ISAIA 49:4 - OTSAO BAIBEL (BSI)

⁴ Ku thüi: “Kue mokdaoa, ikoxle ija mongong angkya jao chitüile changle! Kue ku janzüi twondaoa, ikoxlechu tsuakkya kha chemchu chitüi.” Ikoxlechu ku zangwün khose angkya hanpakma kue Jowanpa to ongpu; kue mokdaokya khoma chixe ku ang hingho koxüi.

ISAIA 49:4 ပူးပေါင်းရင်းမြစ်များ

ISAIA 35:4

Mong athole ngokya pangnusa ang thüikox, “Mong chonglax ilaxle taxza! Hünzom khose ang Zang nguingole, hünzom zanpabu to sikangün ang a.”

GALATIA 4:11

Hünzom hanpakma mokkya ku mwot chem angchu chichangle tüiüi hia le hünzom khoma ku abüt-aban maxle.

2 KORIN 12:15

Hünzom to fong ang kuma atüitüi, ku to apüile ashix angkya ku zongma omüimüi wüi. Kue hünzom to onüi akhex koxle hünzome ku to sühixle mongkünüi hia?

2 KORIN 2:15

Sünle kopdaokyabu hia maxsamle ngokyabu pangnu tham to apukkya Khrista-e ongan müikya füi Zang ang tö koxkya so a kem changpu.

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

MATHI 17:17

Jisu-e thüi: “Hünzom chem ningkya mongong chitüikya hia thaile ngokya khünakbu hex. Hünzom füi ku a obit ngoüi? Ku hünzom füi athongle chemtukux ngoüi? Naosa ikhato ku hato apüihüi.”

EZEKEL 3:19

Ikoxle nang ija ochax khünak ang kaxkhün kox ikoxlechu chixe ochax mwot mokle wüi ngo, chix a ochax ma wüi ziüi, ikoxle ija khoma nang ma tsaitox kaxfekya müntüiüi.

ISAIA 65:23

Hwome mokkya mwottho ma tsuakle hüikya tüiüi, ilaxle hwom su-sa hwom füi thama apongkya müntüiüi. Kue othuithuima hwom tamchu hwom su-sa hwom to mohimanle ngoüi.

ISAIA 62:11

Jowanpae zangfang pangnu hato tsingang tomkya nax-tik ang: “Jerusalem angkya khünaknu füi akaxkox Jowanpa a hünzom khosün ang, Chixe sünle kopdaokyabu chix füi tomle laxlaxle.”

ISAIA 40:10

Jowanpa Khüthak Zang a tsak-zong füi apün ang nguingole, chixe sünle kopkya khünakbu chix füi tomle laxlaxle a.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

ROM NOK HATO ZAKYA POL LAIZA 10:21

Ikoxle Israel bama chixe akax, “Ku kax ma chilaxkyabu, tamchu ku zongto tüikyabu füi; tumüise le han ahom le oshua lom.”

JUHAN 1:11

Chix a ma khünaknu hato hüi, ikoxlechu ma khünaknue chix pongle chikop.

KAXHO MÜIKYA LUK 24:26

Ija sikngün apong angkya hia fuazangkya khato hüi angkya Khrista hanpakma olom münchang hichem?”

ISAIA 65:2

Ningle-khokhe chithüile ma lomkuakua to paole sam ngokya ku khünakbu pongle kop ang ku a jento achwonle ngokya.

LIWI 26:20

Hünzome azongle mokkya a muamax ang changüi, chemthüikoxle hünzom haxtoke oziak chidünüi; pün-zuabue oziak chiziaküi.

FILIPI 2:16

Hünzome ile jangmok thüikoxle, Khrista Hanpak Nyix nguikya zuma hünzom bama ku ang mongngam angkya olom tüiüi, chemthüikoxle ile changkyae ku azongkya hia mwot oba to tomta le chichang khato le ahoüi.

WANWÜNKAX 29:26

Apün-adakya mix füi müisele noknusae texpu, ikoxlechu nange sukya kaxfün a Jowanpa tokhange tix kop ang tsuaküi.

ISAIA 25:1

Jowanpa, nang a ku Zang changle; kue nang chathua za ilaxle nang mün achuak-achenle changüi. Nange khosamle abütkya mwotbu mokdaoa; nange mongong athokya chitüile nange kaiwüi ajukkya mwotbu mokle changdaoa.

ISAIA 40:27

Israel, jangchangba nange chem ang kaxthup-ngaotünle Jowanpae hünzom sikngün müntik chichangba olom ma chichangkya sikngün apongkya to münhule le thüipu?

ISAIA 57:21

Ochax khünakbu hanpakma mongzom müi angkya ojao müntüi”, le Jowanpae thüile

ISAIA 59:18

Tsailo nok to ngokyabu to ngaxchu, chix zanpabu to chixe hwom thaikya olom ma sikngün fa angkya changle.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

1 WANGHOMBU 19:10

Chixe lan: “Jowanpa Khüthak Zang, kue jento nang tata thothale hüipu ikoxlechu Israel khünaknue nang füikya hwom Tsaotsüt amapu, nang tö-tsap pünle amapu ilaxle nang ajebu langle awütpu. Athax ku tata ma athale ngopu ilaxle hwome ku mik amüt ang azongle ngopu.”