ISAIA 47:1 - OTSAO BAIBEL (BSI)

¹ Jowanpae thüi: “Babilon, nang tüntongkho tokya juün, ilaxle haxkha to haxbu khato ngoün. Hanpak tuita ma nang naochasa ningle tüikya, tingtakle machangkya tingnu tuita ningle a, ikoxle athax nang puinaile hia tsaothale tüchitüi! Athax nang a da tuita changle!

ISAIA 47:1 ပူးပေါင်းရင်းမြစ်များ

JEREMIA 51:33

Lebama wüi hwom a zanpabue hütle langüi ilaxle tsaxnak nui to tsax to nakpupule hwom to tingle akhün toxüi. Ku, Jowanpa, Israel nok Khüthak Zang-e ija akaxdaoa.”

MÜNCHUAK-TSAI 137:8

Babilon, nang a olithule amütdaoüi. Nange kwom to chemle mokdaopuix: owae nang naosombu laxpuix

JEREMIA 50:42

Hwome ma hapnu hia changlobu koplaxle laile; hwom a mongtsike awang laxle chingcha jao chitüile changle. Hwom zing a shixkya tinu tichap zing ningle tüile, hwom man kho ma ngale changpongma. Hwom a Babilon nok füi azan ang achwonle tüile.

JEREMIA 46:11

Ijip angkya khünaknu, Gilid nok to paolax ilaxle hinghai to hulax! Hünzom hinghai pangwüi laxli müntüi; chemechu nang kak münamüi.

ISAIA 3:26

Tingnu panbu a mangtsakya hia sopkyae awangle tüiüi, ilaxle tingnu jaojao sheko mixnu tuita ohua ma haxkha to thungle ngokya ningle tüiüi.

JEREMIA 48:18

Hünzom Dibon ma ngokyabu, hünzom achuak-achenle tüikya ngwotnui tokya thailax ilaxle hax ma labu khato ngolax; Moab ama angkya mix ima tüile ilaxle ija angkya zanhunuibu amale toxdaoa.

ISAIA 37:22

Jowanpa kaxho ile kox: “Sennacherib, Jerusalem tingnue nang cha nyile tamchu nang ajaole.

MÜNCHUAK-TSAI 18:27

Nange pui-hi-naikyabu khosünpu, ikoxlechu ongam füikyabu nange fang to ajopu.

MIKNGÜN-OHÜN 18:7

She chemtukux zaxzangle tamchu, tüinangle hüidaopuix, ija tukux she ang, sikngün hia mikfi nyi laxkox. Chemthüikoxle she-e alüile ile akax: ‘Ku ikhama wangcha ningle ngopu! ku a zomnu chichang, kue mikfi jenkya münawan!’

EZEKEL 28:17

Nang a nang sün müikya bama mongngam, ilaxle nang mün fuale wünkyae nang ang ongat ningle mok ang tom. Ija khokho ma kue nang a haxkha to tswonle awüt ilaxle nang a mama wanghom hanpakma kaxkhün tuita ang achangle dantox.

EZEKEL 26:16

Tinu kha tokya wanghombu pangwüi hwom ngwotnui angkya thaiüi. Hwome ma nyi-za, noksa apütle zingkya nyi, ibu pangwüi sikle awütüi ilaxle bünbünthax le hax to ngoüi. Ile nang chak jukya ngünlaxle abünkya hwom zak azak ang chithole changüi.

MANGSOP 4:5

Amipongma sütmüi-lingma saxlaxle ngokya khünakbu athax tingjang to woknuak ma zitüi; shix-shix-khaxle saxlax ngokyabu oma-oshix awütkya khato fyetle süt lomtüi.

MANGSOP 2:21

Naosom hia zunu-zupa tomwüile tingjang lomnubu to mang ma pangle tüile, Naocha hia naosün hwom, zan changlo fang ma lamkyabu a. Nang mongtsik nyix nange ojao chingcha chitüile ibu langle awüt.

MANGSOP 2:10

Jerusalem angkya zupabu hax ma dangjale thungle ngo, Hwom khangbu to haxbu fu ilaxle tsangtsa ma nyikhwon awunlaxle. Naochabu hwom khang haxchi to akhux.

JEREMIA 13:18

Jowanpae ku füi akax: “Hwom ngwotnui angkya thai angkya wanghompa hia hotatüi wangchanu hama akaxkox, chemthüikoxle osün müikya khohom hia khüsünbu a hwom khangkho angkya dütdaoa.

ISAIA 52:2

Jerusalem, nang mongtex ma sile aloxlax! Haxbu kha tokya ajonglax ilaxle wanghom tüntong ma thunglax! Zaion ma kople thomkya khünakbu, hünzom to khale thomkya janbüi da dao!

ISAIA 26:5

Ngamkya khünakbu chixe puinai ang tomle; hwom ngole tüikya tsak-zongkya tingnu chixe amale, ilaxle ija long katukbu haxbu ang achangle akhixle.

ISAIA 23:12

Sidon tingnu, hünzom mongmüi a ashukdaoa, ilaxle hünzom khünaknu to afangle thomdaoa. Hwome Saipras to paole azang koxlechu, ikhatochu hwom a khangkhosünle müntüiüi.

MÜNCHUAK-TSAI 89:44

Nange chix chongwang kiathox tswonle paodaoa ilaxle chix wanghom tüntong hax to dakle atsundaoa.

JOB LAIPEX 2:13

Ifüima ikhama hwom chix füi tomle nyix-anüt wün-anüt zangwün chitüi homtoxle haxkha to thungle nui, chemthüikoxle itukuxle chix sikngün ngokya hwome ngün ang kop.

JOB LAIPEX 2:8

Oma-oshixbu awutle athün thomkya khato paolaxle ikha angkya tikkux khaosa tswonlaxle ija füi chix mak to sikle ngo.

HAGAI 2:22

ilaxle wangtingbu tsungle thokle hwom tsak-zong amütüi khakha. Kue man-kanlin hia ija ahamkya khünakbu asongle thoküi; manbu a zile paoüi ilaxle ibu zopkya khünakbue tata alang-ahuakle changüi.

JONA 3:6

Chemtue Ninewi tingnu angkya wanghompa-e ija kax atatpuix, chix wanghom tüntong angkya thai, ma tsangtsa angkya wanghom zapua put, nyikhwon awun, ilaxle haxbu khato thung.

ISAIA 13:1

Ija a, Babilon nok hanpakma Amoz sasün Isaia-e Zang tokhange kopkya kaxho changle.

JEREMIA 50:1

Ija a Babilon tingnu hia ima tüikya khünaknu hanpakma Jowanpae ku ang fakya kaxho changpu:

ISAIA 13:13

Kue zangdingkhobu abün ang tomüi, ilaxle Jowanpa khüthak Zang, kue chemtue ku mongtsik ahole changüihex, chaxwannu a ma nui-ting angkya aloxle changüi.

ISAIA 14:1

Jowanpae tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.

ISAIA 21:1

Ija a Babilon nok ba angkya kaxho changpu. Sak-hax akaile shangflo anguixle hüikya ningle, za-adünkya haxtok tokhange thama hüiüi.

JEREMIA 51:1

Jowanpae thüi: “Kue Babilon hia ima tüikya khünaknu zongto thama adün angkya zangchei ahüi ngopu.

JEREMIA 51:51

Hünzome thüitüi, ‘Kwom a thajao wünhaile chang ang tomdaoa; kwom a monghik ashukle tüile chemthüikoxle mixnokbue Zangshwom-Hom angkya otsao nuibu bakle kopdaoa.’