ISAIA 45:1 - OTSAO BAIBEL (BSI)

¹ Jowanpae Sairas a wanghompa ang kam! Chixe ku a chaxwannu nok tingtak tsuak angkya hanpak ma kam; chixe chix a wanghom tsak-zong züpak da angkya hanpakma ahüi; Jowanpae chix hanpakma tingnubu pan dapüi. Jowanpae Sairas ang akaxle:

ISAIA 45:1 ပူးပေါင်းရင်းမြစ်များ

ISAIA 44:28

Kue Sairas füi akaxpu: ‘Ku hanpakma apün angkya a nangtix changle; kue chem naxmokse thütpuix ijatix nange moküi; nange tamchatle Jerusalem zing angkya kax koxüi ilaxle Zangshwom-Hom homting ma thongnu küiüi.’”

ISAIA 42:6

“Ku, Jowanpae, nang nyakdaoa ilaxle tsak-zong koxdaoa ija a chaxwannu ma sukya kaxfün tsuak angkya hanpakma. Nang makhange kue khünak noknusa füi tsaotsütle; nang makhange kue chaxwannu nok hato zangngai apüiüi.

MÜNCHUAK-TSAI 73:23

Ikoxlechu ku jento nang zui ma ngo, ilaxle nange ku to nang chak füi kople thom.

ISAIA 41:13

Ku a Jowanpa hünzom Zang changpu; kue hünzom ang janzüi koxlaxle thüipu: ‘Ojao taxza; kue hünzom to asunüi.’”

JEREMIA 51:11

Chixe Babilon nok amüt-sele tsukya khoma Jowanpae Medi nok wanghombu to cheile amwop. Ijaningle chixe chix Zangshwom-Hom amakya olüix khom angkya changle. Zansing lompa-e kaxkox: “Hünzom changlobu wunle anax kox! Hünzom dibu achwonkox!

JEREMIA 50:35

Jowanpae thüi: “Babilon nok hato zikmüt-mangkho! Ija angkya khünaknu hato mikmüt, ija ma apünkyabu hato, ima jetüi-hwonlangkya khünakbu hatochu.

ISAIA 45:5

“Ku a Jowanpa changpu; mama baozang owachu müntüi. Kue nang ang nange laxse tsak-zong koxüi, nange ku owahex chitsing koxlechu.

IZRA 1:1

Parsia angkya Sairas chongwangpa ang achangkya pongwang lükya zanglao ma, Jowanpae chix ajepa Jeremia füi chempangle akax daopuix, ibu changle ngai ang tom. Ija kaxho chix chaxwan pangnu khato wüi laiza ma afan angkya hanpakma chixe Sairas ang akhangle mok angkya kaxtom kox:

NAHUM 2:6

Shuanu kax ma tüikya fülom ka dap; wanghom homkha a okhong-okhae awang.

DANEL 7:5

Anyi-lükya müi a chep lailaile ochak wüi tsuathale ajong. Ijae samlapza azom tap le tüikya, ilaxle kaxzing tuitae chix füi akax: “Nange chemtukux sax ang thopuix itukux müi saxle ngokox!”

ISAIA 13:3

Otsao zan azanlaxle chix füi mongtsikle ngokyabu to sikangün angkya hanpakma Jowanpae mongngamle tamchu mongchongle tüikya süpahibu to nyak.

JOB LAIPEX 12:21

Tsakzongle ngokyabu to chixe ching müncha; apün-awangle ngokyabu angkya zong abak ang tomle.

DANEL 5:6

Chix thün huishole chang ilaxle huanuma abüt-abanle changkya khoma chikux ngaxchu anyonle süt.

JEREMIA 27:6

Ibibi chaxwan zangfang a Babilon nok wanghompa Nebukadnezar, ku dapa fang ma ngo angkya tomkya mix a ku changpu; kue faomüibu ang ngaxchu chix thothale chang ang tompu.

ISAIA 41:2

“Handünchi tokhange anaole hüikya ija a owa, chix alele chito chixe wüi anaokya a? Wanghom-wanghombu hia onok onokbu to lüt angkya chix ang janzüi owae kox? Ibu a haxkhix-labu tukuxle chix changlo fang ma nguak. Chix sanhap tuntho to hwom a tsaxsabu ningle pikle pao.

1 WANGHOMBU 19:15

Jowanpae thüi: “Damaska angkya faonu to tamchatlax, ifüima Siria nok ma wanghom ang Hazael to müngae ale kamlax.

DANEL 8:3

ilaxle ija shuajen zui ma kue ozong lowüilole tüikya chunla tuita ngün, oja ozong tuita a ata füi ataitoxle lo ibomachu zongzün dongkya ningle tüikya.

JEREMIA 50:3

“Shuakuxchi tokya jat-li tuita Babilon to sing ang nguingole ilaxle ijae she a zizopakya nuiting ang achangüi. Khünaknu hia müibu a fütle paoüi, ilaxle ikhama owachu münngoüi.”

ISAIA 41:25

“Kue handün chito ngokya khünak tuita zünle kopdaoa; Shuakuxchi makhange sing ang kue chix apüiüi. Chixe haxthom to nakpupule apün-awangkyabu to naküi, tikjaomix-e haxthom to nakpupu lea.

IZRA 1:2

“Ija a, Parsia nok chongwangpa Sairas kaxtom changle. Jowanpa, zangkangting tokya Zang-e, ku a zangfang pangwüi thakma apün angkya mix ang kamdaoa ilaxle Judah angkya Jerusalem ma chix hanpakma zangshwom-hom tuita zingle alai angkya ku hünlit ang koxdaoa.

ISAIA 13:2

Tuita kohwon haxnukho ma azan angkya nyiluak apikkox! Süpahibu to tsale akhong kox ilaxle ija ongam tingnu panbu to sing angkya münwan aho ang nang chak ajongkox.

ISAIA 48:15

Chix füi zangwünkya tamchu chix nyakkya a ku changpu; chix lom kue azuipu ilaxle tho-lünle chang ang tompu.

JEREMIA 43:10

Ifüima hwom hama, ku, Jowanpa Israel nok Khüthak Zang-e ija khato ku dapa wanghompa Nebukadnezar apüiüi, ilaxle chixe ilaxle hünzome akhünle thomkya longnubu tok ma chixe chix chongwang ngwotnui danüi. Ibu ding ma chixe chongwanghom nyihom pünle ajongüi.

JEREMIA 51:30

Babilon nok lompabue azankya zak ilaxle hwom zanhunuibu ma ngole homle. Hwome ang monghixdaoa ilaxle khosam ashukle tüile. Tingnu zünkaibu a pünle adütdaoa, ilaxle homhaxbu a wünkha towüi.

JEREMIA 51:58

Pangnu to lütle ngokya Babilon tingnu pan-katukbu a hax to tswonle awütüi, ilaxle haxtsua-zangthakya ija zünkaibu zokle ashunüi. Chaxwannu noke mokkya mwot a chem angchu münchang; hwom azong-amongkya a wünkhut ang achangdaoa. Ku, Jowanpa Khüthak Zang-e ija akaxdaoa.”

EZEKEL 29:20

Chix süpahibue ku mwot mokle changkya khoma, kue Ijip a chix ang ija otha ningle koxpu. Ija kax Jowanpa, kue akaxdaoa.

DANEL 8:4

Kue ija chunlae ozong füi, hannop, shuakux hia shuathong, ibu chito thukya to hule ngo. Chemningkya müiechu ija abax ang chitho chichangba chix tsak-zong thoto paole azang ang chitho. Chixe chix mongtsutsu ma mok ilaxle owachu e-sele chichang.

NAHUM 3:13

Hünzom süpahibu a chingcha ashukle, ilaxle hünzom chaxwan a zanpabu tunthoma ziakopkya chemchu chitüile ajong. Hünzom zünbu akaile wüne panbu komkaile zokle ashunüi.