ISAIA 48:2 - OTSAO BAIBEL (BSI)

² Ikoxlechu hünzome mongngam füi hünzom a otsao tingnu nokpu changpu ilaxle hünzom Israel nok Zang to mongongpu, chix mün a Jowanpa Khüthak Zang changpule akax.

ISAIA 48:2 ပူးပေါင်းရင်းမြစ်များ

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

ROM NOK HATO ZAKYA POL LAIZA 2:17

Ajang anohu, nange nang Jehudi khünak changpu lea thüi; nang wanlom to onglaxle ngo ilaxle Zang bama tsaichong-kaxbongle chang;

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

ISAIA 10:20

Ozün ma danle toxkya Israel khünakbue, hwom amüt-asam ang tungkya jat-libu to mongong chithomtsuak angkya hanpak tuita nguile ngole. Hwome hwom mongong komkaile Jowanpa, Israel nok Zang to thomüi.

MATHI 27:53

Hwome zuk kha danle tox ilaxle chix chatle zokya füima hwom Otsao Tingnu to ngui, ikhato khünaknue hwom ngün.

JEREMIA 21:2

“Chingchalaxle kwom hanpakma Jowanpa füi zangwün, chemthüikoxle Babilon nok wanghompa Nebukadnezar hia chix süpahibue tingnu hwople kop ngole. Kwom hanpakmale Jowanpae chix ohünotün mwot lituta naxmok ilaxle Nebukadnezar anongle chat ang naxtom.”

MIKNGÜN-OHÜN 22:19

Owawae ija laipex angkya jekaxbu oli tuita ngaxchu awütle jangchang thüiningle, ija laipex ma wünle tüikya khüzün pün angkya pünziak hia Otsao Tingnu angkya chix süntom Zange tswonle paoüi.

MIKNGÜN-OHÜN 21:2

Üntoxle hotuipa füi apong ang aza-apuale tüikya hotuinu tuita ningle, atha-anyem tamchu aza-apua laxle, Zang tokhange zangkangting Otsao Tingnu tuita, hozün Jerusalem juüi kue ngün.

MIKNGÜN-OHÜN 11:2

Ikoxlechu nya-o taxthüt ngohom, chemthüikoxle ibu a lyet punyi ali Otsao Tingnu to cha füi nak angkya Zang chitsingkya khunakbu ang koxdaokya changle.

MATHI 4:5

Ifüima baoe chix otsao Tingnu Jerusalem to paolaxle, Zangshwom Homnu kho ma angwot

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

ISAIA 47:4

Israel nok otsao Zang-e kem dan-e— chix mün a Jowanpa Khüthak Zang.

MÜNCHUAK-TSAI 87:3

Apalax, Zang tingnu, nang bama chixe wünkya ohünotün mwotbu bama. Selah

MÜNCHUAK-TSAI 48:1

Jowanpa a chongkya changle ilaxle chix a ding to achuak angkya wüi changpu, chix tingnu ma tamchu chix otsao haxkho ma.

NEHEMIA 11:18

Pangnu athütle,284 Liwi hwom otsao tingnu Jerusalem ma ngo.

NEHEMIA 11:1

Jerusalem ma ngokya lompabu, ilaxle mama khünak noknue, Jerusalem to ka üntoxle ikha to ngo angkya hanpakma kako bün bama kako tuipong zün angkya hanpakma chizing tswon. Mamabu pangwüi ama tingnu hia tinglongbu to ngo.

KAXFÜNPA-HWOM 17:13

Mikah-e thüi: “Athaxpi ku ang tuita zompu-zangpa ang Liwi khünak tüidaoa, idaile ku hanpakma pangwüi Jowanpae müile sax-mokle chang ang tomüile ongpu.”

JEREMIA 44:26

Ikoxle athax a, Ijip nok to ngole tüikya Israel nok pangnusa füi Jowanpa, kue Khüthak Zang mün ma tsaotsütkya to apale koplax: Athax makhange otuechu, ‘Jowanpa Khüthak Zang mün ma ku tsaopu’ le tsaotsüt angkya hanpakma ku mün owa angchu lün ang müntom.

ISAIA 51:15

“Ku a Jowanpa hünzom Zang changle; tinu kha kue lüixle aluakpu ilaxle ija tichap akhong ang tompu. Ku mün a Jowanpa Khüthak Zang changpu!