ISAIA 48:6 - OTSAO BAIBEL (BSI)

⁶ “Kue chempang akax daopuix ibu athax changle hüile; hünzomechu ku kax otsing tomtata wüile lax angkya hato hüipu. Athax kue hünzom hama jali hozün changle hüi angkyabu akaxfang, kue hünzom hato ngaile ma ahokya jalibu a.

ISAIA 48:6 ပူးပေါင်းရင်းမြစ်များ

MIKNGÜN-OHÜN 4:1

Izuma kue mama mikngün-ohün kop üntoxle zangkangting to ka daplaxle fülom tuita ngün. Üntoxle nyazong ozing lailaile kaxzing tuita, oja ku füi akaxkya ami pongma kue atatdao laxpuix, chixe thüi: “Ikhato donglax üntoxle ifüima chemle chang angkya hex ija kue nang hama ahofang.”

ISAIA 42:9

Kue ajele akaxkya kax athax changle ngaidaoa. Athax kue nang hama muakya jali wünfang ibu changle mangaiba wüia.”

MATHI 10:27

Kue zangnak khato hünzom hama wünkya pangnu hünzome tamchatle zangngai ma wün angkya changle. Na ma thap laxle chem wündaopuix ija a homkho tokhange tinglyet angkya changle.

ISAIA 43:19

Kue mok angkya mwot hozün to hulax. Ija a owüi-ole changle ngole— ija hünzome athax ngün ang tsuak! Khünak chingokya faokha tokhange kue lomnu zingüi ilaxle ikhato kue tijenkya shuasa koxüi.

1 KORIN 2:9

Ikoxlechu tix zale thomkya tüikya ningle, “Oja mike chingün tsuak, nae chiatat tsuak; Zange chix to künkyabu hanpakma, achwon thomkya; opupu mong tochu, ajangle lax ang chitho.”

WANGSHEMBU MWOT 1:8

Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”.

JUHAN 15:15

Athaxpi kue hünzom ang dale münnyak; chemthüikoxle da tuitae ma hopupae mokkya mwot münawan; ikoxchu kue hünzom ang zuikhui le nyak daoa; chemthüikoxle kue Apa tokhange chempang atatle laxpuix ibu pangwüi kue hünzom hama wünpu.

JEREMIA 50:2

“Chaxwannu nok hato kaxho laxkox! Ija khuapukox! Mowan ahokox ilaxle kaxho tsingang tomkox! Ija khom-pyenle taxthom! Babilon a nguakdaoa! She baozang Marduk a thuple amadaoa! Babilon nok chapabu ang zak-akopdaoa; nushixdongkya she chapabu a asumdaoa!

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

ISAIA 21:10

Ku khünaknu Israelbu, hünzom a wonglai tsax ningle zütdaoa, ikoxlechu athax kue hünzom hato Jowanpa, Israel nok Zang makhange kue atatle laxkya kaxho müikya tsingang koxpu.

MÜNCHUAK-TSAI 119:13

Nange ku ang koxkya wanlombu pangwüi kue akhongle noxüi.

MÜNCHUAK-TSAI 107:43

Jetüi-hwonlangle tüikyabu pangnusae ibu bama ajangle naxchang kox; hwome chithwonkya Jowanpa mongkün changle le naxlaxkox.

MIKNGÜN-OHÜN 1:19

Idaile nange ngünkya jali, athaxkyachu üntoxle füima chang angkyachu pangnu zale kopkox.

MIKA 6:9

Jowanpa chathua za angkya a hwontüi-jelangkya changpu. Chixe tingnu nyakle akax: “Apalax, hünzom tingnu ma asoxle tüikya khünaknu!

AMOS 3:6

Khünaknu chaza ang chitomle tingnu ma zan-khong nyazong mütle chang ang chami? Jowanpae ahüile lüwüi chichang, tingnu tuitae kaknu-laknu thama apongle chang ang chami?

ISAIA 48:7

Athax tix kue ibu ile chang ang tompu; iningle ami thochi machu machangtox. Ija changdao koxba, hünzome ibu pangwüi bama awanle ngopule thüitsuakse.

JEREMIA 33:3

“Ku nyaklax, kue nang kax to lanüi; nange tsingle chingokya ohünotün hia khomtsikya jali nang hama wünüi.

ISAIA 42:8

“Hünzom Zang a Jowanpa ku tix changpu. Owa baozangechu ku fuazang ahanle lax ang müntho; kue chapabu ang ku to shwom-tokya khama wom ang müntom.

ISAIA 42:20

Israel, hünzome müimamale ngünle laxdaoa, ikoxle ijae nang zongto chem chang? Atat angkya hanpakma nang ma na tüipu, ikoxle hünzome chemtom tata atatle lax?”