ISAIA 48:14 - OTSAO BAIBEL (BSI)

¹⁴ “Asoxle ilaxle apalax, hünzom pange wüi! Baozang owaechu füichi hanpak wün ang müntho kue zünle kopkya khünakbue Babilon nok to sing ang thoüile a; chixe kue chem texpuix ija moküi.

ISAIA 48:14 ပူးပေါင်းရင်းမြစ်များ

ISAIA 43:9

Tsetwon zangwün to ngui ang chaxwannu nok se-kox. Hwom baozangbu opupue füichi hanpakma akax ang thoüi? Hwom kha angkya owae athax changle ngokyabu akax ang thoüi? Ibu baozangbue hwom kaxkhibu nax apüi hwom a sukyabu changpule aho ang, hwom zangwün otsingtsing changle le aho ang.

ISAIA 41:22

Ikhama nguilax ilaxle chempang changüihex ija ajelax, ile chang koxle ija ile ngaikya zuma kwome awanüi. Khwalo ma ledaokya zangwün akhixle wünlaxkox, ilaxle kwom hama ija chem hanpak-hex apuale fahüi.

ISAIA 44:28

Kue Sairas füi akaxpu: ‘Ku hanpakma apün angkya a nangtix changle; kue chem naxmokse thütpuix ijatix nange moküi; nange tamchatle Jerusalem zing angkya kax koxüi ilaxle Zangshwom-Hom homting ma thongnu küiüi.’”

ISAIA 44:7

Kue moktsuakkya owawae mokle tsuak ang chami? Ibu ile changüile owae aje tsuaküi hexmi owang makhange hanpak oshuk kople a?

MARK 10:21

Jisu-e chix to mongkün füi tangthole hu ilaxle chix ang thüi: “Nang oli tuitae ma angui; paolax, nang ma atüitüi pangnu hanglax, ilaxle chitüi chinangkyabu ang ahanle laxkox. Ile jangchangba nang zangkangting to tüle ahak aluale tüiüi; ilaxle oman, ku füito azuilax.”

ISAIA 13:19

Babilon a pangnu nok füi osün sümüikya wangting changpu; ija a ima tüikya khünaknu mongngam angkya tuita. Ikoxlechu chemle Sodom hia Gomorah nok asongle thokpuix ilailaile Jowanpa, kue Babilon chuwüi asongle thokle awütüi!

ISAIA 21:9

Allele hwom nguile ngole! Mankho ma khünakbu, ijachu mixhuak anyipong. Zanhumixe ija kax kox: “Babilon a nguakdaoa! Hwome shwomle ngokya chapabu pangwüi hax ma chiak daoa.”

PONGWANG LAIPEX 49:1

Jakop-e sasün hwom selaxle thüi: “Ku hama asoxhüi; athax füichi ma hünzom to chempangle changüihex ija kue wünfang:

PONGWANG LAIPEX 49:2

“Jakop sasün hwom asoxlaxle, hünpa Israel kax apahüi.

ISAIA 45:13

Sairas ang ile mok angkya mong kue atwoppu ku mongtex mwot tsuak ang tamchu jali otia ma thom ang. Chix lekya lomtang pangwüi kue tangthole zingüi. Chixe ku tingnu Jerusalem chatle azünle zingüi, ilaxle kople thomkya ku khünaknu danüi. Ija mok angkya hanpakma owaechu chix münshak chichangba zuizun münkox.” Jowanpa Khüthak Zang-e akaxdaoa.

JEREMIA 50:44

“Mailang tuita faonu-lingmong tokya lailaxle Jordan shuanu fole müie fumtsütkya nui to nguikya ningle, ku, Jowanpa nguiüi ilaxle Babilon nok osünto tingnu angkya fütle pao ang tomüi. Ifüima kue zünle kopkya khünake ija haxtok ma apünüi. Ku füi owa afyen ang thoüi? Ku füi apan ang owa mongchongüi? Chem ningle apünkya mixe ku zan to kaüi?