ISAIA 45:7 - OTSAO BAIBEL (BSI)

⁷ Zangnak hia zangngai pangnyi wüi kue zingpu; mohiman hia thama pangnyi wüi kue apüipu. Ku, Jowanpae, ibu pangwüi mokpu.

ISAIA 45:7 ပူးပေါင်းရင်းမြစ်များ

AMOS 3:6

Khünaknu chaza ang chitomle tingnu ma zan-khong nyazong mütle chang ang chami? Jowanpae ahüile lüwüi chichang, tingnu tuitae kaknu-laknu thama apongle chang ang chami?

MÜNCHUAK-TSAI 75:7

Zang tix kaxfünpa changle, züizüi omüt ang achangüi ilaxle züizüi a sukya ang achangüi.

JOB LAIPEX 2:10

Job-e lan: “Nange ongat kax akax ngole! Chemtue Zang-e müikya oli kem ang koxpuix, keme pongle koptüi; Jangchangthüiba chixe kem hato sikngün ahüikya zuma a keme chix ang omale büthüikoxle thüiüi?” Chixe ibibile sikngün apongle hüikoxngaxchu Job-e Zang zongto oma chemchu chiakax.

AMOS 4:13

Zang a tuita haxhuabu zingkya mix changpu ilaxle chixe zangwinbu zing. Chixe chix mongtex khünaknu ang awan ang tom; chixe anyixning a awünning ang achang. Chix a chaxwannu pangnu füi sütsua le aham. Jowanpa Khüthak Zang: Ija a chix mün!

ISAIA 31:2

Chixe chem mokngopuix chixe awanle! Chixe thama ahüi. Chichangchizangkya khünakbu hia hwom kho-awakyabu to sikangün angkya hanpakma chixe chix mwot mokle.

JEREMIA 31:35

Anyixningkya wünnyan ang Jowanpae zanghannu kox, lyetnu hia lyettsibu a zangnak ma nyan ang kox. Chixe tinu tichap alai ilaxle ija azax ang kox; chix mün a Jowanpa Khüthak Zang changpu.

JEREMIA 13:16

Jowanpa, hünzom Zang achuak kox, chixe zangnaknu ahüiüi thoma, ilaxle haxnubu ma hünzom asuale changüi thoma; hünzome sungle monghom ngokya zangngai chixe zangnaknu ang achangüi thoto.

NAHUM 1:8

Tüle chongkya tinu tichap ningle chixe chix zanpabu amüt; chix kax ma chilaxle tüikyabu hato hwom mikmüt ahüi.

JEREMIA 51:20

Jowanpae thüile, “Babilon, nang a ku jantu changpu, azan pongma ku chang-hi-pax a. Kue nang a chaxwannu nok jat-li hia wangtingbu thuple akhix ang twonpu,

WANGSHEMBU MWOT 4:28

Nange amibawüi nang tsakzong hia nang tutex makhange, chempang le changüihex, ibu athut-apan tsuakdaokya pangnu angaile mok ang hwom asox.

AMOS 5:6

Jowanpa hato nguilax, ikoxle hünzom ozün ma ngoüi. Hünzom ikhato chipao jangthüi: Israel khünaknu hato chix a wün lailaile zikle juüi. Bethel angkya khünaknu wünkha to zokle ashunüi, ilaxle ija wün owaechu amüt ang münthoüi.

EZEKEL 32:8

Kue zangkho tokya zangngai pangwüi amütüi ilaxle nang chaxwannu a zangnak fangto tswonle awütüi. Ija kax, ku, Jowanpa Khüthak Zang-e akaxdaoa.

MÜNCHUAK-TSAI 29:11

Jowanpae chix khünaknu ang janzüi kox üntoxle mongsom füi hwom to mohiman.

MÜNCHUAK-TSAI 8:3

Kue, chemtue nange zingkya zangding to hupuix, nange ibu ma ngwotnuinui to apütle thomkya lyetnu hia lyettsibu ngünpuix;

JOB LAIPEX 34:29

Chixe chemchu münmokngo le Zang-e jangtex daoba, owaechu chix ang chichang khato le thüi ang müntho. Zang-e chix thün jangkhomba, khünak a maxsax.

LAIPAO 14:20

Thong lailaikya zangfwom chuwüi Israel nok hia Ijip nok nyi tantiwa ma atsyenle machang machangle füichi to chat. Ija zangfwome tukle Ijip nok hato zangnak ang tom, ikoxle Israel hato wünzung kox. Ikhoma süpahibu wünta tungle tata füi asao ang chikop.

JUD LAIZA 1:13

Ti mwop ningle hwom thünzak ngaile ahokya, tüle zongkya tinu tichap hwom changle. Zange opang hanpakma zukya zangnaknu khato ngwotnui achwonle thompuix, samle aham ngokya lyettsibu a hwom changle.

JUD LAIZA 1:6

Kaxtaimixbu opang hwom ang fakya wankam ma chingo homle hwom ngwotnui danle toxpuix, ibu texle ataklax; Zange hwom koplaxle fangchi zangnaknu khato, hwom kaxfün angkya achongkya Nyix tan ang khale thomle.

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

JOEL 2:2

Ija a zangnak tamchu kochidongkya nyix ang changüi, naktukle zangfwom atyenkya nyix a. Zazwop-kuknu süpahibu chongkya süsox-süsoxle soxle hüi haxnubu to alumle zangnaknu hüikya ningle. Ija ningle chemchu machangtox, ilaxle füichimachu ile münchangtoxüi.

2 WANGHOMBU 19:25

“Nange ibu ile chang angkya kaitanto wüi kue ajukle tsuakthom daokya nange münatat hexnyi? Athax kue ibu ile mokle paopu. Pan zailaxle ziakople thomkya tingnubu a longkhix athünle thomkya nui ang achang angkya tsak-zong nang ang kue tix koxpu.

MÜNCHUAK-TSAI 105:28

Ija haxtok to Zang-e zangnak ahüi, ikoxlechu Ijip noke ojao chix kaxtombu kax ma chilax.

ISAIA 42:16

“Kue ku khünak miksutbu lom azuiüi hwom a lomnu makhange otuechu ma-aham. Kue hwom zangnak ang zangngai ang achangüi ilaxle hwom tunthoma tsoxtsütkya lomnu ajitjuile zingüi. Ibu a ku kaxtsaobu changpu, ilaxle ibu otuechu chichang homle le ang müntom.

ISAIA 47:11

Thama nang to shingle nguiüi, ilaxle nang khun-hing chemechu abaxle azak ang chithoüi. Allele nang hato thama angkya hüiüi — nange wünmang chito ngaxchu chingünkya thama a!

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

MANGSOP 3:38

Müikya hia chimüikya tomwüile chix kaxtom ma chang ang tompu.

DANEL 2:22

Zule tüikya hia huxsa zangwün ang chixe tix ngaile ahopu; zangnak fangto chem pyenle thompuix ija chixe tix awanpu, ilaxle chix jaojao zangngaie akhopkhakle ngopu.

JOB LAIPEX 10:13

Ipongma nange huxsa ma ku to chakmok-janlang angkya, olom zingle ngodaongünle athax kue awandaoa.

MÜNCHUAK-TSAI 74:16

Anyixning hia awünning nange lai ang tom; nange lyetnu hia zanghan hwom onuibu ma ngo ang tom;

ISAIA 44:24

“Ku a Jowanpa, hünzom khosünpa changle; hünzom zingle alaikya mix a ku changpu. Ku a Jowanpa, pangnuli zingle alaikya mix a. Zangdingkho ku tatae pünpu; kue chaxwannu zingpongma, owaechu ku to chiasun.