ISAIA 49:3 - OTSAO BAIBEL (BSI)

³ Chixe ku ang thüi: “Israel, nang a ku da changle; nang khokho ma, khünaknue ku achuaküi.”

ISAIA 49:3 ပူးပေါင်းရင်းမြစ်များ

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

ISAIA 44:23

Mongmüile akhong kox, hünzom zangdingkhobu! Akhongkox, haxmong to zukyabu kha! Mongmüi to akhong kox, haxnubu, ilaxle fao ma tüikya pün-zua pangwüi! Jowanpae chix chongkya ahodaoa chix khünaknu Israel nok khosünkya makhange.

JUHAN 17:4

Kue chaxwannu hato nang fuazang ahodaoa; nange ku ang koxkya mwot kue tsuakdaoa.

ZEKARIA 3:8

Ikhoma Nguakho ang ngokya Jihusua, nange apakoplax; üntoxle chix füikya zompu-zangpabu hünzomechu apakoplax, hünzom a füichi shomüi hanpak münwan changle: Kue Pünkang le nyakkya ku da, kue ngaile ahofaüi!

ISAIA 52:13

Jowanpae thüi: “Ku dae chix mwot a tsuakle changüi; chix a huanuma achuak-achenle changüi.

JUHAN 17:1

Jisu-e ibu akaxle tsuakkya füima, dingchi to hulaxle thüi: “Apa, hanpak nguiüna, Hünsa ang fuazang laxkox, ile Hünsae nang ang fuazang koxtsuak angkya hanpakma.

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

EFISIA 1:6

Chix chingcha fuazang, chix mongkün Hosa ma kem ang amuamua le koxkya chix hingho, ibu hanpakma keme Zang achuak hax!

JUHAN 15:8

Hünzom ma tüle oziak ziakkya makhange Apa fuazang ang tomle; ile hünzom a ku wangshembu ang achangle.

JUHAN 12:28

Apa, nang mün hato fuazang apüi ang tomhüi!” Ifüima ding tokya ozing tuita laile akax: “Kue ija fuazang apüidaoa, üntoxle anaolechu wüi fuazang ang tomüi.”

MATHI 17:5

Chix akaxle ngopongma nyankya zangfwom tuita hwom khangkho to hüi; ija zangfwom makhange hwome kaxzing ile atat: “Ija a kue mongkünkya Ku Sasün changpu; chix füi ku mongzom müipu! Chix kax ma laxlax!”

ISAIA 43:21

Ibu a kue ku hanpakma zingkya khünakbu changle, ilaxle hwome ku achuakle tsai ngaoüi!”

2 THESALONIKA 1:10

Ija a, chix khünaknu angkya fuazang kop ang üntoxle chix to ongkya chix khünakbu angkya achuak achenkya kop ang chix nguikya nyix nguiüi. Hünzom chuwüi hwom khama tüiüi, chemthüikoxle hwome akaxkya kaxho to hünzome ongdaoa.

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

ISAIA 50:10

Jowanpa to achuak-achenle tüikya hünzom pangwüi ilaxle chix dapa kax ma laxle tüikyabu, hünzom lekya lomtang a zangnak tukle chang koxlax, ikoxlechu Jowanpa to mongong thomlax, Zang to chalom lax.

ISAIA 41:8

“Ikoxlechu hünzom, Israel nok ku dabu, hünzom a kue zünle kopkya khünakbu changle, ku zuikhui Abraham su-sa hwom a.