

JOB LAIPEX 17:12

Ikoxle ku zuikhuibue thüile zangnak a zangngai changle; hwome thüile zangngai a soxle tüile. Ikoxlechu kue awanpu, ku a zangnaknu khato ngole.

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

AMOS 5:7

Hünzom opange sukya kax füi asong-anong ngopuix tamchu opange khünaknu angkya ma huakpa süntswon amüt ang tompuix, hünzom a maxdaoa!

MALAKI 3:15

Keme ngünle ngopu, mongmüi mixbu a mongngam füikya khünakbu tix changpu. Ochax khünakbu a ahak-aluakya tata chichangle hwom ochax mwotbu füi Zang to thwontsingle changpu üntoxle ikha tokya hwom azangle pao tsuakpu’ le Jowanpae thüi:”

ISAIA 24:9

Grep-ti bama mongmüile tsai ngaokya athax chitüi; ija saxkya to mongzom-müi angkya mix owachu chitüi.

ISAIA 30:10

Hwome ajepabu ang dang angkya akax. Hwome thüi: “Chem supuix ija bama kwom füi zang taxwün. Kwom hama kwome apase tsukya akaxhüi. Kwom ang othai mongong thom ang tomhüi.

HABAKUK 1:4

Wanlom ma zong müntüi tamchu laxli müntüi, ilaxle otuechu sukya mokle münchang. Otsao khünakbu füi ochax khünakbu fün sümüi, ikhoma sukya zangwün a anong-achangle changdaoa.

LAIPAO 23:7

Chichang khato hux taxfe ilaxle chem mün chitsingkya khünak tuita mik max ang taxtom, chemthüikoxle iningkya ochax mwot mokkya khünak kue ahaiüi.

TSAITONG-KAXTONG 25:1

“Thütba Israel khünak mixsün anyi tütali ma alakya bama zangwün khwa to pao, ilaxle tuita a sule ata mix a thaile le kaxfün tsuak.

WANWÜNKAX 4:17

Hwom zongto chichang-chizangkya mwot hia changnong-pünthomle tüikya a juling-saxsaxkya ningle changpu.

ISAIA 29:21

Zangwün makhange mix tha ajaokyabu, mütkopmixbu kho awakyabu, ilaxle chithaikya mix ang sukya kaxfün chifale abax thomkyabu, ibu Zang-e amaüi.

ISAIA 32:5

Ongat mix achuak-achen angkya chichangba tselop mix sukya ang lax angkya owa mong tochu münthütüi.

EZEKEL 13:19

Chakpuix tuita wonglai tsax hia an hidaole kople lax angkya hanpakmale hünzome ku khünaknu tunthoma ku wün ahai. Zise pa chichangkya khünak hünzome langle awüt, ilaxle azangle ngose chichangkya pa hünzom ozün ma thom. Ile hünzome ku khünaknu hama othai zangwün ilaxle hwome hünzom to mongong.”

MIKA 3:2

ikoxlechu hünzome chem müipuix ija thua anu ikoxle chem ochax hex ija to mongkün. Hünzome ozün ma wüi ku khünaknu khwon khuak ilaxle hwom zabu angkya hak lik.