ISAIA 45:8 - OTSAO BAIBEL (BSI)

⁸ Zangdingkho tokhange zangwat ningle kue lütkya ahüipu; ija pongle kop ang chaxwannu kadapüi ilaxle mongtex pan-dankya hia sukya kaxfün puale laiüi. Ku, Jowanpae, ija ile chang ang tomüi.”

ISAIA 45:8 ပူးပေါင်းရင်းမြစ်များ

HOSIA 10:12

Kue thüi: ‘Hünzom hanpakma haxzün khutlax, ilaxle ku to jop-tole changkya mohiman ma kopkya puamün hünzome zütlax. Ija a, ku, hünzom Jowanpa hato mongchat angkya hanpak changle, ilaxle ku nguilaxle hünzom ang mohiman thokle koxüi.’

ISAIA 61:11

Chemle suitsang daple asoklaxle tsongle hüipuix, Jowanpa Khüthak Zang-e chix khünaknu khosünle changüi, Ilaxle chaxwannu nok pangnue chix achuakle changüi.

MÜNCHUAK-TSAI 72:6

Wanghompa a haxtok ma zangwat ningle naxchang, chaxwan tok to dütkya nyenti ningle a.

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

JOEL 3:18

Ipongma haxnubu a grep manzaie awangle changüi, ilaxle haxhua pangnu khato osu-maihu ngün ang kopüi; Judah nok pangnu hanpak ang ti okhonguile tüiüi. Jowanpa Zangshwom-Hom tokhange shuasa tuita jenüi, ilaxle ijae Akasia haxsha ang ti koxüi.

ISAIA 32:15

Ikoxle Zang-e tamchatle kem hato chix chasa ajoüi. Awütle thomkya haxtok haxzao füikya haxtok ang changüi, ilaxle haxtok ma tüle-tüle puamünüi.

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

ISAIA 4:2

Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

ISAIA 53:2

Haxzan to tsingküi jule pün chongkya ningle chix dapa tsong angkya a Jowanpa mongtex changkya Kem ang chixsün-chixjo aho angkya hanpakma chix ma münchong hia osün chitüi. Chix bama mikzalokya oli chemchu chitüi, kem chix hato jikle ahüi fang chemchu chitüi.

MÜNCHUAK-TSAI 72:3

Haxtoke ahak-aluakya ma mongzom müikya naxtüi; ija otsao chem hex ija awanle naxkop.

EFISIA 4:24

üntoxle Zang lailaile zinglaxle otsingtsing, müikya hia otsao ma ngaile ahokya mixsün ang achanglax.

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

WANGSHEMBU MWOT 2:33

Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle.

EZEKEL 34:26

“Kue hwom to mohimanüi ilaxle ku otsao haxnu akhople ngo ang tomüi. Ikhato hwome ti lom pongma ti koxle kue hwom to mohimanüi.

JEREMIA 31:22

Hünzome chemtukux cha-ao-mongsaole ngoüi, mongong chitüikya khünakbu? Kue tütaIi azünle tamchu mali-mali to zingpu, shekonu tuitae lükapa tuita kho awakya tukux chixlili le a.”

ISAIA 66:22

“Chaxwannu hozün hia zangkangting hozün kutsak kuzong makhange chemle ngopuix, ilailaile hünzom sixli hia hünzom münbu a othuithuima ngoüi.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

MÜNCHUAK-TSAI 68:8

ipongma chaxwannu kangle pao, üntoxle Sinai haxnu Zang nguikya, Israel nok Zang nguikya khoma zangdinge zangwat thokle ajo.

ISAIA 48:18

“Hünzome ku kaxtombu kax ma laxle jangchang! Hünzom hanpakma mohiman a thokle-thokle jense chemtuechu chizopkya shuasa jajen ningle a! Hünzome zan to lütkya tüise tinu kax to tichap hüikya ningle a.

2 WANGHOMBU 19:25

“Nange ibu ile chang angkya kaitanto wüi kue ajukle tsuakthom daokya nange münatat hexnyi? Athax kue ibu ile mokle paopu. Pan zailaxle ziakople thomkya tingnubu a longkhix athünle thomkya nui ang achang angkya tsak-zong nang ang kue tix koxpu.

ISAIA 44:24

“Ku a Jowanpa, hünzom khosünpa changle; hünzom zingle alaikya mix a ku changpu. Ku a Jowanpa, pangnuli zingle alaikya mix a. Zangdingkho ku tatae pünpu; kue chaxwannu zingpongma, owaechu ku to chiasun.

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”